lørdag, juli 19, 2008

God laurdag

Det er dårlig med oppdateringar her inne om dagen. Dagane fyk på jobb, og ikkje minst etter at eg har kome heim. Plutseleg er kvelden komen, dagslyset borte, og den gode feen er trøytt i trynet. I går var me på villbringebærplukketur (fint ord?), og ungane et ville bringebær til alle måltid, hehe.
I går kveld reiste vår kjære svigerinne/tante/søster tilbake til Lillehammer med nattoget. Frk Kreativ har vore her hos oss i ein månad og passa den minste feen, henta den mellomste feen i barnehagen, rydda og stulla og stellt. Det har vore heilt supert å ha henne her. Eg har kome heim til nyvaska hus, nylaga middag og duk og dekka bord. TUSEN MILLIONAR TAKK, Lene!!

Og så har eg ei etterlysning! Kan du som fekk denne veska og ei anna veske eg har sydd ta kontakt med meg på mail? Eg har fått ny e-postadresse, og det er enklare for meg om du tar kontakt enn at eg skal gå gjennom arkivet for å finne tilbake til deg :)

Eg tar ein aldri så liten bloggpause nå, og ynskjer alle som måtte finne veien innom her ein fin sommar!





onsdag, juli 16, 2008

Leikekjøkkenmat

Det er fleire enn meg som stuller med leikekjøkken om dagen. Eg tenkte derfor at litt inspirasjon til leikekjøkkenmat var på sin plass.

Tenk all denne "maten" er laga av filt:




Og sjekk desse utruleg forseggjorte strikka (fair-trade) grønnsakene frå Lark:
Og frukt frå samme butikk:
Og mønsteret til desse kan kjøpast her:
Og på mi jakt etter hekla mat dukka vesle "Ruby in a strawberry" opp. Er ho ikkje bedårandes skjønn? Mønster her og bloggen til ho som har designa henne her
Så då var det berre å gå til innkjøp av garn og setje i gong :)

tirsdag, juli 15, 2008

Sommarkveld i hagen

Ikledd knestrømper, kjole frå Indiska og støvlar frå Sparkjøp har eg hatt ei økt i hagen i kveld. Plenen er nyklipt, og naboane hadde sikkert god underholdning då skjørtet flaug opp i vinden. Haha, satsar på at dei fleste satt opptekne ved TV'ane sine ;)
I grønnsakskassane er det frodig for tida.
Pittesmå gresskar har sett dagens lys. Det finst også små tomater, sukkererter, poteter, og løk. Gledar meg til å hauste inn det også. Ikkje minst gledar eg meg til den dagen eg har eit drivhus å dyrke i i tillegg.
Eg plukka ei stor skål med ripsbær også. Eg har ei venninne (hei kjersti ;) ) som er kjempeflink på å lage ripsgelé, og trur jammen eg må få tak i oppskrifta hennar.

Det vart eit grønt innlegg dette. Sånn ellers har eg ikkje så mykje spennande å blogge om. Det vart plutseleg så mykje kjekkare å strikke ferdig ein genser eg starta på i januar, enn å hekle lappar til lappeteppet - Er det ikkje typisk :)

Ellers er eg stolt og glad for å ha fått to nye awardar, men tar det i eit eige blogginnlegg :)

søndag, juli 13, 2008

Svart-kvitt bilder

Eg har lenge digga svart-kvitt bilder i svarte rammer. Dette bildet eg fann på nettet ein gong (scanna frå ei bok) syns eg er råfint. Kunne tenke meg å ha det liknande dette, når me har fått fiksa opp i den teppebelagte trappa vår.
I påvente av ny og fin trapp, har eg hengt opp ein del bilete på eine kjøkkenveggen. Veggen skal rivast og dobbel glassdør skal setjast inn, men ikkje enno. Så nå heng ein del familiebilete, teikningar og anna ramma inn. Manglar ein del bilete før det vert som på inspirasjonsbiletet, men det er då ein start :)
Har mange fleire bilete som skal opp, men TTT ;)

Ha ei fin kommande veke. Berre denne veka igjen, så har eg FERIE :)

lørdag, juli 12, 2008

Lavendelposar

Eg har tørka lavendel frå hagen, og måtte sy to posar til å ha dei i. Posane skal eg ha inni kleskapet. Den første posen sydde eg av det gamle handkleet eg kjøpte på Qxl.
Den andre vart sydd av eit nydeleg linstoff som eg fekk av Frk Kreativ:
På grunn av ei lita rampete jente er det ikkje dagligdags med duk på bordet her i huset. Denne duken frå Sia kjøpte eg sist eg var heime, og syns den er nydeleg fin. Derfor vert duken ofte lagt på bordet etter at dei små trolla er i seng :)
Ha ein finfin laurdagskveld!

torsdag, juli 10, 2008

Nytt teppe


Eg har i lengre tid hatt lyst til å kjøpe sengeteppe til min førstefødte. Eg har sikla på eit i brunt og lyseblått frå GreenGate. Men då eg såg dette nydelege teppet hos Mollys Heaven endra eg meining, og kjøpte det i staden. Hoppandes glad, for teppet er enno finare enn det visest på bileta her.
Eigaren av sengeteppet vart også kjempeglad, og fekk ha det på seg under barneTV i kveld.

I tillegg til litt anna dill og dall kjøpte eg ei slik knaggrekke:

Foto: Mollys Heaven

Ei identisk knaggrekke vurderte eg å kjøpe for 229 kr i ein butikk i Sandnes ein dag. Gjett om eg var glad for at eg ikkje slo til på den, når eg like etter oppdaga at Mollys Heaven solgte den samme for 85 kr mindre ;) Endeleg har husets nøklar og identitetskort ein fast stad å henge.

Med dette ynskjer eg alle som ein ei herleg julihelg!!

onsdag, juli 09, 2008

Kakebakst

Tusen takk for alle kommentarar angåande skulestartførebuingane her i huset :)

Den vesle feen har fått komfyr av pappaen. Eg har liksom gått og vurdert kva type komfyr ho skulle få ein vakker dag. Skulle me snekre eit lite minikjøkken til henne, eller skulle ho få ein komfyr i plast eller ein i tre. Nå treng eg ikkje gruble lengre, for mannen kom heim med denne. Eg syns den var KNALLFIN! Den er i tre, den er svart og kvit, og passar heilt inn, og tullemor skal derfor få seg ein kjøkkenkrok på kjøkkenet vårt.

Snille tante har sydd supersøte muffinsar til henne. Eg har ambisjonar om å sy speilegg, hekle gulrøtter og sy små kakestykker - det gjenstår berre å sjå om eg får det gjort... Du kan sjå fleire bilete i bloggen til tante Lene.

tirsdag, juli 08, 2008

Førebuing til skulestart

I den fe'iske heim er me så heldige å ha ein gut som snart skal byrje på skulen. Ransel og penalhus er innkjøpt for lengst, og nå er jammen pult og kontorstol også på plass.


Eg var så hoppandes glad då eg fekk tak i eit gammalt DIGERT skulekart over Europa, og syn det passa heilt supert inn på rommet hans.
Skrivebordslampe frå Hilmers hus, og sparegris frå Åhlens. Med dette er grunnlaget for min sønns akademiske karriere på plass ;) Han skal jo bli astronaut, så det er ikkje noko i vegen med framtidsplanane iallefall ...
Einaste aberet er at han vil ha mammo med seg i romferja ut i verdensrommet. Hehehe.

Ha det godt!

søndag, juli 06, 2008

Klar for ny veke

New Dawn blomstrar så fint på terassen. Klatrestativet skrik sårt etter eit malingsstrøk og to, men eg ventar til me har skifta litt bordkledning og slikt.
Frå Capris bestilte eg også den nydelege strikkeboka Kæk og klassisk børnestrikk 2-10 år av Lene Holme Samsøe. Ho er favorittstrikkedesigneren min, så forventningane til boka var høge.
Forventningane vart absolutt innfridde, og eg har lyst til å strikke både Werner Frø (over) og Pilespides (under), samt mange andre plagg.

Ynskjer alle ei strålandes fin veke!

lørdag, juli 05, 2008

Laurdag og ymse nytt

I dag fekk eg endeleg henta ein bokpakke frå Capris. Har kjøpt inn ein del kokebøker, eller rettare sagt kakebøker. Kanskje ikkje verdas smartaste ting å handle inn om ein prøver skrenke inn på livvidda...

Eg kjøpte Cookies av Martha Stewart, samt dei to fantastiske bøkene Två systrars söta og Vinterns söta. Jummi.



På kjøkkenet har det skjedd litt nytt sidan sist.

Har omsider fått på plass skapdører på det innebygde skapet eg tapetserte ryggen i tidlegare. Vart sååå mykje betre. Klarte ikkje halde skikkeleg orden, og nå er alt rotet skjult bak dører. Veggklistermerke frå Søstrene Grene pyntar opp over døra ut til bakgangen. Er LITT usikker på om dette var heilt meg, men for 25 kr går det fint an å teste ut smaken.

Avslutningsvis må eg takke så mykje for alle dei fine orda angåande heklateppet. Eg har ikkje gjort meir sidan sist, men nå skal det heklast gitt.

Ha det fint resten av helga!

Related Posts with Thumbnails