Søndagskos

Sjølv om eg nå er inne i min tredje månad av morspermisjonen så er det spesielt herleg med helg. Ikkje alle helger er like innhaldsrike og kjekke, men akkurat denne har vore heilt topp. Det var såååå koseleg å ha besøk på fredag. Det var så herleg å stå opp laurdag morgon, då alt var så ryddig og fint (har jo vore systove her i lengre tid). Og det var fantastisk godt at sola skein i dag. Sol frå skyfri himmel har vi ikkje vore bortskjemte på dei siste månadane.
Me pakka sekken med eplejuice og 'Hjem og lykke' inspirerte muffinsar (lyse muffins med eplebitar toppa med kanel og sukker) og drog på tur i Trollskogen i dag. Trollskogen er eit supert skogområde på Hundvåg som er perfekt tilrettelagt for småbarnsfamiliar og andre turgåarar. Det var bord, benker og grillar fleire stader. Små hytter, steinhus, lavvoar, disser og trær til å klatre i. Turen i dag vart ein aldri så liten sonderingstur, men her skal me jammen tilbake. Ungane var heilt ville av glede. Eldstemann påstod at han fann både skyttergraver og steinalderhus. Ikkje verst det, gitt :)

Vel heime igjen knipsa eg eit par bilder frå kjøkkenet. Tøyposen som heng ved døra ut til bakgangen/trappa ned til kjellaren er ein pose som fulgte med noko barnetøy eg kjøpte for ei tid sidan. Her i huset fungerer posen som oppbevaring for ullstrømper og anna ullvask. Like greit å sortere klesvasken først som sist :) Det er ikkje mogeleg å sjå det, men 'prikkane' på posen er små firkløvrar. Det er derfor den er i bruk, for eg diggar nemleg firkløvrar.

Nå må skule- og barnehagesekkane pakkast og klær finnast fram. I morgon skal de få sjå den ultrafine lampen mikrofeen fekk i dåpsgave, så følg med ;)

Ha ein flott kveld, og ei fin kommande veke.

Ciao så lenge-