Laurdagsgodt

Du og du kor eg kosar meg med stempelsettet eg kjøpte i nettbutikken Sweet Memories i julegåve til meg sjølv i fjor. Sweet Memories butikken er forøvrig dessverre i dvale nett nå, men kanskje opnar den opp for fullt igjen? Det hadde i så fall vore kjekt :)

I dag tidleg gjorde eg litt ekstra ut av laurdagsgodteposane. Papirposar frå Panduro, påstempla namn og treklesklyper til lukking. Posane overlevde utruleg nok godteriseansen, og kan nyttast om att neste laurdag.

Innhaldet i godteposane var litt utradisjonelt i dag.
Tidlegare i veka fekk eg e-post om dei tre etterkommarane kunne tenke seg å smake Fazer sitt nye Angry Birds godteri. Me takka ja, og godteriet fall i smak. Særleg hjå eldstemann som er ein "racer" på Angry Birds på Ipod'en :)

Nå er det pepsi max i glasset, og eg tel på fingrane: maling av kjellargolv eller slaraffenliv i sofaen...
Ha ein finfin laurdagskveld der ute - og sist men ikkje minst: Takk for fine spor og ord på førre innlegg :)

Tudelu :-)