Som de har fått med dåko har eg vore ganske så blogglei i det siste.
For det første har eg hatt det utruleg travelt.
For det andre har det vore mørkt når eg har dratt til jobb og mørkt når eg har kome heim igjen.
For det tredje har eg ikkje vore inspirert.
For det fjerde har huset sett ut som ei slagmark.
For det femte har eg ikkje hatt noko nytt å vise fram.
For det sjette.... ja slik kunne eg ha halde fram i det uendelege.
Blogginga gjer meg så mykje verdifullt, det er jo favoritthobbyen min.
Så eg er ikkje klar til å sleppe taket enno... sjølv om tanken har slått meg oftare og oftare den siste tida.
Med lysare morgonar og lysare ettermiddagar kjenner eg at inspirasjonen så smått vender tilbake. Nymalte veggar og nyrydda klasskap har eg faktisk også. Til og med nyvaska inni kjøleskapet er det (takk, mamma ;)).
Eg har ikkje kjøpt interiørblad på evighetar...ikkje før forrige helg. Dei to danske favorittane mine vart med heim frå Narvesen sist søndag.
Eg sette meg sporenstreks ned med dei. Klar for å suge inn inspirasjon.
Men trur de det var interiøret eg vart inspirert av??
Å neidadu, det var maten og kakene.
Hjelpe meg.
Trøste og bære.
Sjå berre her *vatn i kjeften*:
Sitronterte med italiensk marengs:
Kaffisjokoladekake med mascarpone. Nammmm, det høyres jo ut som ein herleg sjokoladekladdkakevariant av favoritten tiramisu...
Marengskake med bringebær.....mmmmm.
Heldigvis fann eg mykje herleg interiørinspirasjon også. Kanskje ikkje alltid så bra for lommeboka, men garantert best for livvidda. Dei kakene får vere på draumestadiet. Nå må det nemleg skjerpast. Sommaren og mindre klede er her før ein veit ordet av det.
Finfin veke ynskjast deg!
