I'm back

Sukk, så herleg det har vore med vinterferie og eit lite avbrekk i frå alt det hektiske. Me har kosa oss masse med venne- og familiebesøk, turar og hagearbeide :) Sol og vårstemning fleire av dagane gjer godt for kropp og sjel. Berre synd ei veke fyk så fort.

Over her ser de magasina eg fekk tilsendt frå Marie omtalt i forrige post. Eg har ikkje hatt tid til å studere dei i detalj enno, men Living and More er kjempebra :) Skal sjå om eg ikkje får knipsa nokre bilete frå reportasjar i bladene ein dag.


I dag tenkte eg å komme med oppskrift på RUSSEDESSERT. Av og til - oftast på søndagane- lagar eg skikkeleg tradisjonell mat i heimen, og denne gong var det desserten som var av det tradisjonelle slaget. Farmor lagde ofte russedessert til oss då me var små, og det er kjempegodt :)



I mangel på heimelaga ripssaft, brukte eg Herviks ripssaft denne gong, og det fungerte veldig greit.

Kok opp 3 dl saft, 4 dl vatn, 2-3 ss sukker og 6-7 ss semulegryn. Rør heile tida. Dette skal koke ca 10-15 min til dess det har fått grautkonsistens

Den ferdig kokte saftgrauten avkjølast litt (eg satte den ut på trappa i 10 min), før den hellast oppi miksmasteren.

I miksmasteren skal blandinga piskast til den er luftig, porøs og avkjølt.
Eg syns personleg at russedessert er best nypiska og lunken med kald vaniljesaus på. At fargane er heilt nydelege gjer jo desserten berre ekstra god :) Vel bekomme :)

I huset går ting på fram, men eg sparar på før og etterbileta til ting er heilt ferdige :)

Ha ei flott veke. Hurra for mars månad og vår i anmarsj!!