Eg er så utolmodig...

Nå for tida boblar eg nesten over av kreativitet og energi. Eg har lyst til å gjere alt på ein gong. Eg har lyst til å sy, eg har lyst til å strikke og eg har lyst til å hekle. Hekle huer som denne eg hekla til Alma for over to år sidan (eigenkomponert mønster og idè). Eg har lyst til å strikke tjukke gode strikkejakker til både meg og ungane, og fine leggvarmarar og hanskar og huer og og og. Og eg har lyst til å sy puter, bordbrikker, ting og tang.
Problemet er berre at eg er så ivirig at eg knapt får noko gjort.

Eldstemann har vore heime frå skulen i to dagar med tung pust og slapp form (astma). Me har kost oss masse, spelt spel, øvd på å skrive fine bokstavar som går både i loft og kjellar og lest bøker. Nå er han tilbake på skulen igjen, og eg har formiddagane for meg sjølv når minipjokken søv.

Eg trur rett og slett eg må skrive prioriteringsliste over alt eg vil lage, og først ut er å sy puter. Eg har gjort ein fantastisk byttehandel som eg gledar meg til å vise dåko. Håpar eg klarar sy verdas finaste puter i gjengjeld til ei superduper jente i Oslo ;) Vent i spenning ;)

Dagens nettoppfordring er å besøke Pakhuis Oost. Sjekk den nye vinterkolleksjonen. Inspirasjon til tusen. Sweet memories fører merket, og ta deg ein tur inn der og kikk også.

Nå er det 3-månadars kontroll som står for turen. Kan ikkje fatte at det er 3 månadar sidan verdas mest smilandes litle gut vart født, men det er det altså. Juhu :)

Ha ein flott onsdag, klem frå LindaPindaPøne

PS! Takk for alle fine kommentarar angåande hua. Eg deler desverre ikkje mønster på denne, sidan eg pleier lage slike for salg. Det er veldig godt mulig at eg lagar fleire for salg etterkvart. Må berre fordele energien først ;)