Netthandel på Etsy

Det er fleire som har spurt om ikkje eg kan fortelje om netthandel på Etsy, og det er klart eg kan :) Som det står på Etsy si startside: Your place to buy and sell all things handmade. Det er altså berre håndlaga ting som selgjast her.

Det første eg vil anbefale er å opprette ein PayPal-brukarkonto. Med PayPal handlar ein trygt og effektivt, der PayPal er eit slags mellomledd som sikrar at kjøpar ikkje får info om din bankkonto f eks. For å opprette PayPalkonto melder du deg inn her. Du blir trukke 15 kr frå bankkontoen ved opprettelse av PayPalkonto. Etter nokre dagar går du inn i nettbanken og på den transaksjon der 15 kr er trukke frå, står det ein firesifra kode. Denne firesifra koden brukar du til å verifisere PayPal-brukarkontoen. Når dette er gjort er det berre å handle i vei - enkelt og greit :) Og dei 15 kr blir tilbakeført til kontoen din så snart du har verifisert PayPal brukarkonto.

Og så var det ETSY då... Ein har fleire mulighetar til å finne fram til det ein er ute etter. Ein kan f eks bruke søkefunksjonen og søke etter spesifikke ting.

Her er ein litt kjekk måte å leite på Etsy, syns eg: Om eg finn ein selgjar som lagar fine ting som eg likar, så kikkar eg på denne selgjaren sine favorittar (står under profilen til den selgjaren du er inne på - som oftast i venstre hjørne av skjermbildet). Då finn eg enkelt fram til ørtifjørti fleire fine ting som eg vert inspirert av eller som eg kjøper.

Når ein bestemmer seg for å kjøpe noko, så er det mange selgjarar som krever betaling via PayPal - derfor denne oppfordringa i starten av dette innlegget.

Håpar eg klarte forklare det sånn nokonlunde :) Tvi tvi i jakta på Etsy-skattane :)

PS! Alle bileta i dette innlegget er frå Etsy