Han vs. Henne i interiørverda

Det er sikkert ganske typisk slik det er hjå oss. Eg er mest oppteken av dill og dall og at det ser fint ut. Medan Herr Fe er meir oppteken av at ting er praktisk, enkelt og greit.

I den første leiligheten me budde i, hadde me opne kjøkkenhyller på kjøkkenet. På øvste hylle hadde eg store krukker fyllte med kvite kjeks (potetmelstopper). Kjeksa vart baka eins ærend fordi dei ville ta seg ekstremt bra ut i dei nyinnkjøpte krukkene mine. Dei stod vel og lenge der og var så fine så fine. Dei stod faktisk lengre enn lenge.

Men så var det ein dag eg kom heim frå jobb, og Herr Fe hadde handla inn til helg og rydda kjøkkenet. I søppelspannet låg alle dei nydelege kjeksa mine, og krukka mi var full av frokostblanding. Særdeles lite fin frukostblanding.

"Du, jeg tok å kasta kjeksa dine jeg" sa Herr Fe og la til "De var jo så vanvittig gamle". Eg svarte berre "Heilt i orden det" med lys stemme, og unnlot å sei til han at det ikkje gjorde noko at dei var gamle. Desse kjeksa var nemleg ikkje til for å etast, dei hadde berre ei estetisk rolle på kjøkkenet. Eg sa ikkje eit ord om at eg innerst inne var litt lei meg for at dei fine kjeksa mine var ein saga blott. Eg visste jo at det var heilt teit å ha kaker på utstilling.

Med åras løp har det vore mange mange slike eksempel. Der eg dillar noko til utelukkande fordi det er fint, og Herr Fe fiksar det så det vert praktisk igjen. Eller eg kjøper noko til han som eg veit han ikkje kjem til å bruke, men som vil ta seg såååå fint ut i huset ( som f eks tøflene eg kjøpte for nokre dagar sidan).

♥

Kjære Herr Fe, det gjer ingenting at tøflene var litt for små for deg. Sjå kor fine dei er dei står i all si prakt i trappa, dei passar sååå godt inn i huset vårt :)

I går humra Herr Fe uti gangen, og sa til meg som stod på kjøkkenet: "Linda, nå har Alma begynt å plassere ting i settekassen din". Eg smilte og sa "Så kjekt, så flink du er Alma". Eg sa ikkje eit ord om at det var eg som starta leiken ved å plassere Little People figurane våre der først

♥

Eg veit jo at det er Herr Fe som er mest fornuftig og som har rett i at ting skal vere praktiske og funksjonelle. Men samtidig så klarar eg ikkje halde fingrane av fatet, og må dille og dalle og styre og stelle det slik eg likar det. For eksempel kjøpe såper som ikkje skal brukast, men vere til pynt. Eller sortere stabelen av handdukar og klutar etter farge osv osv. Eg opererer i stillhet og får det slik eg vil. Iallefall heilt til Herr Fe korrigerer det med si funksjonelle innstilling.

♥

Kjære Herr Fe, eg er så glad i deg, og glad for at du tar mine interiør-nerde-fakter med eit smil.

Avslutningsvis viser eg to bilder av meg og pompilompen knipsa av Herr Fe i ettermiddag. Simon byrjar bli ei deilig lita tjukkebolle som klør og klør i gommane. Kunne ha ete han opp :)

Nå er det straks helg og avspark av haustferie.

Ha ei god natt og ein god fredag formiddag.

Trur eg rekk komme med eit innlegg i morgon også.

♥

Zzzzzzzzzz ;)

PS! Kakebilder er lånt frå Tine.no