To elefanter kom marsjerende

Eg hugsar godt første gong eg såg desse designlampane til barnerom. Dei er designa av Ramin Razani frå Italia, og merket heiter ZooLight. Eg var på mi første utanlands- jobb-reise etter at eg vart mamma for første gong, og turen gjekk til Venezia. I 10 hektiske dagar var eg vekke frå gullungen min, hjarta blødde og eg følte det som eg mangla ein kroppsdel. Samson var berre 10 månadar gammal, og dette var første gong eg måtte reise frå han.

I dag må eg nesten le av at eg var så utruleg hønemor, nå som eg har meir trening i å vere litt vekke frå ungane. Eg syns aldri det er kjekt å reise frå dei, men eit par timar på dagtid der alle er opptekne med sitt er berre sunt.

Men tilbake til lampane. I Venezia bugna det (faktisk) ikkje berre av butikkar som selg karnevalsmasker og glasskunst, men også av butikkar fulle av kjekke barneklær og leiker. Det var der eg såg desse lampane første gong, og eg vurderte sterkt å kjøpe ein. Men i staden enda eg opp med å kjøpe denne lampen.

I ettertid har lampane dukka opp på handlerundane mine både i København og i Norge. Og sist i dåpen til Simon. Hipp hipp hurra, nå har me endeleg fått ein slik lampe i hus. Nå står den kule elefanten i stova, og ventar på å marsjere opp på barnerommet. Er den ikkje fin?

Det ekstra gøye er at Simon også har fått ein tøff uro med elefantar frå Illums, samt at det er elefantar på Sebra sengetøyet til Almamor. Mikrofeen skal få sitt eige Sebrasengetøy så er det full match. Det vert rett og slett elefant-tema på barnerommet deira (dei må dele rom når mikrofeen er klar for å forlate foreldresoverommet om ein del månadar).

Sol frå skyfri himmel og eg og babyen har lunsjdate med Herr Fe i sentrum. Ha ein flott mandag du også,

klem frå