I'm back

Etter å ha tilbragt første del av ferien i mitt barndoms paradis er eg nå heime igjen :) Eg må sei eg har vore heldig med vèret i ferien, og me har vore mest mogleg utandørs. Stranda til tante Kjersti er nydeleg!

Ingenting er som å leike med Bionicle i strandkanten :)

På heimefronten har ting skjedd medan me var vekkreist. Den snille femannen fekk tid til å male kjøkkengulvet, og Den gode feen vart hoppandes glad. Enno eit steg nærare draumekjøkkenet ... :)

Fram frå gløymselen har handblåste glas og mugge frå Kairo dukka opp. Eg var i Kairo/Sinaiørkenen den gongen massakren i Luxor hendte- om nokon hugsar den (1996). Iallefall. Trur aldri det har vore lettare å prute på varene i Kairo. Me var jo dei einaste turistane som fantes der, hehe. Det var vanvittig dårleg lys under dagens fotoseanse, men fargen på glasa er turkise. Glasa og mugga har saman med mykje anna vore lagra i ei loftsbod på Landås i mange år, men i nytt hus er det betre plass og ting får sjå dagens lys igjen. Dersom det ikkje havnar på Fretex då :)
Eg er stadig på jakt etter isblå saker og ting til kjøkkenet. Isblå er ein lys turkis farge, og kombinert med mørkare turkis går det fint. Lyseblått vert desverre full kræsj med isblå, ganske dumt sidan eg hadde så mykje lyseblått frå før. Desse glasspottene fann eg hos Smak på Sandnes.
Veslefeen har lenge stabba rundt på eigne bein, men først nå føretrekk ho å gå framfor å krype. Litt ustø er gangen, men det er så moro å sjå den vesle dukka i aksjon.
Det er godt å vere tilbake. Ferien fortset nokre veker til, men eg håpar å oppdatere bloggen litt oftare. Tusen hjartans takk for alle kommentarar og ikkje minst awardar eg har fått i det siste. Tusen takk, og ha ei kjempefin helg!!!