Ein elefant.... to elefanter....

 To av mine favorittar frå eigen barndom (lita hekledukke og papirdukke).

God søndagskveld der ute!
Helga er i ferd med å avsluttast.
og eg er riktig så fornøyd med den.
Sidan i sommar har eg sortert og kvitta meg med mange ting som me ikkje treng lengre. Klede er levert til Fretex. Leiker plassert i byttebua på Forus gjenvinningsstasjon, Phil & Teds vogna er solgt og sendt. Når ein bur trangbudd som oss, så krevst det stadige sorteringar som desse for å ha plass og orden. Nå i helga har eg fortsatt denne sorterings- og ryddejobben og ser endeleg enden på prosjektet. Puh!


Me har hatt små og store venner på besøk i løpet av helga, og har fortært mykje god mat og drikke. I dag var me i symjehallen og eg har vore på første spinningøkt etter sommaren. Tuuuungt å komme i gong igjen akkurat på den fronten, men men det vert vel betre får eg håpe.

Etter rydding er de alltid kjekt å ta bilder, og når eg i tillegg har verdas aller kulaste spareelefantar å vise fram, så måååå eg jo berre dele med dåko der ute.

Eg holdt nemleg på å setje Pepsi Max'en i halsen for nokre veker sidan då eg var på jakt etter barneklede i nettbutikken Sam og Sofie.
For der var dei jo!!
Elefantane eg har vore på jakt etter i  
Å R E S V I S.
Dette er elefantar du ser i dei kulaste utanlandske interiørmagasina.
Og det beste av alt: me finn dei hjå Sam og Sofie i alle moglege fargar.
Heldigvis hadde eg ikkje allereie kjøpt andre sparebøsser til dei to yngste i huset, og var rask med å klikke desse til bestillinga. Eg hadde sjølvsagt store problem med å finne ut kva fargar eg skulle kjøpe, men enda opp med gul og raud som du ser.  Er dei ikkje dødsfine? Det er nesten så eg skulle hatt ein sjølv også.... Kanskje ein svart slik ein på kjøkkenbenken hadde gjort seg ;)

Nå skal sekkar, nyvaska regntøy og klede finnast fram.
Ha ein god søndagskveld.

Klem frå Linda