Den gode feen

Vårt Mekka?

2012-01-28T17:55:00.000Z

I romjula fann eg alle interiørelskarars Mekka.
Eg har allereie nevnt butikken fleire gonger, men butikken er så vanvittig bra at den fortener ein fin presentasjon. Og er du i nærleiken, er det for gale at du berre susar forbi om du ikkje veit om denne vestlandets perle av ein butikk. Eg snakkar sjølvsagt om Ølen Møbel. Butikken som jenter og menn valfartar til frå nord og sør, vest og aust. Alle venninnene mine i Sunnhordland reiser hit. Jenter frå Bergen, Haugesund og Bergen og omegn drar hit på jentetur. Gjerne i kvar sin bil, for å ha best mogeleg plass til å ta nyinnkjøpte ting med heim.

I romjula kom også eg meg dit. Eg la returen frå julefeiring på Halsnøy til Stavanger på ein dag butikken er open. Kva skal eg sei. Herliga London. Eller rettare sagt Herlige Ølen. Eg har nesten ikkje ord, og vart regelrett veldig satt ut av det vanvittige utvalet og breidda i vareutvalet. Kven hadde forventa at eg skulle finne By Nord, Tine K, Tolix, Jielde, Bestlite, Day, Washi tape, etc etc etc i Ølen? Eg hadde jo høyrt ryktene, men dette var over all forventning. Nå planlegg eg ein stopp neste gong me skal på helgebesøk til mamma. Må berre sørge for ledig plass i bilen og oppsparte midlar til innkjøp.

I forfjamselsen gløymte eg å ta bilder. Om eg hadde hugsa det, hadde eg sikkert ikkje våga spørre om å få lov uansett. Eg syns nemleg det er litt pinleg å spørre om å få ta bilder av butikkar. Dagens innlegg er derfor krydra med bilder tjuvlånt frå butikkens Facebookprofil. Satsar på at det går greit. Anita som driv butikken, har forresten ein finfin og koseleg blogg som du finn her.

Denne kvite Ghost sofaen frå Gervasoni er kanonfin...

Nå er det kveldskos med gjengen min som står for tur. Rettare sagt disko før sengetid. Nesten kvar lørdagskveld spelar me høg musikk og danser. Ungane elskar det. Foreldra også ;)

God klem frå Linda
PS! I morgon kjem det innlegg med eigne bilder og prosjekt igjen ;)

Keisarar

2012-01-26T20:51:00.001Z

Washi-taperullar, kjøpt i den fantastiske butikken Ølen Møbel, heng på eit skap og skrik etter å verte brukt i kreative krumspring...Kanskje i helga?

God aften der ute :)

Eg er på plass framfor skjermen igjen etter ein hektisk ettermiddag som taxisjåfør til og frå fritidsaktivitetar og klassekontaktmøte. Nå gjenstår berre å tømme/vaske nokre matboksar, lage ein sti gjennom rotet og så trur eg ikkje eg gidd gjere meir i kveld. I tillegg til generell giddalause, har eg planar om å vise dåko dei dødskule nye brillene mine i morgon, og treng litt skjønnhetssømn dersom dette skal lete seg gjere.

Før eg kastar inn handkledet for kvelden, så må eg berre tipse dåko om ein blogg eg elskar. For ja, de veit jo at eg er glad å dra fram kjekke bloggar som du kanskje har gått glipp av at er vel verdt å lese. Sidan keisarane i tillegg har ein konkurranse med herlege premiar, får eg det sparket bak som eg treng for å få det gjort.

I Trondheim bur det to keisarar som verkar som verdas aller kjekkaste keisarar. Dei to bileta over og under denne teksten er tjuvlånt frå bloggen deira. Stikk innom, bli inspirert, imponert og glad i dei du også! Keiserens nye trær finn du her. Og sjokoladerullekake med smørkrem er noko av dei aller beste kakene som finst.

Finfin kveld til deg, for nååååå kastar eg inn handkleet :)

Klokka er..

2012-01-23T20:31:00.004Z

Sjekk ut den finfine skjermspararen eg har.

Tøffa liksom opp datakroken denne her.
For den som er oppteken av tida er den rett og slett genial.
Eg trur eg er forelska. I ein skjermsparar :)

Eg fann han inne hjå Haust i dette innlegget. Fine Haust som har blogga nesten like lenge som meg.

Fin mandagskveld til deg. Kanskje med fin klokke på skjermen din også?

Tudeluuu :)

Ut på tur. Aldri sur. Eller?

2012-01-22T23:09:00.003Z

Nokre blinkskudd frå dagens utflukt. Dei fleste bileta er det faktisk 9-åringen som har tatt :) Som sagt gjekk ikkje turen lange stykket i dag, men likevel til stader me ikkje har vore før. Eiganes Gravlund og Ledaal lystgard og kongebustad. Det var bitande kaldt og svært glatt, så å gå heile Eiganesturen utsette me til plussgradene er på plass. Ein liten tur ut er imidlertid alt som skal til for å få litt frisk pust i lungene, god stemning i familien og for å verte litt meir kjendt i eigen by. Enkelte familiemedlemmer vart litt motvillig med på turen, men initiativtakaren gleda seg over å observere at dei som hadde minst lyst kanskje var dei som kosa seg mest?

Korleis er det med deg? Er batteria lada for ei ny veke? Eg har sortert cirka tjue tusen LEGO-delar denne helga, innimellom alt det andre. Heldigvis ser eg/me slutten på jobben. Føler eg har LEGO-klossar på netthinna, og kjenner med passe svimmel og stiv i korsryggen ;) Planen er gjenoppbygde LEGO-bygg, til glede både for storebror med venner og to litt mindre småsøsken. LEGO er kjekt, men ikkje i tusen knas.

Ha ei super veke.

Glimt

2012-01-22T09:39:00.001Z

Glimt av ein einsleg ryddig krok.
Glimt av leik.
Glimt av rot.
Glimt av kos.
Glimt av vinter.
Glimt frå ei fin helg.

Sola skin.
I dag vert det tur på oss.
Ikkje lange vegen vekk frå huset i dag. Eg trur me satsar på denne.

God søndag til deg også!

Endeleg

2012-01-17T17:18:00.003Z

Me har hatt ei forlenga helg her i huset. Seine frukostar, mykje sofakos og LEGO-bygging har det blitt. Her gjeld det å fokusere på det positive. Alle dei tre etterkommarane våre er nå heldigvis på bedringens veg, så nå satsar eg for fullt på at me går friskare tider i møte :) Frukostpådekninga ser jo nesten påskeaktig og vårleg ut. HERLEG.

Ha ein finfin kveld. Me bloggast :)

På bordet

2012-01-15T21:43:00.000Z

Kvifor sitje i sofaen når det er ledig plass oppå bordet ;)
Eg måtte berre forevige dette - utsikta mi frå sofaen. Eg og dei to minste har tilbrakt dagen - ja omtrent heile helga innandørs.
Begge to er febervarme og hostar stygt. Pippi og Emil på DVD, saftis i handa og etterkvart i magen gjer susen. Sitje tett i tett i sofaen er også herleg, både for friske og sjuke.

Eg har forresten eit nytt strikketøy på pinnane. Genser til 9-åringen, inspirert av sjølvaste Eeeeeeemil sin raglangenser. Ikkje lett å forevige Emil, men ser du filmen der Emil har juleselskap for dei fattige, så ser du genseren eg vart så inspirert av her ein dag. Garnet eg strikkar i er ein tråd tynn alpakka og ein tråd eit spettete Tirolgarn som kjem i 200grams nøster. Det er utruleg dårlig utval av spettete garn på garnbutikken for tida, så eg enda altså opp med eit garn som inneheld akryl - noko eg egentleg ikkje likar. Jaja, pytt. Mønsteret eg brukar er fritt etter noko eg fann på Drops sine sider, så det vert i grunnen spennande å sjå kven genseren passar til slutt.

Pyton, når dei små er sjuke, men tippar me ikkje er dei einaste i Norges land som er i denne situasjonen om dagen...Vår eigen vesle Emil-kloning slokna på sofaen, med den rosa favorittsekken til daddo på ryggen. Verdas beste Simongullklump.

God veke til deg som er innom :)

PS! Gledeleg nytt på tampen. Eg er nominert som kandidat til Årets Mammablogger 2011. Jippi, så kjekt. Du kan gå inn og sjekke dei andre nominerte og stemme på din favoritt her inne.

Krigsropet

2012-01-10T22:07:00.001Z

Hei hei. Hadde store planar om å komme meg tidleg i seng i kveld, men her sit eg og berre nett MÅ blogga litt først, he he. Nokon som kjenner seg igjen eller? Dagens innlegg er proppa fulle av gamle bilete frå desktop'en. Ja, før eg kjem innpå kvifor, må eg jo nett fortelje om alle dei flinke 4.klassingane eg møtte i dag. Dei var råflinke, og innimellom var det nesten ikkje bruk for hjelp frå verken meg, lærarane og dei to skjønne bestemødrene som stilte. Eg har aldri gløymt desse uglene som Micano med bloggen Nyte Livet presenterte ein gong, og tipsa læraren om dei. Ho fall like pladask som meg, så nå er alle i sving med ugleproduksjon. Gøy :)

Men tilbake til årsaken til at desse gamle bileta, med mitt største bruktfunnkupp i fokus, er posta nå igjen, er Frelsersarmeen sitt vekemagasin Krigsropet. Dei har nemleg ei spalte der kjendisar og slikt viser fram sine beste Fretexfunn. Eg hugsar ikkje heilt kven som har vore i Fretex-Favoritten-spalta, men syns å hugse Surferosa, Sigrid Bonde Tusvik osv osv. Og nå meg. He he he, Den Gode Feen mengar seg med kjendisane ;) Det er vel like før eg blir fotografert på veg inn på kino eller på veg ut av treningssenteret og havnar i Se og Hør.

Neida, eg skal slutte å tulle. For eg beundrar verkeleg arbeidet Frelsesarmeen gjer. Det er ingen veldedig organisasjon som står hjarta mitt nærare enn Frelsesarmeen. Ingen over. Ingen ved sida. Dei tar seg av dei som er lågast på rangstigen. Dei mettar. Dei gjev folk verdighet. Og dei er der for alle. Det var derfor med jublande glede eg takka ja til å vise fram mitt beste Fretex-funn. Nemleg trestolen eg sikra meg i forfjor ein gong, og blogga i dette innlegget. Her er resultatet og korleis funnet mitt vart presentert i Krigsropet:

Sidan teksten/oppløysinga er litt i minste laget skal de få det skriftleg presentert her:

KVEN: Linda Sæbø, geolog og bloggar. Bloggen hennar Den gode feen, har blant anna blitt kåra til Noregs beste boligblogg i 2010.

KVA: - Verdas finaste og mest behagelege stol. Eg oppdaga stolen på Fretex på Mariero i Stavanger etter stengetid ein kveld eg var for å levere klede i Fretex-containeren. Dagen etter hasta eg av gårde for å prøvesitte den og sjekke om eg likte den like godt. Heldigvis stod stolen der og venta på meg då eg entra butikken lettare vill i blikket. Eg aner ingenting om stolen, men funderer på om det er ordentleg design det er snakk om. Eit solid stykke handverk er det iallefall.

KVIFOR: - Eg har alltid vore glad i stolar, men inga stol-glede slår denne. Alt tiltalar meg: fasongen, breidda, høgda, fargen på treverket og den blanke lakken. Stolen skal få vere akkurat som den er.

VISSTE DU AT ALT SOM ER BRUKBART OG SALGBART I PRINSIPPET KAN GIS TIL FRETEX? DET DU IKKE LIKER LENGER, KAN DET HENDE AT NOEN ANDRE LETER ETTER.

Beundarar du som meg Frelsesarmeen, føreslår eg at du trykker på Liker knappen på Facebooksida deira. Ok, då har eg fått utlaup for litt skriveglede i kveld igjen og det er på tide å legge inn årene for denne gong.

Bloggast i morgon kanskje? Klem klem

Gledar meg

2012-01-09T22:35:00.002Z

Ajajaj, eg gledar meg såååå masse til i morgon. Då skal eg nemleg bruke lunsjen pluss ein avspaseringstime på å assistere elevane klassen til eldstemann når dei skal lære å strikke :) Me øvde oss litt i helga. Han skulle lære å strikke, og eg skulle lære å lære vekk. Trur det gjekk bra, og håpar det går bra i morgon :)

Fin tirsdag til deg også!

For første gong

2012-01-08T21:54:00.000Z

Eg har ingen nyttårsforsett.

Eg gidd ikkje verte skuffa av meg sjølv ;)

Eg har derimot eit sterkt ynskje.

Eg har ein draum.

Eg har ein god
plan.

Ynskjet er at me som familie skal komme oss meir ut av huset når me har fri. Ut av huset i lengst mogleg motsett retning av butikkar og kjøp og kav.Vekk frå tjas og mas. Vere saman. Gjere nye ting. Oppleve. Saman.
Ynskjet er at me skal bruke naturen rundt oss. Verte kjendt i nærområdet, bruke nærområdet og dei opplevingane det gjev oss.
Draumen er at me skal verte ein sunn friluftsfamilie. Draumen går nok truleg ikkje i oppfylling med det første. Kanskje aldri. Til det er me er alle altfor glade i å kose oss heime. Til det er det alt for mange arbeidsoppgåver å ta tak i heime. Til det er det alt for lita tid. Men det er snakk om prioriteringar.

Eg har difor ein plan. Planen er noko så enkelt som lengre søndagsturar. Søndagsturar som tar oss litt lengre vekk frå hushjørnene enn den søndagsturen me plar praktisere når me går ein times tid i nabolaget. Slike lengre turar krev litt innsats. Både i form av planlegging av kor me skal, kva me skal ha med oss og det gjeld å komme seg i seng tidleg nok slik at ein er nokolunde utkvilt. Eg planlegg ikkje slike turar kvar søndag altså, det er nok alt for ambisiøst, men heller så ofte som me kan.

I dag har me hatt ein slik tur. Årets første.
Me kjørte til Brekko. Ski og rattkjelke var med i bilen. Sekken med kakao, niste og kjeks likeså. 45 minutts køyring frå Stavanger var perfekt avstand. Me var lenge i tvil om at det kom til å vere snø der. Landskapet såg meir ut som eit vårlandskap enn vinterlandskap då me nærma oss. Eg forsøkte førebu ungane på at det var kanskje ikkje snø her, men at me kunne iallefall nett sjå kor me skal dra når snøen kjem. Men JIPPI: Då me svinga inn på parkeringsplassen såg me både at her var snø og mange skigåarar i sikte.

Og skigåing vart det på oss også. Alma på ski for første gong. Det vart ein del knall og fall, og det gjekk sakte på fram. Mora sjølv trynt'an også - to gonger. To gonger låg eg der og kava utan å komme meg opp igjen, medan familiemedlemmene skrattlo. He he. Me kom oss aldri inn til Gapahuken som planen var, men rasta i vegkanten like før me nådde fram. Me ville nemleg ikkje ta aldeles knekken på skientusiasmen til dei søte små, og heller starte med ein liten positiv tur. Gapahuken når me nok neste gong. For me var alle var i Brekko for første gong, men absolutt ikkje siste.

Nå gjenstår det berre å sjå om planen vert gjennomført. Om familien er med på planen min, eller om turane mine vert boikotta. Kanskje sit me her som den friske friluftsgjengen til neste jul. Skratt. I wish ;)

Fin veke til deg!

PS! Kjenner meg framleis som nyflytta til Rogaland, sjølv om det nå er fire år sidan me kom sørover frå Bergen. Kom gjerne med tips til kjekke turar som kan gjennomførast med ein 2-åring på slep. Har også tenkt å prøve fleire av turane som Turforeningen anbefaler saman med bl a. Stavanger Aftenblad i desse dagar.

Helgefri

2012-01-08T09:01:00.000Z

Bilete seier det heile.

Nå er kakao og niste pakka i sekken og me er klare for tur.

Veit ikkje heilt kor ferda endar, men tar det heile litt på sparket.

Ikkje kvar dag det er meldt sol, så denne dagen må nyttast ute.

Før me fèr, måtte eg berre innom for å ynskje deg også ein fin dag ;)

Klem frå Linda

Igjentetta + Manokrukker

2012-01-03T20:52:00.002Z

I går, på barnehagens og skulens planleggingsdag, fekk eg gjort ymse praktisk i huset. For eksempel tetta eg igjen øvre del av den innebygde vinhylla med ei svartmalt plate. Svartmalt av den grunn at det var det eg hadde tilgjengeleg. Tetta igjen fordi vinen held seg lengre i den kjølege kjellaren, framfor på det varme kjøkkenet. Og med det særdeles kjedeleg låge alkoholforbruket det er her i huset, så treng me lang haldbarheitstid på vinen. På bilete under ser de så vidt glimt av den tomme vinhylla, og på bilete over korleis resultatet vart.

Medan eg først var i gong med å fotografere, tok eg nokre detaljbilete frå kjøkkenhyllene også. Plutseleg ringte det på døra, og på trappa stod ein gulkledd kar frå DHL. Eg, som alltid vert nervøs av pakkar på døra (kva er det nå eg har bestilt og gløymt ut ???), vart lettare forfjamsa. Forfjamselsen vart imidlertid raskt erstatta med jublande glede. For kva anna enn tre nydelege Mano-krukker frå Kähler var det som kom. Levert med bud og greier og greier... Dette passa jo supert. Krukkene glei rett inn i interiøret forøvrig, og trass i sviktande dagslys, vart dei foreviga dei også. Litt artig at du på dagens bilete lett kan sjå kva for bilete som er tekne før og etter DHL var her ;)

Har du sett finare krukker før? Den lågaste krukka er nå fylt med sukker, den smalaste med Maldonsalt, medan den største føreløpig er tom. Krukkene kjem i dei finaste fargar, men nett nå er eg glad eg valgte kvite.

Krukkene vann eg i ein konkurranse inne hjå superfine Hvite Tulipaner like før jul.

Hvite Tulipaner - Edina er ei av dei jentene som gjorde sterkast inntrykk på meg på Glansdagen i fjor. Ho kom der så feiande flott i knallfin Acne-kjole (trur eg iallefall), kjempestilig på håret, kule sko og vann prisen for beste bloggfoto. I denne digre bloggjungelen hadde eg ikkje lagt merke til bloggen hennar før, men med sitt skjønne vesen og sin fine trønderdialekt, satte ho spor i meg umiddelbart. I ettertid har eg fulgt bloggen hennar, og er mektig imponert. Stikk innom der om du også har lyst til å bli inspirert! Knallkjekt at eg var så superheldig i vinne, Edina!

Ha ein fin kveld!

Svosj, ut med ho

2012-01-02T22:29:00.000Z

Jula vart rydda ut i går. Jammen er det ei merkleg kjensle. Det er liksom så tomt og stusseleg, men akk så reint, herleg og luftig på same tid. Tippar det er fleire enn eg som har fått ho ut allereie, eller?

Syner eit par-tre fleire bilete av den nydelege telyslykta eg fekk til jul hjå snille Bodil Bo. "Lykke" syner på dagtid, og når telyset inni tennast, så kjem teksten ... "og glede" til syne. Råfin, ikkje sant?

Jula er ute og ute, fru Blom, tenker kanskje du og gløttar på både spanske kongler og juletrær frå Tine K. Det har seg nemleg slik at juletrærne frå Tine K har eg hatt lyst på så lenge, og fann dei først etter jul. Dei får derfor stå framme og minne oss om jula som var. På veg heim frå Halsnøy på fredag svinga me nemleg innom Ølen Møbel. Og du hildrande du. Dette er ein så vanvittig fin butikk, at den regelrett fortener eit eige innlegg - det kjem derfor meir detaljar seinare. Dessverre var ikkje skjønne Anita på jobb denne dagen, men eg beundra butikken i djupe drag, og både det eine og det andre havna i korga (deriblant juletrærne). For eksempel var det halv pris på Walters-hus - og dei elskar eg framleis like godt som før - og kjøpte meg to til.

Nei, i morgon er det tilbake til kvardagen, så det er best eg kryp til køys.

Bouna notte ;)

Bakstekjerring

2012-01-01T23:57:00.000Z

Mamma hadde laga Nordlandskaker til jul. Småfeane elska dei. Nyttårsafta laga eg difor vår eiga ladning av desse mjuke gode kakene. Bakstekjerring for første gong. Mamma brukte steiketakke. Det har ikkje eg. Ei og ei kake omhyggeleg steikt i steikepanne. Det kan eg love at tar tid. Resultatet vart imidlertid like godt. Heldigvis.

Som vanleg trakkar dei to minste i hælane på meg, medan storebror er oppteken med kompisar. Nordlandskakedeigen vart for klissete for små hender, men heldigvis hadde me ein pepperkakedeig på lur ;) Eg brukte eit pannelokk til å stikke ut kaker med, og derfor fekk eg dei sånn nokolunde jamnstore. Tjukkleiken var derimot ei utfordring å få lik. Øving gjer mester, er det ikkje slik?

Nyttårsafta vart feira på bedageleg vis, og eg byr på nokre glimt frå middagsbordet. Den finfine telysestaken fekk eg til jul. Høgdepunkta for småfeane var sjølvsagt knusinga av pepperkakehusa. Det hjalp lite at eg la bakepapir under kvart hus - støvsugaren måtte fram uansett for å seie det slik ;)

Høgdepunktet for eldstemann og meg sjølv, var at me stakk til

Vålandstårnet for å sjå på Stavanger kommunes fyrverkeri kl 24. FANTASTISK.

Herr Fe var heime og passa på dei to miniane som sov seg gjennom

bråket.... Håpar du også hadde ein fin inngang til det nye året!!
Her ser me fram til siste juleferiedag i morgon.

Ha ei flott veke. Den fyrste i

2012

Farvel 2011

2011-12-30T22:48:00.000Z

Ja, då er det straks på tide å takke farvel til 2011.

Me er vel heime etter ein herleg avslappa juleferie. Huset var reint og ryddig då me fòr av stad, og å knipse desse bileta var omtrent det siste eg gjorde før eg sette nøkkelen i låsen og vrei om. Nå er tilstanden ein anna for å seie det slik. Det flyt over av klede, posar, leiker og anna draks.

Juleferien hjå mamma har vore utruleg god. Trass i Dagmar og det dårlege vèret generelt. Snøen glimra med sitt fråvere, men skulle småfuglane i Sunnhordlands omegn verte lei av makkar og insekt, finn dei iallefall heimelaga gourmetmat i mamma sin hage på Sæbøvik. Spread the word.

Fuglematen er laga av fuglefrø frå daglegvarebutikken, delfiafeitt og ymse kakeformer. Me valde å hengje ferdigstivna fuglemat ut med formene på - for å hindre at det rasa saman ved første kontakt med fuglenebbet. Dette vart ein suksess. Kvar dag kikka me ut stoveglaset på glade blåmeiser, kjøttmeiser, nokre traster og ei raudstrupe. Spanande for ungane, og kjekt for mora å oppdage at etterkomarane også intresserar seg for småfuglars ve og vel.

Sånn i tilfelle eg ikkje rekk det i morgon - eg er vel oppteken med å rydde på plass dagen lang ser eg for meg - så vil eg nytte høvet til å ynskje dykk alle eit formidabelt flott 2012. Måtte alle kjende, vener, familie og blogglesarar få eit skikkeleg Godt Nytt år! Eg kryssar fingrane for eit år av det gode slaget.

Tusen takk for alle helsingar og fantastisk kjekke kommentarar i året som straks er over. Dei gledar meg langt inn i hjarterota, og truleg meir enn de anar. Tuuuusen takk.

Ha ei god natt, i morgon på desse tider er det like før det brakar laus ;)

God Jul

2011-12-22T19:21:00.000Z

Med litt førjulsstemningsbilete (det vart eit langt samansett ord;)) vil eg nytte høvet å takke for alle dei utruleg kjekke kommentarane de legg att her inne. Eg set utruleg stor pris på kvar og ein av dei. De rører meg til tårer, de får meg til å sprudle av glede, de får meg til å skratte og de får meg skikkeleg provosert (eit herleg fåtall av sistnemde). Utan dåko hadde blogginga vore kjedeleg rett og slett.

Nå tar eg ferie frå både jobb og blogg. Eg har bestemt meg for å senke både tempo og krav til meg sjølv denne jula. Hente inn igjen litt tapt søvn. Og aller viktigast: kose meg med venner og familie. Fullt fokus på det.

Eg ynskjer dåko alle ei fantastisk fin julefeiring. Fin i den forstand slik du likar best å feire jul. Dei aller beste ynskjer for 2012.

Litt her og litt der

2011-12-20T20:50:00.001Z

Eg er ikkje den typen som vaskar ned huset til jul. Husvask passar etter mi meining betre å ha på våren når det er skikkeleg dagslys. Men ein skikkeleg nøye helgavask derimot, i tillegg til sortering av leiker, vasking av vindauge, skifting av sengklede og til slutt pynting må til.

På laurdag fekk me gjort akkurat det. Alle var i sving. Dei små jubla over å finne igjen leiker dei ikkje hadde sett på ei stund, og til slutt jubla jammen mora også. Jubla over at den vanvittige jobben var ferdig utført, og jubla over å kjenne roen senke seg aldri så lite. Eg får nemleg fred i ordensgenet mitt når det er reint og ryddig frå innerst til ytterst.

Julebøkene kom opp i tallerkenhylla. Emil og Ida dukkene likeså. For ikkje å snakke om verdas aller finaste ristekule, som Alma fekk i julegåve på si aller første julafta.

Eg skal innrømme at eg ikkje er flink til å lese bøker til ungane. Det er liksom Herr Fe som tar seg av den jobben, medan eg kavar rundt med husarbeidet. Dei siste kveldane har eg imidlertid lese desse julebøkene for skattane mine. Alle tre inne på samme rom for anledningen, og så har eg sete på gulvet og lese om Ole, Kong Vinter og Tante Tø, og den lille julenissen. Skikkeleg koseleg, både for meg og dei.

Det vesle juletreet er re-pynta og plassert på Alma og Simon sitt rom. Skikkeleg koseleg julestemning der nå :) Det er første gong dei får ha tre på rommet sitt, men truleg ikkje siste gong. Pyntar de også på ungane sine rom?

Ha ein fin tirsdagskveld!

PS! For de som trur ting er på stell her så kan eg berolige med at:
-eg er enno ikkje ferdig med å kjøpe alle julegåvene
-me har ikkje handla inn mat og drikke
-me har mange fleire gåver å pakke inn (sjølv om Herr Fe er i sving med akkurat nå)
-mange gåver må leverast ut
-huset ser ut som eit bombenedslagsfelt
-pluss pluss pluss

Pakkefint

2011-12-19T18:46:00.001Z

I kveld er står innpakking av julegåver for tur... Byrja så smått i går med desse lærar-helsingane frå Samson. Han syns heldigvis dei vart fine slik, med Ikea-papir, dymotekst (Clas Ohlson) og pepperkakesnøkrystallar. Dei siste gåvene vart kjøpt inn etter jobb i dag. Eller siste og siste Fru Blom. Er det ikkje alltid slik at ein kjem på noko ein har gløymt heilt i slutten?

Fin mandagskveld til deg, med eller utan innpakking av julegåver på plakaten :)

Klem frå Linda

Vår eigen pepperkakelandsby

2011-12-18T23:22:00.001Z

Bilderas frå den vesle pepperkakelandsbyen vår.
Eg kan vel snart døype bloggen om til pepperkakebloggen, men nå er det stort sett slutt. Har nemleg brukt opp all deigen i løpet av helga, så nå tar kjevlet juleferie for å sei det slik.

Håpar alle har hatt ei innhaldsrik og kjekk helg. Eg må komme meg i seng, tidleg opp som vanleg i morgon også. Fin kommande veke til deg!!!

Mal til pepperkakehus +++

2011-12-16T22:02:00.002Z

I dag vart 8 minipepperkakehus delt ut til verdas beste barnehagetanter og barnehagestyrar.

I den forbindelse serverer eg oppskrift på korleis lage mal til ditt eige pepperkakehus. Her har eg starta med eit A4-ark, og huset vert difor ganske stort. Jo mindre ark du startar med i utgangspunktet, jo mindre hus kan du lage. Velbekomme og lukka til :)

Eg fann desse bileta frå pepperkakehuset 2008 her hin dagen, og her får de også litt mimrebilete:

Sånn ellers har eg fått utført juleklippen og friska opp igjen fargen i dag. Tittei. He he, resten av ansiktet vart automatisk sensurert av ei lite treffsikker kameralinse. Like greit, så trøytt i trynet som eg er etter endt arbeidsveke.

Fin fredagskveld, smil det er helg!!!
Ciao ;)

Oppdatering:
Trikset for å få melisen fint på er å pynte før du limer saman.

Lagar glasur av 4 stivpiska eggekviter, nesten ein heil boks/evt ein heil boks melis, 1 ts natron.

Limer med smelta sukker.

Nå ligg eit nysteikt hus klart for dekorering på kjøkkenet. Har kjøpt inn masse godteri. Dette huset skal ungane få dekorere ;)

Innspurt

2011-12-13T18:20:00.001Z

Dei siste kveldane har eg vore travel oppteken. Har kjøpt dei fleste julegåvene og er i ferd med å legge siste finishen på dei heimelaga. Julekorta er bestilte. Pakkar som skal sendast er stort sett sendt. Det er berre 11 dagar igjen.

Det som gjenstår nå er å pakke inn gåvene. Kjøpe små gåver frå nissen. Dele ut gåver. Handle inn julemat. Og kor har julenissedrakta tatt vegen mon tru. Det er lett å verte stressa, men då er det viktig å ha fokus. Fokus på at me skal:

K O S E oss.

Drikke gløgg og ete pepperkaker.

Høyre på julemusikk (kjøpte forresten Kurt Nilssen og Kringkastingsorkesteret i førjulsgåve til oss).

Lage konfekt. Ungane elskar trille marsipankuler som me trykker melkerull nedi.

Lese julemagasin og bli inspirert.

Arrangere juleverkstad.

Gå kveldsturar og kikke på alle dei fine julelysa.

Mmmm, det er ei herleg tid nå. Hugs å senke tempoet og kose deg du også!

Fin tirsdagskveld til deg som er innom !!!

Kvit jul?

2011-12-11T23:14:00.001Z

Var nett inne på Yr for å sjekke om regntøyet bør takast fram i morgon. Ja, det er det ingen tvil om gitt. Det er meldt regn, regn, regn og atter regn framover. Deprimerandes i grunn.

Desse to års gamle bileta frå uterommet får derfor brukast til å mimre om kvit jul. Eg er ikkje så veldig begeistra for snø. Årsaken til det er at eg veit det varer kort tid her på vestlandet, og etter snø kjem det helsikens slapset og isen som eg hatar. Men kvit jul likar eg. Så please, kjære værgud. Det er heilt ok om du nå forvandlar alle regndråpane til snøkrystallar. Iallefall om du lar det ligge til like over nyttår :) Så kan det atter bli julestemning utandørs, og me kan ake til kyrkja på julafta.

PS! E-posten min har aldeles konka ut. Har ikkje fått e-post inn på ei veke (og eg får rundt 15- 30 e-postar dagleg). Veit ikkje om eg får sendt ut heller. Så nå veit du det om du har sendt meg e-post - satsar det er fiksa i løpet av kort tid.

Tudeluuuuu.....

Karamelldigg

2011-12-11T16:58:00.000Z

Karameller (oppskrift frå eit 35 år gammalt ukeblad)

5 dl sukker

2,5 dl H-mjølk

1 ss lys sirup

60 gr meierismør

1 knivsodd salt

Ha ingrediensene over oppi ei panne (kjele) som toler kokkelering med mjølkeprodukt utan at det svir seg. Kok opp og kok i cirka 5 min under stadig omrøring

Tilsett 2 dl Viking mjølk og 1 teskei vaniljeessens (1 ts kremortartari om du har det). Kok på svak varme til dess karamellmassen består kuletesten (cirka 1 times tid). Del opp i passe store stykke med skarp kniv når godt avkjølt.

Flott 3. søndag i advent og fin kommande veke :)

I lange banar

2011-12-10T18:47:00.000Z

Eg rotar litt med bloggen og innlegga nå. Hadde publisert eit innlegg, og skulle lage eit klart til publisering fram i tid, men så vart det berre rot....Teksten til desse bileta forsvann i kampens hete, og eg er jammen ikkje sikker på om eg orkar skrive alt på ny, he he.

Men altså, det eg egentlig skulle fortelje er at denne haugen med ferdigsteikte pepperkakehusdelar:

Nå ser slik ut:

Mange avlange og smale minipepperkakehus klare for innpakking og forhåpentlegvis vert mottakarane glade for å få dei. Tanken er at husa skal passe oppi dei avlange formene eg kjøpte hjå Sweet Memories tidlegare i haust, men nå gjenstår det å sjå om eg har klart å få dei små nok.

Hadde eg vore pepperkakeform-makar hadde eg laga små husformer som desse som heng i vindauga her. Tenk såååå enkelt det hadde vore. Kjevl. Stikk ut. Ferdig butikk.

Framleis ikkje lei pepperkakehus? He he, i morgon kjem det skjønnaste av dei alle. Alma sitt.

Fin laurdagskveld til deg!

Love it

2011-12-08T22:45:00.000Z

For nokre veker sidan dumpa denne herlegdomen ned i postkassa mi. Barneklær på 1-2-3. Boka var nydeleg pakka inn, og saman med boka kom det to nydelege vestar til Alma og Simon. Eg har ikkje fått til å ta bilete av vestane i bruk (mangel på dagslys), men de skal få sjå dei ein anna dag. Tusen takk til Pepperkakehuset og Tante Mie for den kjekke pakken!

Boka er fantastisk inpirerande og fin, og må jo vere den perfekte gåve til småbarnsmødre med ein symaskin på lur. Mønstera ser såpassa enkle ut, at dette kan ein lett få til som nybegynnar. Bur du i Haugesundområdet arrangerer til og med Tante Mie kurs ein kan delta på . Eg har knipsa bilete av enkelte av mine favorittar frå boka, så gjenstår det berre å sjå når eg får satt syplanane ut i live.

Gurimalla, i morgon ettermiddag er det allereie helg igjen. Gu' kor eg gker meg :)

God klem til deg om du vil :)

Muffinlove

2011-12-07T15:42:00.000Z

Reprisebilete i desse juleverkstad-tider. Desse muffinsenglane laga eg i 2009. Syns å hugse at eg fekk idèen frå nokre korva muffinsformer som Alma og Samson leika med. Eg er alltid på jakt etter billige og enkle måtar å lage fin julepynt på.

Vil du lese innlegget og tekst til bileta trykker du her.

Ha ein onsdagskveld der du er, Linda :)

Full i lått

2011-12-06T21:09:00.000Z

Hei alle saman. Eg er litt full i lått i kveld (lattermild). Det har seg nemleg slik at Åpent Hus har intervjua meg til Foreldremanual-bloggen, og i den forbindelse har ho skrive eit koseleg innlegg om meg på bloggen sin. Eg er aldeles overeksponert i blogglandia i kveld med andre ord. Særskild nå som eg slår til med eit bilde av meg sjølv i tillegg (bilete måtte kraftig retusjerast som de ser :))

Full i lått vart eg over kontrasten mellom det eg svara i intervjuet og verklegheiten som slår imot ein når ein ser på bileta som fylgjer intervjuet. Det står at eg er oppteken av å halde det ryddig, medan realiteten er bevist annleis i fotografia. Jaja, som eg seier: Eg er veldig tydeleg på at heimen vår skal vere ein heime me LEVER i. Intervjuet finn du her om du har lyst til å lese og sjå.

Her ser de forresten favorittarmbanda mine for tida. Litt sånn Peace & Love og Død & Fordervelse på same tid. Peace-armbandet kjøpte eg hjå Alexandra, Lavaperlearmbandet med stort dødninghovud hjå skjønnaste Frøken Fryd, og armbandet med alle dei små dødningsskallane fekk eg til bursdagen frå finaste mannen på jord.

Nei, her har eg ikkje tid å sitje. Eg har ein jobb å gjere. Sjå berre her kva som ventar på kjøkkenbordet:

God natt og fin onsdag til deg i morgon ;)

Julekuler i fleng på lite tre

2011-12-05T23:17:00.000Z

Snøflak-perlepynten for nokre veker sidan er bytta ut med skikkelege julekuler. Dei fleste gamle skattar frå loppisar. I år er Simon stor nok til at dei kan henge framme. Jippi!

Litt meir pynt kjem sakte men sikkert fram, samtidig som dei rosa non stop'ane frå pepperkakehuset sakte men sikkert forsvinn. Dag for dag. Ser du det?
I dag er Stavanger kvitfarga av snø, og med snøen kjem forhåpentlegvis julestemninga også.

Dei finaste julekulene. Dei er så fine at eg ikkje ein gong vågar ta dei ut av julepyntkassane. Planen er å overlesse det vesle treet (levande - står med rot og mold i potte) med julekuler. Prosjektet er starta, men langt i frå fullført.

Ha ein god tirsdag der du er!

Tenn lys og lag stjerner

2011-12-04T22:22:00.000Z

Eg trur eg let bileta tale for seg sjølv i kveld. Spør sjølvsagt om noko er uklart. Stjernene er omtrent gratis å lage om du brukar mellomleggspapir. Du kan sjølvsagt lage stjerner av silkepapir, tapetrestar og anna farga papir også. Finfine uansett. Klypp ut åtte like store rektangel og brett i veg. PS! Rukkene i papiret forsvinn når limet tørkar.

Adventsstaken kom fram frå botnen av juleeskene i dag. Ei veke for seint. Forrige helg tente me berre eit einsleg lys i all enkelheit. I dag tok me to lys, med nokre timars mellomrom. På den skikkelege adventsstaken vår :) Nå er det på stell på den fronten og.

Tenn lys!

Et lys skal brenne

For denne lille jord,

Den blanke himmelstjerne

Der vi og alle bor.

Må alle dele håpet

Så gode ting kan skje.

Må jord og himmel møtes

Et lys er tent for det.

Tenn lys!

To lys skal skinne

For kjærlighet og tro,

For dem som viser omsorg

Og alltid bygger bro.

Må fanger få sin frihet

Og flyktninger et hjem.

Tenn lys for dem som gråter

Og de som trøster dem.

Eg var på jobb i kveld, og då eg køyrde heim lava snøen ned. Kanskje det vert ei kvit førjulstid i år også ? God veke til deg som les dette, varm klem

Wonderful

2011-12-04T13:29:00.000Z

For eit par veker sidan fekk eg ein e-post frå Deborah i Holland. Ho lurte på om eg ville vere med på ein Holland-Norge swap. YES, svarte eg med store bokstavar. Hin dagen kunne eg hente min pakke på postkontoret, og her ser de det herlege innhaldet.

Mange herlege ting. Peppernøtter, bokmerke, gullpengar, filtblomsternåler, te og masse anna kjekt. Ikkje minst Miffy ting, eller Nintje som ho heiter i Holland. Alt var pakka inn i denne fantastisk fint dekorerte eska de ser under her. Eg fekk også ein stor plastbag med I love Holland på, men den har eg visst gløymt å forevige med kameraet. Tusen takk Deborah. I hope you can use Google translator on this post. I'm so happy with your wonderful Holland-swap-package. I Love it, and thank you so much!! Hopefully you'll have your package very soon :) Big hug from Linda

Sånn elles er 2. søndag i advent er i full sving. Har teke mange bilete som de skal få sjå utover i veka, kanskje allereie i kveld :)
Glad klem herifrå

J U L

2011-11-30T23:09:00.000Z

Pssst! J U L bokstavar er på plass i Epla-butikken. Ha dei kvitmalte som mine, eller personleggjer dei ved å tapetsere dei med fint papir

Fin torsdag til deg...og meg :)

Stjerner av matpapir

2011-11-29T22:10:00.000Z

I helga hadde eg plan om å ta bilete for å vise deg korleis lage fine vindusstjerner av matpapir/bakepapir. Dagslyset svikta imidlertid, og matpapirstjerne-"tutorial" let difor vente på seg. Her er det mørkt som svarte natta både når eg går om morgonen og når eg kjem heim på ettermiddagen.

Medan du ventar på "mine" stjerner kan du ta turen inn til Linn og sjå korleis du lagar desse fantastisk fine stjernene hennar (det siste bilete er frå hennar blogg). Eg var forresten så heldig å treffe skjønne Linn på Interiørmessa i Bergen i september. Stikk inn til Home by Linn og bli inspirert nå då :)

Tudeluuuuu :)

1. søndag i advent

2011-11-27T23:12:00.001Z

Mammo og pappaen på kvar sin sofa.

Den eine i tøfler, den andre barbeint.

Dei to minste ser Madicken på den bærbare.

Den eldste spelar Zelda med pappaen.

Berit gjer det umogeleg å bevege seg utanfor husets fire vegger.

Ein herleg 1.adventsdag er over.

Batteria er lada.

Ny hektisk veke i morgon.

Eg kjenner eg er klar!

Håpar du også er det.

Klar for ei veke av den beste sorten.

Ein havredraum.. og to.. og tre

2011-11-27T09:49:00.000Z

Ei luksusutgåve av barndommens havrekuler.

Knallgode, og den perfekte førjulshelsing.

Her er det ferdig pynta til advent.

Ute røskar stormen i alt som er bevegeleg.

Fyr i omnen, varm te i koppen.

Favorittdagen er i gong.

Herleg søndag til deg!

Perlepynt

2011-11-23T20:12:00.000Z

For nokre veker sidan perla småfeane og eg snøkrystallar av kvite Hama-perler. Strengt tatt var det eldstemann og eg som perla dei. Den minste tulla og kasta perlene rundt, medan midtimellomste var utolmodig og gav opp før ein krystall vart ferdig.

I helga tok eg juletreet, som forøvrig har overlevd sidan forrige jul, inn i varmen nokre minutt for å ta bilete av pynten.

Tusen takk for alle fantastiske kommentarar på pepperkakehuset! I love you all ;)

Tudelu

Pepperkakehus til pepperkakebyen

2011-11-22T16:22:00.000Z

Då er me straks på veg til byen for å levere dette pepperkakehuset til Pepperkakebyen.
Med huset har eg fått gjennomført ein plan eg har hatt sidan i fjor.
Nemleg å strø glitter over taket.

Det håpar eg nemleg vert fint i dunkel belysning.
Som frossen glitrande snø på taket.
Så gjenstår det å sjå om huset overlever ferda gjennom byen.

Fin tirsdagskveld til folket :)

Sweet as can be

2011-11-21T22:52:00.001Z

Mmmm, kva er betre enn ein herleg kopp te? Ingenting smakar betre enn Christmas tea frå Kusmi seint i November.
Hugsar de at eg så begeistra fortalde at eg hadde henta pakke i posten i forrige veke?

Det hadde seg nemleg slik at eg vart så frykteleg inspirert av desse bileta her, frå dette innlegget:

Eg er litt frekk & freidig og tjuvlånet bildene til Monja nå, men eg skal straks inn i bloggen hennar og spørre om det er greit altså *promise*. Vel, tilbake til inspirasjonen. Monja har desse herlege formene frå Green Gate til halv pris i butikken sin, og eg såg for meg koselege matgåver til venner og bekjente i førjulsstria. Det eine førte til det andre. Og vips hadde eg handla mange herlege julegåver frå Sweet Memories. Eg elskar den butikken, og kunne ha tripla bestillinga minst. Sidan mesteparten av varene var julegåver, kan dei ikkje visast fram her inne enno. Kakeformene er perfekte til alt frå julebrød, delfiakaker, og også til avlange minipepperkakehus? Hm, sistnevnte må definitivt testast ut.

Sånn i ettertid angrar eg veldig på at eg ikkje handla ting til meg sjølv også, sjekk for eksempel den herlege soppelysestaken i lånebildet under. Ajajaj. Dersom julenissen lurer, så kan han bestille alt han vil i Sweet memories-butikken og eg vil verte superduperglad. Julenissen må imidlertid skunde seg litt, då Sweet Memories ikkje sender ut varer etter 15. desember eller deromkring ;)

Rause, gode Monja, hadde lagt Kusmi-teen oppi som ei førjulshelsing til meg, og eg vart så inderleg glad. Tusen takk, eg skamkosar meg med ein pustepause over tekoppen titt og ofte!!

Her er dei herlege kakeformene, som berre ventar på å bli fulle av godsaker :)

I morgon er den store "levere-inn-pepperkakehus-bidraget-vårt-dagen". De får derfor sjå bilder av huset i morgon - og kanskje nokon frå overleveringa? Eller, når eg tenker meg om, så er det nok tvilsomt med bilete frå overleveringsseansen, sidan det garantert er både mørkt og dunkelt så seint på ettermiddagen. Har du laga hus til pepperkakebyen forresten? Håpar byen vert fin og stemningsfull i år også :)

Me bloggast, Linda :)

Sabotasje

2011-11-20T22:49:00.000Z

Det var søndag morgon.
Eg fann fram Manokoppar og skulle fotodokumentere kor knallfine dei nye, superskjønne (takk Tine :)) Kähler-vasane passar saman med Mano.
Sånn eigentleg burde eg ha putta nokre lekre slanke blomsterstilkar oppi vasane, men det er ikkje lettare sagt enn gjort på ein søndag morgon. Forresten: er ikkje grønnfargen aldeles fin?

Vel tilbake til fotodokumentasjonen.
God stemning, reine overflater, tente lys og ferdig styling (i den grad det å setje fram nokre koppar kan kallast styling).
Fram med kameraet, rigge seg til på ein stol og klar ferdig gå.

Men HEY, kva skjer?

Joda, eit lite lukkebustetroll ute på fotodokumentasjons-sabotasje-oppdrag dukkar opp i synsfeltet.
"Eg blåste ut lyset eg, mamma" bryt han lukkeleg ut, før han engasjert får ein ny idè:
"Oj", "lage tååån av de koppene eller?"

He he he, den vesle sabotøren sjarmerer oss i senk.
Fin mandag og fin veke til deg.
Full-i-lott-klem frå Linda

Papilio og Omaggio

2011-11-20T16:36:00.001Z

Nokon som ser noko nytt i sofakroken?
Jepp: Papilio ulysses telegonus frå Hagedornhagen + ein anna blå sommarfugl av samme merke.
Kjøpt hjå Hviit, til meg sjølv i bursdagsgåve. He he - må jo alltid ha ein god unnskyldning for å handle til meg sjølv.... Og etter å ha sikla på desse bileta i over eit år, var eg rask på labben då Hviit byrja selgje dei. Rammene er svarte rammer frå Ikea (Ribba trur eg).
Dei sat som eit skudd på veggen om eg så skal sei det sjølv ;)
Er du sommarfuglintressert som meg, kan du lese meir her.

Sidan stova for ein gongs skuld var ryddig og barnefri i sånn cirka to sekund, så serverer eg eit oversiktsbilde også. Det var veldig gjenskinn i glasset på sommarfuglbileta, så sånn sett er ikkje oversiktsbilete av dei beste.

I hin enden av stova har den eine skuleplansjen kome opp på veggen. Og på spisebordet står Omaggio-vasen eg også fekk til bursdagen. Heldige meg :)

Nå er det barnetv-tid med heile gjengen min. Etter bading, køying for dei to minste og kveldstur med 9-åringen, skal eg kose meg med nye blader, hekling og sofasliting. Herr Fe har leigd Hodejegerne på DVD, så her skal det bli spenning i heimen :)

Fin søndagskveld til deg!!

Pepperkakehus i lange banar

2011-11-19T21:59:00.001Z

Fri på fredag og ein laurdag med stulling i heimen har resultert i husbygging.
Tre små pepperkakehus er ferdige. Eit digert også, men det får de sjå litt seinare.
Som eg har skrive før - opprinneleg inspirert av Lisbeth - så er minipepperkakehus den perfekte førjulsgåve til venner og kjendte.

Husa er laga etter ein heimelaga mal. Dekoren er svært lik den frå i fjor og i forfjor - ja faktisk lik dekoren på husa eg pleide lage då eg framleis budde heime i barndomsheimen for sånn cirka to hundre år sidan. Nytt av i år er grantrær kjøpt hjå ein modelltogbanebutikk (dei finst på enkelte hobbybutikkar også). Eg steikte nokre pepperkakedeigklumpar, og stakk trærne nedi medan pepperkakene framleis var mjuke. Hjorten er tjuvlånt frå Alma sitt rom :)

Desse husa vurderer eg å donere til inntekt for eldstemanns klassekasse - som premie ved loddsal på spelekveld. Eg er imidlertid litt usikker, og då må eg spørre deg, kjære lesar: Ville du ha kjøpt lodd for å vinne pepperkakehus som andre har laga, eller vil du helst lage dei sjølv?

Det store huset, som de skal få sjå seinare, skal donerast til pepperkakebyen her i Stavanger. For kvart hus Aftenbladet får inn, gjer dei 200 kr til ein veldedig organisasjon (Pøbelprosjektet i år). Så her bidrar ein til gode gjerningar også med å trille Ikea-pepperkakedeig og ende opp med ferdig hus. Flotte greier.

Bur du i/eller nær Stavanger og har lyst til å lage hus til pepperkakebyen finn du meir info hjå Aftenbladet. Bli med då vel - kanskje me klarar slå Bergen i konkurransen om den største og finaste byen?

Nå er det slapping off in the såofa, men me bloggast i morgon også ;) Ha det godt så lenge.

Torsdagslukke

2011-11-17T21:28:00.001Z

I dag har eg hatt ein finfin dag, og det håpar eg du også har hatt.
Det er 38 år sidan eg såg dagens lys for første gong, og det har blitt feira på ein perfekt måte.
Sånn i bunn og grunn likar eg ikkje merksemda, men så er det jo egentleg utruleg kjekt også, he he.
På jobb var det kaker både til frukost og til to-pausen. Vel heime frå jobb var det festmiddag på bordet, sjokoladekake og pakkejakt. Og sjølvsagt ballongar :)
Eg har fått fantastisk mange fine gåver, som de skal få sjå. I morgon har eg nemleg fri frå jobb, og då skal det knipsast bilete innimellom alt det kjekke me skal finne på.

Det eg egentleg skulle sei i kveld er at de kanskje ser at eg har fjerna Gje-vekk-trekningsinnlegget. Det er fordi Herr Fe følte han hadde vore lenge nok i rampelyset, og slikt må respekterast veit de ;) Vinnar-bodskapen har uansett nådd ut til den heldige vinnare (kjem forresten tilbake til henne etterkvart).

Dei to nederste bileta er av ei hue eg har hekla til ei superskjønn venninne som treng gå mykje med hue framover *uff*. Eg brukar aldri mønster når eg heklar huer, så det er alltid spennande å sjå kven den ferdige hua passar til. Satsar på at denne er breid nok til ei vaksen fin jente som SKAL bli fort frisk igjen. Måtte hua bringe pittelitt glede oppi alt. Hua er hekla i alpakkagarn, og nå minkar det i jamt og trutt i garnlageret også - kanskje eg bør notere meir garn opp på handlelista :)

Finfin fredag til deg i morgon. Nyt dagen!

Lily Balou vinnaren er kåra

2011-11-16T20:29:00.001Z

Me gjennomførte ei god gammaldags handskriven trekning her i kveld. Ja, for å kåre ein vinnar i Gje-vekk'en frå Sam & Sofie altså.

To valfrie plagg frå Lily Balou går til....

...tam tara ram

.... Nummer 99.
Og kommentar nummer 99 er skriven av skjønne Guro, med den koselege bloggen M.I.L.C.H.S.C.H.A.U.M.

Guro skreiv i kommentaren sin:
Så herlige klær at jeg måtte "like" dem forrige gang du skrev om dem! Hadde jeg vært så heldig å vinne ville jeg gjerne hatt Fleur gul genser og Manou grønn kjole i en størrelse over 86.
Krysser fingrene Ü

Gratulerer Guro. Som du ser stig Herr Fe ut av sin anonyme tilværelse til ære for deg og trekninga ;)

Tusen takk til alle som deltok. Gratulerer til Guro, og betre lukke neste gong til dåko andre.
Nå er det tilbake til sofaen og hekletøyet :)

Ein gul knapp

2011-11-16T16:09:00.000Z

Det var ein nydeleg frostfull morgon i dag. Sommardekk på bilen er ikkje ein så veldig god kombinasjon med frost og spinnglatte vegar. Eg masa på Herr Fe om at han måtte få skifta dekk på sin bil, medan eg sjølv sette skjegget godt fast i postkassa i dag. Det er bra å ha fleksitid på jobb i slike tilfelle og me tok oss ein roleg start på dagen medan me venta på plussgrader og tinte vegoverflater.

Tida vart nytta godt. Eldstemann vart sendt på skulen (stakkars han ville nok helst kose seg heime), dei små kosa seg med barneTV, og eg rakk å svinge både støvsugar og mopp og fotoapparatet. Ja, eg rakk til og med flette håret til Alma, og det er ikkje kvar dag for å sei det mildt. Ikkje måte på effektivitet om eg skal seie det sjølv ;)

Årsaken til bildeknipsinga var først og fremst verdas finaste sko og verdas kjekkaste En gul knapp med denne bloggen. Eg har ønska meg Duckfeet-støvlettar i åresvis. Desse danske, dritfine (unnskuld ordbruken, men den er høgst naudsynt for å beskrive herlegheitane), støvlettane har eg hatt lyst på heilt sidan eg første gong såg dei i eit eller anna dansk magasin. Eg har imidlertid aldri kome over dei, men har visst at Ein gul knapp i Bergen har forhandla dei. Dei har berre hatt skorne for sal i den fysiske butikken og ikkje i nettbutikken. For å gjere ei lang historie kort:

Ein gul knapp har nå 50% rabatt på støvlettane, då dei skal slutte forhandle dei. Eg fekk kjøpe støvlettane utan å prøve dei på førehand via e-post-kommunikasjon. Støvlettane kom postvegen i går og eg trakka rett inn i dei som fot i hose. Dei er riktignok aldri så lite trange heilt øverst på skaftet, men dette skal gå seg til etterkvart. Eg har slitasjegikt i tærne, breide fotsålar og tjukke leggar, det er ikkje kvar dag eg finn såååå gode sko som er sååååååå fine. Dette kallar eg materiell lukke på sitt høgste. Dette er sko som også passar oss med Mummitrollmammafasong, som Emmeline så herleg beskriv det som, og sjølvsagt også for dei utan Mummitrollmammafasong ;)

La du merke til dei like fine skorne på første bildet? Dei fekk eg!!! Skoparet er eit prøvepar frå butikken, og snillaste Thea hjå Ein gul knapp sendte dei med i pakken. Som ein takk for at eg gledar henne med bloggen min som ho så fint skreiv til meg. Eg har sjeldan opplevd makan til service, venlegheit og godhjartheit, og vart sjølvsagt rørt til tårer. Tusen tusen millionar takk, eg trur aldri eg kan klare å beskrive med ord kor glad eg er.

Det vert nesten for mykje av det gode, for rausheten stoppar ikkje der. Denne superskjønne boksen med dei finaste knappane kom også. Herlighet Thea, eg er mållaus og lukkeleg glad.

Appellen etter dagens sikkert til tider kvalmandes glade innlegg (eg er elendig på å skjule glede) er: Er du ute etter Duckfeet sko til halv (!) pris, kontakt En gul knapp. Bur du i bergen stikk du sjølvsagt innom butikken.
Er du ute etter fantastisk god service, knallfine barneklede og dameklede? Stikk innom En gul knapp. Eg er iallefall ny stamkunde. Med så fine sko på beina, så kom heile sommardekkproblemtikken i skuggen. Eg klarte lausrive skjegget frå postkassa og kom meg både til og frå jobb utan den minste sladd på bilen. Juhu.

Fin onsdag til deg der ute :)

Skunda på

2011-11-15T21:54:00.001Z

Bilete frå arkivet. Dagslyset var forsvunne før eg rakk tenke på fotografering i dag. Åh, eg håpar på tid til bildeknipsing i dagslys i morgon etter jobb. Har henta to FANTASTISKE pakkar på posten i dag. Eg er overvelda. Gled deg til å sjå!

Medan du ventar på å sjå bilete av kva eg har kjøpt og fått, så kan du "springe" inn og delta i Sam og Sofie-gje-vekk'en min. Vinnaren kårast i morgon ettermiddag/kveld! Gje vekk'en finn du her.

Tudeluuuuu :)

Snadder lesestoff

2011-11-14T16:37:00.001Z

Nokre ledige stunder i helga kosa eg meg med snadder jule-lesestoff.
Inspirasjon til tusen.
Sweet Paul-bilaget i KK og Bo Bedres Den store juleboken.
Sistnevnte fann eg altså på dagligvarebutikken til 199 kr.
Utruleg kjekk og inspirerandes.
Har sjeldan blitt like inspirert.
Denne boka er i Levende Lys-kategorien når det gjeld inspirasjon, for dåko andre som også likar/elskar Levende Lys.
Løp og kjøp.

Her er ein smakebit frå begge lesestoffa:

Det verkar truleg som julemodusen er på plass her i gården.
Den er eigentleg ikkje det. Ikkje enno.
Om ei drøy veke har me ein 9-åring i hus, og me er heller i bursdagsmodus enn julemodus. Berre så det er sagt :) Nå er imidlertid inspirasjon i papirform på plass før julemodusen set inn.

Fin mandagskveld til deg!

Håo håo håo

2011-11-13T18:22:00.001Z

Håo håo håo i stova.
I dag har me trent på julebaksten.
Nye pepperkakeformer er testa ut.
Ikea sin pepperkakedeig like god som dei førre åra.
Nå vurderer me å bidra med eit pepperkakehus til Pepperkakebyen her i Stavanger.
Det gjenstår å sjå om tida strekk til.
Treninga er iallefall fullført :)

Finn fine pepperkakeformer ved å google Cookie cutters :)
Nå står kveldstur med eldstemann på programmet.
Elskar stundene der eg har ein av ungane for meg sjølv.
God søndagskveld til deg også!

Hjartebankfunn

2011-11-12T21:29:00.001Z

Eg fekk omtrent hjarteinfarkt hin dagen. Ja, eg veit eg har sagt det før. Men seriøst. Dette hadde eg ikkje venta å komme over i mi levetid. Eg hadde eit ærend på ein butikk i nærleiken, og hasta like greit innom Fretex for å kikke i full fart. Fretex liksom bugna av godbitar denne dagen. Eg hadde dårleg tid og vart ørlite stressa fordi eg ikkje fekk kikka nøye rundt om. Tenk alt eg kom til å oversjå liksom. Sjå imidlertid KVA eg fann på den raske runden gjennom butikken:

Gamle skuleplansjar.

Ikkje berre ein, men TO.

Lucky me!

Begge to har blitt testa ut på eldstemann sitt rom. Den nederste vert hengjande.

Rommet er fullt av Lego, men utruleg nok klarte eg manøvrere linsa vekk frå det verste rotet. Som de ser har guten sunne interesser utover Lego. Her samlast det både på mineraler, sommarfuglar og gamle skattar. Det er mammo sin gut, veit de :)

Ha ein super søndag i morgon. Me har kjøpt inn pepperkakedeig og får fleire unge pepperkakebakarar på besøk. KJEKT!

Tudelu så lenge...

Gje vekk - Hipp Hipp Hurra

2011-11-12T08:47:00.001Z

Nå kjære lesar, nå skal eg fortelje noko kjekt til deg.
Det er ikkje ofte eg skjemmer dåko vekk med gje-vekk'ar (GV), men nå skal eg endeleg ha ein kjekk GV her :)
De hugsar kanskje Lily Balou klærne frå Sam & Sofie som eg blogga for ein månads tid sidan?
Nå kan ein av dåko vinne TO valfrie plagg av den flinke designaren frå HERLIGE Sam & Sofie-nettbutikken.

For at du skal vere med i trekninga må du:
Gå inn i Sam & Sofie butikken.
Finn Lily Balou-kategorien.
Legg igjen ein kommentar igjen under dette innlegget, der du fortel meg kva du ville velgje om det er du som er så heldig å vinne premien (to valfrie plagg frå Lily Balou).
Lik også gjerne Sam & Sofie på Facebook.

Ei god nyhende til alle oss andre: Sam & Sofie køyrer rabatt på Lily Balou heile helga og ei veke fram i tid. Klærne er av fantastisk god kvalitet og ungane elskar dei, så eg trur rett og slett eg må kjøpe meir :)

Her er det full rulle. Me har vore vakne i tre timar allereie. Sola skin og det skal ryddast litt rundt om kring.

Lukka til i gje-vekk'en, og fin laurdag til deg.

Klem frå Linda

PS! Vinnaren vert kåra tirsdag :)

Deeply in love

2011-11-09T16:32:00.002Z

Aj aj aj.
Eg er forelska.
Så vannvittig.
Me snakkar Deeply in love.
I dette hodeskalle-armbandet.
Eit dødstøft hodeskallearmband med Buddha og lavaperler.
Love to love you.
Kjøpt hjå Frøken Fryd.
I hennar Epla-butikk.
Mmm, eg er så nøgd med handelen.
Kjøp deg eit du også då vel, ho lagar sikkert fleire på bestilling :)

Fin onsdagskveld til deg!

Ommøblering på hyllene

2011-11-08T18:22:00.001Z

Gubbevaremegvel kor dårleg lys det er på ettermiddagstid. Lysmangel er jo bloggelystdreparen de luxe. Kva er eit blogginnlegg utan fine bilete? Sidan eg ikkje kan ta fri frå jobb for å knipse bilete på dagtid, får det klare seg med kornete bilete frå skumringa.

I helga vaska og rydda eg i kjøkkenskapa og bytte ut den fargerike hyllepryden med meir dempa fargar. Kvitt/krem/svart og brunt. Haust i alle rom her for tida. Og sjekk: Hagedornhagen er finally in da house - etter å ha sikla på bileta i nesten eksakt eit år. Ting tar tid, men nå er endeleg Sørgekåpa på veggen. Hengt opp med vanleg maskeringstape.
Bileta kjøpte eg i den fantastiske Hviit-nettbutikken. Sånn ellers er det lite nytt å spore i hyllene. Det meste er ting som har tilbrakt mesteparten av livet sitt bak skapdører som nå har fått kome fram i dagslys. Det meste har de garantert sett før.

På golvet ligg den fine svart-kvit stripete plastmatta frå Plantasjen, men det får de berre sjå for dykk i fantasien *lol*. Det er ikkje alt som er lett å få med inni linso, veit de.

God tirsdagskveld til deg!

Hausten er servert og Waldorfdukker

2011-11-07T22:37:00.002Z

Hekling på nål 1.25. Haustlege fargar. Eikenøtter. Eikeblad. Klåfingra lubben hand. Spent på om resultatet vert som eg har tenkt. Englar? Haustdukker med eikenøtthattar? Hekla haustkuler? Nei, gudane veit kva dette vert til slutt.

Enn så lenge kan du kose deg med ein tutorial eg fann. Waldorfdukker har eg alltid hatt lyst til å lage. Lysta vart ikkje akkurat mindre nå:

Bilete er frå Amio.dk.

LS'en (Lag Sjølv'en - eit herleg uttrykk laga av skjønne NORALILL ) finn du på Flickr. Den perfekte julegåve?

Eg elskar få heimelaga julegåver. Eg elskar at ungane får heimelaga julegåver. I år har eg lyst til å lage mange julegåver sjølv. Men eg har det i så fall travelt. Veldig travelt. Kan nokon venlegast stoppe tida pittelitt. Korleis er det med deg. Lagar du julegåver sjølv? Eg verdset ikkje det eg lagar nok, og kjenner at dersom eg lagar gåver så må eg liksom slenge med ei kjøpegåve i tillegg. Må jobbe litt med det der ;)

God natt!

M O S E

2011-11-06T18:28:00.002Z

Ein formiddagstur i skogen resulterte i fulle potter, spann og korger heime. Eg likar å erstatte sommarblomstrane med mosedottar før julepynten tar over. Granbusken de så vidt ser i kanten her har overlevd sidan i fjor jul (jippi). Korgene er fulle av kongler, leirkrukker har fått moseballar oppi seg og fine kvistar er stukke ned i andre leirkrukker. Hauststemning i tunet med andre ord

Fin kommande veke til deg!

To vrange. To rette.

2011-11-06T10:38:00.003Z

Eg har senebetennelsetendensar frå fingertuppane og opp til nakken for tida, og det heile skuldast strikkedilla eg er inni. Kvart ledig sekund eg har vert brukt til å strikke. Det er kjempekjekt å strikke huer: Det er lett. Det går fort. Resultatet vert bra. Og mottakarane er stornøgde. Så langt er det gutane og mannen som har fått nye huer, men huer kunne jo også vore det perfekte julegåveprosjekt også.

Oppskrifta fann eg her. Til Herr Fe fulgte eg oppskrifta, medan eg har eksperimentert med å bruke mindre masketal til gutane. Som de ser ville modellen min berre gøyme seg bak ein klut då eg kom med fotoapparatet...ikkje alltid populært å bli knipsa bilde av, he he.

Fin søndag til deg som er innom.

H E R L I C H

2011-11-04T23:09:00.001Z

God fredagskveld.

Huset er ryddig.

Huset er nyvaska.

Stemningen er god.

Fastbuande og overnattingsgjester under 10 år søv.

Dei vaksne ser ein spansk film.

Strekker oss på kvar vår sofa.

Roen senkar seg.

Strikketøyet veks.

Mmmmm.

Herlich.

Ha ei riktig fin helg der du er!

Ti interiørtips

2011-11-03T11:00:00.002Z

Mange gamle bilete i dag, men det toler de forhåpentlegvis. For ei tid sidan fekk eg ein førespurnad om å komme med ti interiørtips til Hus & Interiør-bilaget til Østlandet Blad. Tipsa skulle vere litt årstidsrelatert og litt sånn korleis gjere det fint utan nødvendigvis kjøpe dei dyraste designmøblar. Eg fekk tilsendt resultatet, og forhåpentlegvis klarar de, ja, de av dåko som måtte ynskje det, å lese teksten ved å klikke bileta større. Tipsa er ikkje sånn banebrytande fantastiske altså, berre slik at de er advarte, he he.

Ha ein flott torsdag!
Tudelu

Uhu...lag di eiga...Uhu

2011-10-31T21:51:00.001Z

Bileta treng neppe forklaring.

Har du lyst til å lage deg ei ugle så følg bileta.

Lag gjerne mange.

I ulike storleikar.

I ulike fargar.

I ulike mønster.

Ugler med personlegheit.

Ugler med allsidig bruksområde.

Nemner som eksempel:

juletrepynt, pakkedekor, gledesspreiar, fargeklatt.

Lukke til, og god natt :)

Uhu.

Varm i toppen og alpakkafest

2011-10-29T14:49:00.000+01:00

Her kjem eit bilderas av Simon iført den ferdige strikkejakka eg har halde på med i det siste. Den er ganske stretchy, og ikkje fullt så trang over magen som den kanskje ser ut til. Eg har ikkje hatt tid til å væte den og strekke/forme den, for då Simon såg jakka i dag ville han ha ho på med ein gong. Han veit å sjarmere mammo si veit de ;)

Oppskrifta finst, som eg har nevnt tidlegare, i denne boka frå 1982:

Nå er eg såpassa freidig og deler oppskrifta med dåko, sidan det er så mange som har etterspurt den - og boka ikkje er i handel lengre. Eg strikka jakka i Drops sitt Nepal-garn. Skulle eg ha strikka den på ny, hadde eg derimot kjøpt eit litt tjukkare garn for å få jakka enno større.

Litt høgare forstørrelse:

Når eit strikkeprosjekt er over, gjer eg meg sjølv "lov" til å kjøpe meir garn. Det er alpakkafest hjå alle forhandlarar av Drops sitt alpakkagarn for tida. Minus 25 prosent på alt Drops alpakkagarn fram til 31. desember.

L O V E L Y

for oss som elskar garnet, fargane og å klirre med både heklenål og strikkepinnar.

Nå skal eg gå å stjele meg ein kos hjå denne herlege krabaten her. Best å gjere det nå, før eg havnar i fengsel for deling av gamle oppskrifter ;)

Ha ein flott laurdag. Håpar solstrålene treff nasa di også!

Fint og enkelt

2011-10-28T15:35:00.002+01:00

Me har julegåveverksted dagleg for tida. Iallefall dei ettermiddagane som ungane ikkje er på fritidsaktivitetar. Huset ser ut derettter - me går og trakkar rundt i paljettar og perler og støvsugaren får verkeleg køyrd seg.

Her er resultat av gårsdagens perlestund. Ein liten blomst av Hama-perler, smykkelim og hårnålmed "plate" til å feste ting på - vips ei spenne med sjarm. Supert å få til for ungar som ikkje har tolmod til å fylle eit heilt brett med perler.

Eg er nett komen heim frå jobb, sola skin, og favoritthelga sparkast i gong. Helga med ein ekstra time er digg! Nyt den du også *smiler*

Meir om vesten/oppskrift etc finn du her.

Planen er klar

2011-10-27T21:56:00.000+01:00

Plan for helga er klar. Herr Fe har kjøpt inn tre gresskar. Eit lite til minstemann, eit mellomstort til mellomstemann og eit stort til størstemann. Mor sjølv er ikkje sånn superfan av amerikanske tradisjonar, men her i Stavanger er Halloween STORT. Eller kanskje det er blitt sånn i heile landet etterkvart. Alt for ungane, så her er helgeplanen at det skal førebuast til Halloween på mandag :) Enn så lenge står gresskara og strålar på kjøkkenbordet saman med tomme fine skåler (Bloomingville).

Litt kakeinspirasjon frå Etsy til slutt:

God natt og god fredag til deg der ute :)

Raindrops...

2011-10-26T13:56:00.000+01:00

Regnet har, bank i bordet, glimra med sitt frå være dei siste dagane her i Stavanger. I stadan har hausten vist seg frå si beste side, om du ser vekk frå den sterke vinden som blant anna har gjort at porten vår nå flatar ut i horisontalen. Pytt, så lenge som det er opplett og sol *sjokk*, så toler me at porten må fiksast. Porten er livreddande, då den hindrar små søte fear å springe ut i verda på eiga hand, så den må me ha. Gråværsskyene nærmar seg imidlertid faretruande i horisonten, og eg deler derfor nokre oppmuntrande funn frå Etsy. Lenke til butikk finst under kvart bilete.

Hengande regnsky.

Fine øyredobber.

Finfint.

Klar for ein tur i regnet.

Regnskyer.

Kult motto..

Regnhatt.

Fin onsdag til deg som er innom :)

Fred

2011-10-24T07:00:00.000+01:00

Fred

Jeg skulle ønske at alle hadde et sted å bo.

Jeg skulle ønske alle hadde mat og drikke.

Jeg skulle ønske alle hadde medisiner og varme klær.

Jeg skulle ønske at alle kunne gå på skolen.

Dette er mine ønsker for verden.

Samson (snart ni) i samband med FN-dagen 24. oktober 2011.

Knask

2011-10-21T17:35:00.002+01:00

Risboller

1 pakke Delfiafeitt

2 plater kokesjokolade

4 egg

2-3 kopper sukker (avhengig av storleik på koppen)

1 ts salt

 Puffa ris til passe røre

 Pisk egg og sukker til eggedosis og tilsett salt. Samtidig smeltar du delfiafeitt og sjokolade i ei panne (eg pleier bruke Dronning kokesjokolade). Hell det smelta feittet og sjokoladen oppi eggedosisen mot slutten av pisketida. Bland i puffa ris (pleier bruke litt over halv pakke til denne røra). Ha passe stor mengde risbolleblanding i muffinsformer. 

Mmmmm

I veka som gjekk hadde vår elskede Herr Fe bursdag. Med små born i huset må dagen feirast, anten ein likar verte eldre eller ikkje. Dolly Pizza, pakkejakt, ballongar, kaker, risboller og festhattar er oppskrifta på ein vellukka 38 - årsdag :) For ikkje å snakke om bursdagssangen då. Når også 2-åringen stemmer i så er me nesten eit kor. Hurra for Herr Fe, We love you :)

Nå er det fredagsstemning for fullt. Her kan ein velgje om ein vil fokusere på skitne regnklede, skitne matboksar, halstørkna middagsrestar på bordet, eller stupe i sofaen og sjå barneTV. Ikkje vanskeleg å prioritere det siste :) Fin helg til deg også :)

PS! Dei første bileta er reprise. I fare for å bli beskulda for å skrive ein matblogg måtte eg ha med eit interiøralibi ;) Ciao

Spar på dorullane

2011-10-18T17:50:00.004+01:00

I helga kosa heile gjengen seg med saks, papir og stoff. Og dorullar. Me hadde ingen bestemte planar, men vips så hadde Alma og eg laga dorullkoner. Ein meir moderne variant av den tradisjonelle dorullnissen kanskje. Ikkje sant dei vart koselege? Dorullane vart kledde i diverse herlege stoffbitar, filt, piperensarar, band, lim og papir. Det er så kjekt med slike prosjekt som vert til samstundes som ein sit der utan mål og meining. Bileta av konene vart knipsa i skumringa i kveld, det er derfor kvaliteten er så kornete. Eg skal nok spandere skikkeleg dagslys på dei ein anna dag.

Ha ein fin tirsdagskveld.

Nytelse

2011-10-17T08:00:00.000+01:00

Eg har blitt vaksen.
Eg likar kaffi.
Rettare sagt: eg kan drikke kaffi utan å verte svimmel.
Slurp.
Nokre herlege minutt i sola.
Strikketøy, ullteppe, tøfler og strikkejakke.
Barnelatter i gata.
Og så kaffi då.
Slurp.

Kakedraum

2011-10-16T20:30:00.000+01:00

Me har hatt koseleg tante-Anne-besøk i helga. Tante Anne (Herr Fe si søster) er nå vel heime i Oslo igjen, og det er merkeleg tomt i huset. Mykje lott & løye, jentekveld på byen, spasertur, lammelår, gåver, klemmar, boklesing, beina høgt, filmar, tyting og enno meir lott & løye er ord som kan oppsummere ei god helg. Batteria er lada igjen.

Er det besøk, så er kcaloriane ikkje-tema. Alma si favorittkake var laurdagsdesserten. Mmmm.

Oppskrifta er reprise frå dette innlegget

Osteiskake med daim alla Den gode feen
2 dl sukker
3 eggeplommer
1 philadelfia ost
1 ts vaniljesukker
Pisk dette godt.
3 dl fløyte
3 eggekviter
Piskast stivt. Dette kan ta tid, og det er viktig at bolle og miksepinnar er gullandes reine. For å vere bombesikker på at du skal få røra stiv, kan du piske eggekviter og fløyte kvar for seg.

Bland dei to rørene, og bland i hakka daim. Spar litt daim til å ha på toppen

Hell dette over knuste Digestive kjeks og smelta smør til bunn.
Frys. Etter at kaka har stått cirka 40 minutt i frysaren heller eg over hakka daim til "pynt". Grunnnen til at eg ventar til den har starta fryseprosessen er for å hindre at daimen skal drukne i kaka. Du kan eventuellt strø over hakka daim like før servering.

Iskaka kan varierast i det uendelige ved å blande med bær, Oreo Cookies etc etc... Den er også kjempegod heilt plain - utan verken Daim eller anna innblanding.

Ha ei fin kommande veke!

Sweet Memories Gje Vekk'en

2011-10-14T12:15:00.003+01:00

Hei alle saman. Dagens tips: Sweet memories har ein fantastisk give-away på gong, og det er berre ei veke til trekning. Eg deltar i konkurransen, og har dermed mulighet til å både vinne gåvekort på 1000 kr, samt på weekendsett frå Sandersson. Spennande. Delta du også då vel *smil*

Saksa frå Sweet Memories bloggen (meir info finn du her) :

Det var kanskje på tide med et lite lotteri igjen?

Denne gangen er hovedpremien et gavekort på 1.000,-ifra nettbutikken.
I alt kan du trekke 10 lodd,husk å si hvor mange du tar i kommentarfeltet.

Og så til en ekstra liten kjekk sak for dem med blogg:

Den som lager et innlegg om give-awayen på bloggen sin og linker i innlegget til dette innlegget,er med i trekningen av et Weekendset ifra Sanderson.Jeg lodder og sender ut 8 stykker.Legg inn linken i kommentarfeltet om du velger dette.

For dere uten blogg eller Facebook,legg igjen navnet ditt eller et annet kjennetegn for at jeg skal kunne kontakte deg om du vinner.Det er viktig at du selv følger med på trekning og sender meg en mail med adresse,ellers så finner jeg deg ikke.Om du ønsker det kan du legge igjen mailadresse,dog det er jo personlig og innlegget ligger jo ute en stund.Men det er opp til deg.

Trekning er den 22.oktober.

Lykke til!:)

God helg,

Linda

I love you

2011-10-12T15:42:00.001+01:00

Eg har ein plan om å bruke bokstavane frå det forrige bruktfunnkuppet mitt til eit bilete. Enn så lenge sender bokstavane ut ein flott setning der dei står i settekassa. Ei settekasse som eg forøvrig også har planar med.

Tusen takk for alle fantastiske kommentarar de legg igjen her inne, eg blir så glad så glad :)

Everyday I love you

Ha ein flott onsdagsettermiddag og kveld

Små glimt

2011-10-11T17:23:00.003+01:00

Er det ikkje eit vanvittig merkeleg vèr om dagen? I det eine øyeblikket styrtregnar det, og i det neste skin sola. Då eg kom heim frå jobb i stad, var det så fint lys at eg la meg rett på sofaen og nytte synet av den einaste ryddige kroken i huset. Prøvde fokusere på noko anna enn bileta som heng på halv åtte uti gangen, for ikkje å snakke om sokkane mine som ser aldeles falma ut i solskinet. Kjende solstrålene varma sånn cirka ti sekund før det atter var svarte skyer og pøsregn. Då var det slutt på freden, her er det berre å henge i for å få huset i sjakk.

Eg er såpassa gammal at eg har vore gjennom ørti epokar interiørmessig. Artig å ta i bruk igjen ting eg har hatt under andre interiørmessige forhold. Sist ut er dei brune syltekrukkene mine. Slike har eg samla på i mange år, og sist dei hadde sin glansperiode her i huset var veggene sennepsgule ;) Syltekrukker vart brukt til matoppbevaring før Norgesglasa kom på banen. Eg har berre fire krukker trass i åresvis sparing - ikkje lette å få tak i og prisen er som oftast hårreisande.

Strikkedilla herjar framleis om dagen, og jakka til Simon nærmar seg ferdig. Trass i at eg har 1.5 arm igjen å strikke, har eg alt festa i knappar....utolmodigheten sjølv som styrer pinnane her serru. Har allereie hundrevis av andre prosjekt eg vil gjere, og då er det vanvittig kjedeleg med armar i perlestrikk.

Jepp, det var dagens små glimt herifrå. Ha ein fin tirsdagskveld der du er!

One more, please

2011-10-10T16:22:00.002+01:00

Stakk ut ein tur i lunsjpausen i dag, måtte jo berre sikre meg ei til Corokia-plante. Plantene mine har eg kjøpt på blomsterbutikken som er ved hovudinngangen til Kvadrat kjøpesenter. Løp og kjøp om du også vil sikre deg ei bloggeplante du også :)

Walthers billige søster

2011-10-10T07:41:00.000+01:00

Walthers billige søster er super for oss som framleis ikkje er lei av sinkhus, men som kanskje syns at dei originale Walthers-husa er noko stive i prisen. Eg har to originale Walthershus altså, men dei vågar eg ikkje setje ut i stormen. Då gjer denne billige søstera susen. Betalte 199 kr på Kremmerhuset for sinkhuset og er direkte knallglad for kjøpet (Huset er nedsatt frå 269 kr til 199 kr). Søren heller, trur eg må tilbake og kjøpe fleire - fin julegåve dette. Dagens lunsjpause skal derfor tilbringast på Kvadrat.

House doctor matta som eigentleg bur innomhus vart brukt til å kamuflere stygg trapp. Det var eit av sommarens prosjekt - å få flislagt trappa altså - men så langt kom me ikkje. Pytt. Noko skal me gjere til neste år også :)

Fin mandag til deg som er innom !

Lily Balou

2011-10-09T17:18:00.002+01:00

Sjekk dei finfine, ja rett og slett dødsdeilige, kleda dei minste feane fekk i posten i går. Då eg fekk nyheitsbrev frå Sam & Sofie her for nokre veker sidan om eit nytt merke dei hadde fått inn, var eg snar med å legge Oscar-genseren og Fleur gensaren i handlekorga. For eg fall nemleg pladask for desse plagga frå Lily Balou. Eg elskar snittet, eg elskar detaljane og eg elskar velur. Med hausten og ikkje minst vinteren på trappene, tok imidlertid fornufta overhand og eg valde å ikkje kjøpe gensarane likevel. Det er, som iallefall alle småbarnsforeldre veit, ikkje eit reint lite hogg i økonomien når tre ungar treng nye vinterdressar, regnklær, huer, vottar, ullklær, sko, cherroxar og støvlar. Prioritering må rett og slett til, og Lily Balou kreasjonane vart nedprioritert.

Men så plinga det plutseleg inn ein e-post i innboksen. Innehavaren av Sam og Sofie hadde også tenkt på meg då ho fekk inn desse kleda, og nå lurte ho på om det var ok å sende kvar sitt sett til Simon og Alma. Hipp Hurra, i går kom både gensarar og bukser og alt sat som eit skot. Tuuuusen takk!

Sjekk ut Lily Balou utvalet til Sam & Sofie her.

Ha ein fin søndagskveld :)

Finally Corokia in da house

2011-10-08T21:29:00.001+01:00

I det siste har eg vore på jakt etter Corokia, og i dag var lukka endeleg med meg. Makan til fin og lettstelt plante skal ein leite lenge etter. Ekstra fint vart det med kvite strandsteinar frå britiske strender til å dekke over jorda med. Berre så synd at så få blomsterbutikkar har plantene for salg, men det kjem seg forhåpentlegvis med tida. Tippar dette er det nye oliventreet. Oliventre var ikkje å oppdrive for ein fem-seks år sidan, i sommar kunne ein kjøpe oliventre både på Ikea og blomsterbutikken på hjørna. Slik var det forresten med Dronning Ingrid pelargoniane også. Hugsar eg fekk ein stikling av ein kollega, og eg passa den som om den var babyen min omtrent ;) Dei siste åra har dei fleste blomsterførande butikkar hatt dronningene for sal. Eg har gått i metning, og i år var første sommaren utan tandre dronninger i hagen.

Men du, nok om mote innan blomsterverda. Har du hatt ein fin laurdag? Me har stulla heime, vore ein rask tur på handel og nytt nokre etterlengta solstråler. Herlich!

God natt klem herifrå :)

L O V E L Y

2011-10-07T17:10:00.001+01:00

Ha ei superfin helg!

Jippi

2011-10-06T17:32:00.002+01:00

Ein tur innom Fretex etter jobb resulterte i at eg hadde dette herlege gamle spelet med heim.

Juhu.

Eg elskar gamle spel.

Eg elskar bokstavar.

Eg elskar gamle bokstavspel.
:)

På 'an igjen

2011-10-04T20:53:00.002+01:00

Eg er verdas treigaste når det kjem til å framkalle bilete og ikkje minst få dei limt inn i album. Utruleg synd i grunn for ungane elskar jo å sjå på bilete og mimre. Ja, me vaksne syns jo at det er ganske kjekt også.

På Glansdagen i Oslo var eg (og dei andre som deltok) så heldig å få gåvekort på 500 kr frå Foto Knudsen. Gåvekortet måtte nyttast innan 30. september. Eg sa jo nettopp at eg er verdas treigaste, og sat derfor oppe til langt på natt før fristen gjekk ut. Puh. Eg kunne jo ha valgt fotobøker og andre kjekke produkt, men valde i stadan å framkalle over 300 bilete. Leveringstida var kort og kvaliteten på bileta var fantastisk bra. Foto Knudsen var firmaet eg og mange andre alltid sendte filmrullane til i gamle dagar. Nå har eg gjenoppdaga dei, og skal bruke dei framover har eg tenkt.

Nå gjenstår det berre å få limt bileta inn i album då...det er neste bøygen liksom, he he. Mammasamvittigheita er imidlertid litt betre i kveld. Eg har nemleg, ni månadar etter barnehagestart for Simon, limt på bilete og skrive tekst til bilder av familien som skal til barnehagen. På tide gitt, og godt for sjela å få det fullført. Korleis er det med deg? Er du flink til å framkalle bilete og lage til album?

Finfin kveld til deg med eller utan lim og album framfor deg :)

Smileull: Her kan du lese meir om den fantastiske stolen min
Lill: gyngestolen er ein Eames Rocking chair som finst i mange butikkar dei sel designmøblar.

Skogens konge i sofakroken

2011-10-03T18:01:00.001+01:00

Nok eit kjøkkenhandkle frå By Nord har fått nytt liv som putetrekk. Denne gong er det skogens konge som litt sånn impulsivt vart omsydd. Hadde ei storopprydning i eit skap i går, og der dukka handkleet opp. Innkjøpt med pute i tankane, men truleg trykt inst inn i eit skap i kampens hete. Ute av syne, ute av sinn. Symaskina stod lageleg til på kjøkkenbenken, så då var det heldigvis fort gjort.

Dei grå sofatrekka er noko av dei luraste investeringane som er gjort i dette huset. Dei kvite trekka måtte vaskast kvar tredje veke helst. Dei grå er nyvaska for første gong. På vaskeanvisninga står det MÅ RENSES, men som de ser så gjekk det aldeles flott å vaske dei på 40 grader i vaskemaskina.

I mangel på fine stormlykter frå Tine K har eg fyrt opp i tomme blomsterpotter. Skapar stemning det også, medan stormlyktene står på ønskelista.

Ha ein flott mandagskveld.
Ciao

PS! Takk for responsen på pepperkakeinnlegget :)

Tjuvstart

2011-10-02T20:34:00.002+01:00

Ikkje verst.

To årstider på ei helg.

I går: full sommar, solbriller og singlet.

I dag: Juleførebuingar med pepperkakebakst.

Skal absolutt ikkje starte jula enno altså.

I promise.

Ein gammal pepperkakedeig frå forrige førjulstid.

Utgått på dato og all slags.

Perfekt søndagssyssel for bakemester harepus og vennene hans.

Resultatet var ikkje akkurat så veldig julete heldigvis.

Det gjekk mest i elgar, høner og sneglar.

Og små minihus.

De skal få sjå meir av både minihus og pepperkakekreasjonar litt nærare jul.

I dag måtte me berre varme opp, he he.

Glasuren frå boka Knas er alfa og omega for vellukka pepperkakepynt (sjølv om eg aldri har hatt i kremortartari, samt at eg har i mykje meir melis enn oppskrifta seier). Så veit du kva oppskrift du skal bruke til kakehuspynting i desember liksom. Dei gamle prøveposane frå lab'en då eg tok hovudfag for sånn cirka tohundreår sidan er geniale som melissprøyter.

Ha ein flott søndagskveld der ute :)

Lemonade og Bjørg

2011-10-01T22:44:00.001+01:00

Mmmmm, what a lovely day. Steikande sol, shortsvèr og terassekos er ikkje daglegdags på første dag i oktober. Me feira begivenheten med å sprette lemonade-flaskene me har spart på i kjøleskapet. Lemonaden kjøpte eg på den superkoselege butikken Buketten på Halsnøy, og smaken var formidabelt god. Mmmm. Gode var også brownies'ane innkjøpt på eit konditori inni sentrum i formiddag (den franske kafèen i Søragato). Farleg gode.

Medan ungane leika rundt oss, nytte eg nokre minutt i solstolen og bladde vidare i Bjørgs Univers.

Eit av dei desiderte høgdepunkta under forrige helgs interiør-messe var møtet med Bjørg. Ja, Bjørg Torhallsdottir. Kunstnaren Bjørg. Bjørg som lagar dei finaste kunstverk. Bjørg som starta Hjertefred. Kunstverka hennar er om mogleg enno betre nå etter at eg har lese den nye boka hennar (forfatta saman med Marit Gaare Laache (sjå bilete lengre ned)). Eg anbefalar boka på det sterkaste.

Bjørg er hjartevarm som få andre, som om ho er godheiten sjølv. Nydelege Bjørg som har ei enorm tiltrekkingskraft. Då eg møtte blikket hennar følte eg at ho såg rett inn i sjela mi. Eg vart både rørt og lukkeleg over å møte henne, og som sagt så var dette møtet ein av grunnane til at forrige helg var så fantastisk kjekk som ho var. Sukk :) Her har eg knipsa nokre bilete frå boka mi, men sikre deg ditt eige (helst signerte) eksemplar du også:

Akkurat som sønnen til Bjørg, mista eg pappaen min som liten, og fleire av bileta hennar går derfor rett i sjela på meg. Slik er det heilt sikkert for alle som har mista nokon nære.

Akkurat trykket Æsj, mamma syns eg er så fantastisk bra, he he. Som Bjørg seier: Vi prøver å overøse barna med kjærlighet, men det er ikke alltid like populært.

Guri, i kveld kjenner eg at eg kunne ha babla og babla vidare både om møtet med Bjørg, kunstverka hennar og alt mogleg anna. Men eg avsluttar nå, før de får gnagsår i augene :) Før eg gjer meg, kan eg jo spørre om kva som er din favoritt frå Bjørg Torhallsdottir?

God laurdagskveld og natt til deg. Satsar på at søndagen vert like fin, klem klem

God helg

2011-09-30T08:40:00.001+01:00

Med lånebilete av irriterande fint interiør (alle bilete frå Boligmagasinet.dk) ynskjer eg DEG ei superfin helg.

Sommaren kom i seinaste laget i år. I dag - på ein av dei siste dagane i September - er det meldt 22 grader og strålande sol. Slik var det i går også. Fekk jo nesten sjokk, av heten som slo imot meg då eg steig ut i Guds frie natur etter eit heildagsmøte innerst inni eit rom utan vindauge. Slikt kan eg imidlertid venne meg til ;) På nokre effektive timar vart også hekken og plenen nyfrisert, bilen reingjort og alle uteplanter med potensiale for å overleve vinteren vart spadd ned i jorda. Småfeane var fullt opptekne med å vaske alle utepotter. Sutling med vatn i ettermiddagssol er alltid ein slager.

Plan for helga: ta igjen tapt søvn, kosemose gjengen min, og ikkje minst vere ute i frisk luft. Håpar du også får nyte nokre etterlengta solstråler i helga.

Klem klem og tudelu

Byens beste ?

2011-09-27T09:37:00.001+01:00

Før:

Etter:

Eg har funne Stavangers beste frisør. Klipper og styler meg akkurat slik eg likar. Eg fann henne heilt tilfeldig dagen før Dagbladet skulle komme og lage reportasje om meg i fjor. Etter det har eg tviholdt på henne, og fulgt henne frå salong til salong (samme kjede). Er du som meg på jakt etter ein skikkelig flink frisør som har ledig plass til kundar (det trur eg ho har iallefall) - ring til Maren på Svømmehallen Hårdesign/Hair and There svømmehallen. Hair and There har nyleg tatt over den litt meir tradisjonelle Svømmehallen Hårdesign, men frykt ikkje - Maren er verkeleg kanonflink med saks og fargekost. Maren anar verken om dette innlegget eller denne bloggen altså, så dette er verken sponsing eller snikreklame, berre eit tips om ei jente som er superflink med saksa. Har nemleg inntrykk av at "alle" flinke frisørar her i byen har fulle lister og ikkje tar inn nye kundar.

Kan også nevne at Bergens flinkaste frisør heiter Asle og jobbar på Hårgalleriet på Lagunen

Ha ein hårfin mandag :)

Fabelaktig messe

2011-09-26T20:23:00.002+01:00

Kul (?) lampe frå italienske Moooi.

Bodil og Tine K i lystig samtale.

AC Home sin fine stand.

Uten Silo frå Vitra.

Riviera Maison sin fine stand.

Franskmannen som driv La Fabrique har kjæreste med hytte på Halsnøy.

Eat my muffin hadde dei beste muffinsane.

Jøje meg, seier eg berre.

Helga er over.

Messa er over.

Bergensturen er over.

Halleluja.

Dette må vere tidenes beste messe.

Venninnetur. Latterkrampe. Halvore Bakke. Bloggfrukost. Tine K. Inspirasjon. Bjørg Torhallsdottir.

Tårer. Tyting. Gledestårer. Eting. Skjønne bloggbabyar. Meir latter. Sofaprat. Meir inspirasjon. Flinke Trude - messegründeren. Eplevimplar.

Eg skamkoste meg i Bergen. Traff mange super fantastiske bloggedamer. Takk for sist forresten. Traff nokre skjønne vener frå før-i-tida (blant anna to kjekkingar frå Sogndal og Stadt ;) Traff mange eg skulle ha snakka meir med. Det får me ta igjen neste gong.

Skulle hatt fleire bilder frå andre stands. Blant anna Pihls Paradis. Skulle ha tatt mange fleire bilder med folk på. Ta deg ein tur innom Kjerstis Lykke, Bodil Bo, Karnas Hus, Fru Fly, Duse Pasteller, Sommerlyst, Mus Mei, Vestablikk, Pink Lady, Bondekona, så får du sjå fleire bilder frå messa- ja, kanskje fleire det er folk på også.

Eg vart sååå inspirert av alle inntrykk frå messa, så nå MÅ eg snart endre på det eine og det andre her i huset. Men nå: klesbretting og støvsuging. Går som ein leik når humøret er på topp :)

Ciao

PS! Har du bilder frå messa i din blogg? Legg igjen ein kommentar, så skal eg oppdatere oversikta over alle som har bilder derifrå.

Strandliv

2011-09-22T14:51:00.001+01:00

Eit knippe bilete frå jobbreisa mi for eit par veker sidan.

Fantastiske lokalitetar.

Fantastiske strender.

Fantastiske klippeveggar fulle av fossilar.

I love England.

Kreativitetsbobler

2011-09-18T17:23:00.000+01:00

På regnfulle søndagar boblar kreativiteten omtrent over. Då er som oftast huset reint og ryddig, og det er mogleg å konsentrere seg om litt anna enn hybelkaniner, morgondagens niste og andre kvardagslege gjeremål.

I dag tidleg fann eg fram ein stabel fine retro stoff, og masse fargerike band. Dette lilla sjalet (Noa Noa) til Alma er malen. Eit sjal skal bli til fleire. Det er iallefall planen. Fram til nå har eg enno ikkje kome så langt som å dra fram symaskina, men kvelden er enno ung ;)

I stadan for å sy sjal som først tenkt, har eg pusla med å ferdigstille nokre gamle travarar som har vandra inn på Epla. Her er både ugler, bambiar og seglbåtar. Er viljen framleis med meg, har Alma snart mange sjal å velgje mellom.

Nå:
sofakos med gjengen. Ha ein finfin søndagskveld :)

Eg fann ho!

2011-09-17T21:15:00.001+01:00

Du og du kor eg har leita. Ganske desperat leiting sådan. Det har seg jo slik at eg er på jakt etter ei jakke å strikke til minien, og kom brått på perlestrikkjakka som det er mønster til i ei bruktfunnbok eg har/hadde (den grå på bildet over). Problemet er berre at eg har hatt ei kraftig opprydding i skap og skuffer, og lass på lass har blitt levert til Fretex. Då eg umiddelbart ikkje fann boka i bokhylla trudde eg denne boka hadde havna tilbake til Fretex ved ein feil... Derfor har eg brukt timesvis på å tråle gjennom bloggen, mange år tilbake i tid har eg leita meg gjennom. Eg visste eg hadde blogga boka, og måtte finne innlegget for å finne tittelen på bokskatten. Til slutt fann eg innlegget, og eg hadde ikkje før funne innlegget før det første blikket traff var boka i skapet. Jippi. Nå er det berre å setje pinnane i sving ;) Tusen takk for alle tips forresten. Eg har lagra dei i arkivet til eit og to seinare prosjekt.

På kjøkkenet bugnar det av neonrosa vaskemidlar. Eg har tidlegare fortald at eg er Buzzador, dvs at eg får teste ut ulike produkt dann og vann imot at eg leverer ein slags rapport på kva eg syns om produktet eg testar.

Denne gongen er det alle slags Vanish-produkt. Eg har tidlegare gode erfaringar med både den som gjer kvitt tøy kvitt igjen og den vanlege flekkfjernaren til Vanish. Skal bli spennande å teste resten av utvalget. Eg elskar alt som er gratis, og eg elskar teste ut nye ting - så dette er toppen.

Har du også lyst til å bli Buzzador, kan du jo lese litt i dette gamle innlegget mitt og følgje lenkene om du eventuelt vil melde deg på.

Nei, nå er det sofatid med strikking, Tv og Herr Fe. Ha ein flott kveld du også.
Ciao.

Kø

2011-09-16T23:28:00.003+01:00

Prosjekt i kø.
Kunne tenke meg å krølle beina opp under meg i sofaen og sitje strikke i dagesvis, kanskje vekesvis. Slik er det ofte om hausten. Eg rekk strikke pittelitt kvar kveld, eller iallefall nesten kvar kveld, og det går seeeeeeint på fram med varme lune strikkaplagg til familien. Nett nå er det hue til Herr Fe som er på pinnane (mønster fann eg inne på Familie Journalen). Nytt garn er kjøpt inn med tanke på jakke eller genser til Simon. Nepal-garnet kjennest mjukt og godt ut, og det vert spennande å sjå korleis det er å strikke med. Eg er litt utradisjonell når det gjeld strikking. Kjøper ofte eit garn i ein farge eg likar, og så finn eg mønster garnet passar til i ettertid ;) Leitar rundt etter mønster i dette sekund, så veit du om ei finfin guttejakke eller ein genser som strikkast på pinne 4.5 - 5 så vert eg glad :) (mottakar er 2 år).

Ha ei superfin helg :)

Skund deg og bli med

2011-09-15T13:01:00.001+01:00

Med eit bilde av familiens vesle godklump minnar eg deg om bloggkonkurransen Interiør og Boligmessen 2011 i Bergen arrangerar. Bildet vert blåst opp i stort format og trykka på messa. Fristen for å levere bidrag er i dag. Les meir her om konkurransen.
Sidan premien for bildet delast ut på messa, reknar eg med at ein bør delta på bloggefrukosten på messa for å delta i konkurransen, men det skal eg prøve finne ut.

Håpar eg møter så mange som mulig av dåko (både bloggarar og ikkje-bloggarar) i Bergen. Eg skamgledar meg allereie. Det er snart fire år sidan me flytta derifrå, og eg skal regelrett kysse Torgalmenningen i pur gjensynsglede ;) Og kjære elskede Pastasentralen som eg har sakna så høgt. Må ha meg ein nr 7 (pastaputer med kvitløkssaus) før eg vender snuten attende til Stavanger gitt. Så sett av helga 23.-25. september for fantastiske masse kjekt sosialt, kanllmasse gode tilbud, kjempemange premiar som skal loddast ut frå utstillarane osv osv.

Glad klem herifrå :)

God og varm

2011-09-14T18:27:00.001+01:00

Eg er tilbake i normalt gjenge igjen. Knallkjekt på jobbreise, men aller best å komme heim :)

Denne jakka vart ferdigstrikka lenge før eg reiste, men først nå i helga vart knappar kjøpt inn. Resultatet vart rosa, varmt og godt. Skulle eg ha strikka den på ny skulle eg ha gjort ein betre innsats for å få maskene fine over og under den flettestrikka delen, men pyttpytt, jenta er nøgd. Det er jammen mora også.

Mønsteret kjøpte eg forresten her: Cotton & Cloud.
Meir info om garn og oppskrofter har eg skrive om her.

Ha ein flott onsdagskveld der ute.

I farta

2011-09-04T21:59:00.001+01:00

Eg må berre ein snartur innom for å fortelje at eg må stikke like fort ut igjen ;)
Me har vore bortreist i helga, og i morgon drar eg på jobbreise. Som alltid er det med blanda kjensler eg reiser av gårde. Det er vondt å lausrive seg frå småfeane og Herr Fe, men det skal bli godt å få pittelitt luft under vingene også.

Ha ei flott veke, så bloggast me om kort tid igjen.

Klem i fleng

PS: takk for respons på stoffspørsmålet mitt - stoffa kjem for sal når eg er attende :)

Stoffavhengig?

2011-09-01T14:47:00.001+01:00

I helga hadde eg meg ei opprydding i stoffsamlinga mi. Det vert desverre ikkje til at eg får sydd så mykje nå, som det eg rakk då eg gjekk heime i morspermisjon. I ryddeprosessen fann eg ut at det er for gale at mange av desse skattane ligg hjå meg, når kanskje andre kan ha glede av dei. Før eg styrer med å legge ting ut for salg (blir ikkje rådyre stoff altså - må berre tene inn igjen det eg har lagt ut for skattane), vil eg berre spørre deg der ute: Er de framleis på jakt etter retro godbitar i tekstilform?

Nå er det absolutt ikkje slik at eg kvittar meg med heile samlinga mi. Eg er framleis på jakt etter hjertebankstoff. Stoffa eg eventuelt kjem til å legge ut er dynetrekk eg har to av - og berre dynetrekk og stoff eg har kjøpt sjølv. Eg gir ikkje vekk skattane eg har fått i postkassa mi.

Ha ein finfin torsdag der ute :)

Søndagssysler på ein grå onsdag

2011-08-31T11:26:00.001+01:00

Litt bilder frå ein koseleg søndag.

Servert på ein onsdag.

Søndagar er favoritten her i huset.

Kva dag er din favoritt?

Oppskrifta til den hekla vesten finn du på danske Familie Journal (designa av Rachel Søgaard)

Ha ein superduper dag. Kanskje din favorittdag er nettopp i dag :)

Møtast i Bergen?

2011-08-25T14:10:00.001+01:00

Ja, nå nærmar Interiør og boligmessa i Bergen seg med raske steg. Etter braksuksessen med Glansdagen i Oslo i juni, kan eg ikkje sei anna enn at eg skamgledar meg. Gledar meg til å bu på hotell, gledar meg til å sjå byen igjen, og ikkje minst gledar eg meg til messa som eg trur vert KANONKJEKK. Eg håpar sjølvsagt at det er fleire enn meg og dei andre bloggarane nevnt i Interiør og Boligmessebloggen som tar turen, og tar meg derfor den frihet til å stjele både tekst og bilete frå bloggen deira. Ein god ting kan ikkje nevnast for ofte, tenker nå eg. Gå ikkje glipp av denne supre muligheten til å møte likesinna bloggarar. Bli med, bli med. Eg gledar meg til å bli kjendt med fleire av dåko :)

Det er forresten flinke, snille og sprudlande Bodil Bo som har tatt bildet eg har tjuvlånt ;)

Her er utdrag frå Interiør og Boligmesse bloggen, vil du lese meir så stikk innom der:

- VELKOMMEN TIL EAT & MEET -

Bli med på årets happening i Grieghallen og start lørdagen med et deilig bloggtreff.

Jeg håper å treffe mange bloggere!

Den gode praten - det Faglige påfyllet

INTERIØR & BOLIGMESSEN 2011 INVITERER INTERIØR- & LIVSSTILSBLOGGERE TIL FROKOST OG KAFFEPRAT FØR MESSEN ÅPNES FOR PUBLIKUM.

LØRDAG 24. SEPTEMBER KL 10:00

STED: GRIEGHALLEN/DOVREGUBBEN/INNGANG PEER GYNT.

PRIS: kr 250,-

(inkl. kaffe, frokost og inngangsbillett til messen. Betaler ved inngang)

PÅMELDING TIL: trude.vaaga@possibility.no

PÅMELDINGSFRIST: 15. SEPTEMBER

KÅRING AV MESSENS FOTOBLOGGER 2011 VIL BLI FORETATT

(SE KONKURRANSEN SOM BLE LANSERT I BLOGGEN)

Mange bloggere har allerde meldt sin ankomst, deriblant velkjente Emmeline, Den gode Feen, Design Shimmer, Mitt Lille Hjem, Fru Fly, Bodil bo m.fl

Senere på dagen skal flere av bloggerne innta det vi har valgt å kalle SOFAPRATEN.

Eg slit litt med å komme i fullstendig bloggemodus etter ferien, men satsar på at ting tar seg opp etter kvart :)
Ha ein flott torsdag der ute.

Tudelu så lenge :)

Bobi. Bobi. Sjølvaste Mr Bobi.

2011-08-22T10:41:00.002+01:00

I går skulle me på kaffislabberas til ei veninne her i Stavanger, og kven andre enn Mister Bobi stod i inngangspartiet til det staselege fine huset og formeleg skein? Eg var raskt framme med kameraet og knipsa nokre bilete (sjølvsagt etter godkjenning frå huseigar). Mister Bobi er ingen ringare enn favorittpostkassa mi. Hadde eg hatt eit hus som dette skulle ei Bobi postkasse ha vore prikken over i'en i mitt inngangsparti også. Prikken over i'en med store I. Eg skulle gjerne ha bytta ut den slarkete og skeive, men akk så nyttige, porten med eit inngangsparti som dette. Det er lov å drøyme, og eg gjer det til stadigheit. Veninna mi hadde kjøpt sin postkasse i Sommerbutikken, og eg stikk inn der og siklar litt nå.

Ha ein flott mandag.

Liv i leiren igjen

2011-08-19T12:05:00.001+01:00

Foto: Heyhome.dk/Pernille Kaalund

Jaja folkens, då var det på tide å blåse litt liv i bloggen igjen, he he. Dei siste vekene har vore herleg travle - både på jobb og i privaten. På fritida har det vore godt å prøve nyte "sommarkveldane" til fulle, og ikkje bruke tid ved å sitje framfor PC'en. Ja, eg skriv sommarkveldane i hermeteikn, for akkurat nå er det nesten hauststemning her i Stavanger.

Med hauststemning kjem også lysta til å pusle rundt innandørs igjen, både med interiøret og ved komfyren. Kva er vel meir inspirerande interiørmessig enn desse fantastiske bileta frå heimen til Line Mo i Femina.dk?

Planar for helga?
Eg satsar på å utføre noko som kan bloggast ;)

See you soon,
go'helgklem herifrå

Vi skal snakke sammen...

2011-08-08T22:08:00.003+01:00

...om de samme gamle ting.

Eg er så heldig. Eg har verdas beste bestevenn. Tvillingsjela mi. Han bur i Sandefjord. Like fin inni som utanpå. Ein av dei finaste på jord. Me budde saman i mange år. I Bergen. Hang i saman som erteris. Alltid. Då han flytta til Sandfjord gret eg. Han og. Tårene renn nå berre av å fortelje deg om det. Fine, fine Kjartan min. Som eg saknar han i kvardagen. Heldigvis har me den gode kontakten enno. På telefonen. Ikkje rundt middagsbordet. Ikkje sånn til vanleg. Han er der. Eg er her. Han i sitt liv. Eg i mitt liv. Likevel. Bestevenner.

I Oslo møttes me sist. Hilde Holmer er kanskje aller mest kjendt for å ha designa Ari Behn veska til Märtha Louise. Nå er eg like heldig som ei prinsesse. Eg har nemleg fått denne knallfine pungen laga av samme designar. Den fekk eg av Kjartan. Tusen takk!

Når du en gang kommer neste sommer
Skal jeg atter være her
Og vi skal synge gamle sanger om igjen
Når du en gang kommer neste sommer
Skal vi atter drikke vin
Og vi skal snakke sammen om de samme gamle ting.
(Utdrag frå De Lillos sin song Neste sommer frå 1993)

Ha ein god tirsdag i morgon.

Kjøkkenhjelpa mi

2011-08-04T21:11:00.002+01:00

På veg heim frå jobb kan eg liksom ikkje komme meg fort nok heim. I det eg kjem inn porten kjem ungane springande i mot meg for å få ein klem. Mmmm, det beste på jord etter ein lang dag. Dei to eldste går som oftast tilbake til det dei likar tutle på med, men ikkje minstemann. "Løft 'an" seier han og strekker armane mot meg, og det betyr at eg skal løfte han opp og bære rundt på han. Her har han inntatt sin faste plass medan eg lagar middag - den skjønne kjøkkenhjelpa mi :)

På menyen i dag stod det Tom Kah suppe, samt steikt kyllingfilet, ris og ciabatta til dei som ikkje ville ha suppe. Suppa (basert på ein pakke frå Blue Dragon) var nemleg superhot, men VELDIG god :)

Ha ein fin fredag i morgon, klem klem

Lukka på boks

2011-08-01T22:02:00.000+01:00

Sjekk kjølebagen eg "fann" på Fretex!! Sjølvaste lukka på boks. Etter ein omgong med klorin innvendig, etterfulgt av dagevis med utandørs lufting, har den i ettermiddag vore i bruk for første gong. Me tok middagen med oss på stranda, og fekk lufta både kvite tær og sommarkjolen. Knallkoseleg å gjere slikt etter jobb. Eg gløymte kameraet og kan difor ikkje vise anna enn skitne skåler, krus og tallerkar etter den fargerike pikniken, he he :)

Ha ein fin tirsdag i morgon!!

Dømt til å mislukkast?

2011-07-31T22:11:00.002+01:00

Teppe under salongbordet er risikosport med små born i huset. Iallefall små born som får lov til å ta med drikke og knask til sofakroken. Eg veit ikkje kor mange gonger eg har kjøpt inn golvtepper. Golvtepper som akkurat fekk plass i vaskemaskinen, men som til slutt vart så fulle av flekker som ikkje lot seg fjerne at dei til slutt havna i dunken. Solbærsaft er til dømes kvite-golvteppe-dreparen nummer ein. Heldigvis har eg aldri investert i dyre golvtepper, men derimot så billige tepper at bruk og kast kan forsvarast reint økonomisk.

Etter å ha vore teppelaus i lange tider på grunn av overnemde "kvardagsproblem" satsar eg på ny frisk. Dette Ikea-teppet er så råfint, og forhåpentlegvis så genialt at flekker knapt viser. Eit forbod mot mat og drikke framfor TV'en er også innført, men eg er redd dette er eit forbod som er dømt til å mislukkast. Herr Fe er ikkje akkurat overbegreistra. Han syns det var fint og sånt, men han er nok meir realistisk enn meg. Enn så lenge er iallefall flekkfritt teppe herved blogga :)

Korleis gjer du det med golvtepper og born som er glad i mat og drikke all over the place?

Håpar helga har vore fin for deg. Me har blant anna bevega oss opp gjennom og nedover fjellsider, ete mykje god mat og eg byrjar sjå enden på strikketøyet mitt. Gammalt garn til nytt prosjekt er derfor funne fram. I morgon er det ei ny jobbveke, men eg satsar på fine ettermiddagsturar til strender med piknikkboksen full av god mat.

God natt

♥♥♥

Tavlevegg

2011-07-30T23:37:00.001+01:00

Ah, så herleg, eg har endeleg fått til å gjennomføre eit prosjekt eg har hatt i bakhovudet lenge. Prosjekt tavlevegg. Det er så lenge sidan eg planla å male ein heil vegg med tavlemaling, at wiren eg kjøpte til oppheng av papirdill har gått ut av sortementet til Ikea. Frå før har me ei tavlemalt dør på kjøkkenet, og eg malte også ei dør med tavlemaling den gong me budde i Bergen (nokon som hugsar den?). Eg blir rett og slett ikkje lei desse store svarte felta der ein kan få utlaup for spontan kreativitet med kritt, he he.

Denne gongen har eg ikkje brukt tavlemaling, berre svart matt slitesterk maling som er malt på ein kortvegg (gips) på kjøkkenet. Satsar på at det held. Sidan me har magnettavle i gangen gadd eg ikkje styre med magnetmaling.

Tavleveggen gjorde susen der inne på kjøkkenet, syns eg. Sånn egentleg har eg helst lyst på heilt nytt kjøkken, med ei anna planløysing, med ein enklare og røffare stil, og ikkje minst: fleire vindauge. Men eg fekk ingen telefonoppringing frå Lotto-Hilde på Hamar i kveld heller, så kjøkkenprosjektet står milesvis langt bak i prioriteringskøen.

All Bran flakes er frukost-hit'en hjå småkrabatane for tida, og eg må berre legge ved dette bilete av mikrofeen med kjøkkenhandkle rundt halsen

I helga pleier me ofte bake noko godt saman, sidan småtrolla elskar bake, og me alle er glade i å ete baksten :) Hjarte-kjeksa er frå Paul Løwe og eg fann oppskrifta første gong i Elle Interiør i hine hårde dagar. Seinare er det samme bilete av kjeksa og oppskrifta publisert i boka Levende Lys frå år 2000 (Nina Dreyer Hensley, Paul Løwe og Jim Hensley), og eg tar meg den friheit å avbilde oppskrifta for deg som les dette innlegget.

Boka tar for seg Vinterens og julens gleder, og trass i at den nå er 11 år gammal, er det den mest inspirerande og fine vinterbok eg har :)

Ha ei fortsatt finfin helg.
Ciao