Ei herleg helg er over

Masse god mat. Nydeleg vêr. Kjekt besøk. Handlerunde med Prinsesse Elin i Sandnes. Cafèbesøk. Dill og dall. Og litt fleire prosjekt fullførte i og rundt huset. For ei herleg helg dette har vore :)

Alma fekk pengegåve i posten frå den snille Oslo-tanta, og for dei kjøpte ho seg seng og ei til lita Maileg-kanin. Stor stas med desse leikene, og dei pyntar jo rett og slett berre opp når dei leikast med i stova :)

Eg har ein plan om å lage tepper, klutar og klær til kaninene, så det er forhåpentlegvis ikkje siste gong de ser desse :)

Eg har også plan om å sy noko av dette ultratøffe skjørtet frå Fretex ein av dei kommande dagane. Ja, at det er eit skjørt er jo ikkje akkurat innlysande slik det ligg i korga, men det er altså eit fotsidt skjørt i str 34 eller noko slikt. Med andre ord alt for lite for meg, men ikkje for lite for eit syprosjekt eller to :)

I fare for å framstå som ein leikeproduktblogg heller enn ein interiør-hobby-blogg, så har eg likevel lyst til å vise fram litt fleire knallfine gåver snuppa fekk til 2-årsdagen.

Her er delar av eit nydeleg koppestell som kom sendt med privatbud (takk Kristian) frå snille supre Bodil BO og co. Det er nesten så eg er redd at den vesle bajasen kjem til å knuse det, og vurderer å legge det bort til ho er litt større:

Men føreløpig har det gått kjempefint (minifeen til stadighet iført plaster utan anna grunn enn at det er kjekt):

I formiddag hadde me besøk av ei anna snill "tante" og dei nydelege jentene hennar, og dei hadde kjøpt verdas finaste solstol til Alma. Sjå berre her:

Nå skal eg straks gjere som kaninene på første bilde, og legge meg under dyna - sove glad og nøgd over helga som var. I veka som kjem bør me få på plass dei siste detaljane før babyen kjem. Termin nærmar seg nemleg med stormskritt :) God natt herifrå :)