Snakk om å bomme fullstendig på tida

Eg har fortalt dåko at me skulle få storfint besøk i går. Og eg sa at eg skulle komme tilbake til det. Det eg planla var eit koseleg innlegg i dag med fine bilder frå gårskvelden. Med levande lys, god mat på bordet og eg skulle til og med få Herr Fe til å ta bilde av oss. Slik at de fekk sjå oss saman. Slik vart det ikkje.
♥
Ja, me fekk storfint besøk. Nemleg herlege Emmeline og gode Prinsesse Elin. Men eg rakk ikkje ta bilder. Ei heller rakk eg sminke meg eller gjere ting ferdige som eg ville. Ha ha, eg må rett og slett le av det heile.

Bodil ringte meg på førehand og lurte på om eg ikkje var nervøs for å få interiørbloggedamer på besøk og middag. "Nei, herlighet - det er eg heeeeeilt avslappa til", svarte eg. Eg var rett og slett for avslappa.

♥

På formiddagen rydda eg og støvsugde innimellom pausar med rykande fersk Se og Hør på sofaen. Eg elskar jo sladder og lettliva underhaldning ;) Eg burde ikkje brukt tid på søppelpresse. Eg burde ikkje brukt tid på å tyte i telefonen med Bodil. Eg burde ikkje ha rydda INNI bokhyllene. Og eg burde ikkje ha utsatt sminkinga til kvelden.

Dagen fauk fortare enn svint. Ungane krevde litt meir oppmerksomhet og pleie enn vanleg. Er ikkje akkurat det typisk? Herr Fe skulle plutseleg på trening. Ikkje plutseleg, men eg visste ikkje om det - så for meg var det plutseleg. Timane gjekk utruleg fort.

♥

Når det var 45 minutt igjen til gjestene skulle komme, hadde eg framleis ikkje sminka meg, heller ikkje fått ferdig maten, ikkje fått ungane i seng, og kjøkkenet og badet såg heilt bomba ut. Samtidig byrja Simon bli alvorleg urolig og eg visste at innan kort tid MÅTTE eg berre amme han. I det stille takka eg meg sjølv fordi eg ikkje eg med i ein eller anna klubb slik at dette er ein situasjon eg befinn meg i i tide og utide.

♥

Eg jogga omtrent inn i stova til Herr Fe og sa at eg treng 30 minutt på å få ferdig maten, dekke bordet og rydde kjøkkenet. Så vasker over badet, steller meg samtidig som eg legg dei to eldste rett før dei kjem. Nytrente Herr Fe nikka heilt enig, og tok seg av ungane på beste måte. I forbifarten tilbake til kjøkkenet kasta eg eit blikk på meg sjølv i spegelen. T-skjorta mi var møkkskitten, under augene sota gårsdagens sminke gråsvarte ringar og eg tenkte "eg håpar dei vert pittelitt forsinka".

Eg hadde ikkje før tenkt tanken før eg høyrer frå stova: "Nå kommer de". "Du køddar, det er ikkje sant" svarte eg og begynte å le.

♥

Stakkars dei skjønne snille gjestene våre. Dei vart ikkje møtt av ein flott fe som ønska dei velkomne. Dei vart møtt av den usminka sanninga. I ordets rette forstand. Ein baby som hylskreik, ein 7-åring som spelte Wii til alt for høgt volum, og ei sliten trebarnsmor som utbraut "dåko kjeme aaaaalt for tidlig".

♥

Ha ha ha, tenk at eg sa det. Men eg trur og håpar for guds skuld at eg var smilandes og blid og la til " kom inn, kom inn".

♥

Emmeline vart satt i sving til å dele opp baguettar, Prinsessa aktiviserte 7-åringen, Herr Fe prøvde roe ned den lettare hysteriske babyen, medan eg omtrent endevendte klesskapet mitt etter ein passandes ammetopp.

Puh.

Eg treng ikkje gå meir i detaljar, for alt enda godt. Emmeline og Prinsessa har fantastiske personlegheitar. Slike persomar som eg slappar fullstendig av saman med. Simon fekk mat, bordet vart dekka, ungane trygt plassert i seng, maten vart ferdig, alle var blide og glade og me skamkoste oss. Men de kan gløyme å sjå bilder frå seansen. Ikkje snakk om at eg skal bloggifiserast i den tilstanden. Kamera var ei heller i mine tankar. Beklagar :) Det gjekk faktisk så fint at i dag er det nesten så eg kunne tenke meg å vere med i klubb likevel.

Me fekk knallfine gåver frå dei to bloggdronningene. Småfeane fekk kvar sin Blafreboks med ting inni. Me fekk masse godteri. Eg fekk mi første Bruka-skål (bilder kjem garantert seinare) (JUHU). Og me fekk eit knallfint kort (ramma inn og hengt opp i dag (første bilde i innlegget)). Simon fekk den finaste lyseblå duffelcoat'en eg har sett. Eg gledar meg til den skal takast i bruk, og kryssar samstundes fingrane for at den passar heilt til 17.mai.

♥

Tusen takk for gåvene. Tusen takk for besøket. Eg gledar meg masse til neste gong me møtast, når nå enn det måtte bli :)

♥

Dagen i dag har me tilbrakt heime. Eg har teke Minimega-papiret i bruk til å tapetsere House Doctor eskene mine. Bildene vart teke før limet tørka, og papiret er derfor noko ruglete.

♥

Nå er det straks nattinatt. Tudelu så lenge :)

Torsdag den tiende i niende

Takk for alle oppmuntrande kommentarar angåande bloggsjappo ;) Eg tenkte kanskje å legga ut nokre interiørting eg ikkje har bruk for lengre også, men ting tar tid :)

Før i gode gamle dagar, då eg jobba i Bergen og kunne stikke innom Fretex i lunsjpausen, fann eg vanvittig mange skattar der. De er nok fleire som hugsar porselenshunden min ;) og pianoet mitt ;) blant anna.

Eg diggar Fretex. Eg diggar tanken om resirkulering av brukbare ting, eg diggar at inntektene går til Frelsesarmeen, og ikkje minst eg diggar å finne ting frå 50, 60 , 70 og 80 tallet som minnar meg om svunne tider.

*

Etter at eg kom til Stavanger har det blitt langt mellom varpa. Det virkar som om fleire er ute etter det samme som meg. Eller så er det ein kombinasjon av at eg er meir kresen, og/eller har mindre tid til å skikkeleg leite i reolane.

*

Hin dagen stilte eg på Fretex på Mariero kl 0900 (ved opning). To minutt etter opningstid velta det inn med folk. Eg fekk nesten loppemarkedassosiasjonar, der folk er så desperate at dei går "over lik" for å få tak i ting. Når det er slik bakkar eg heilt ut. Eg roa meg fullstendig ned i barnebokreolen, lot gribbane slost om skattane, og kom heim med ein stabel av kjekke Disneybøker. Slike hadde me som små, og ungane her i huset elskar dei. Perfekte bøker for ei lesestund før sengetid, totalt ufarlige og uskumle.

*

I dag er eg i sving med helgereingjerninga. Ute skin sola, og på radioen (MP3) er det råbra musikk. Ha ein herleg torsdag der ute :)

*

PS! Blomstrane er fotografert i går, og er dei samme som i dette innlegget. Ein månad har dei altså stått. Eg sa jo at dei holdt seg fine lenge :)

Jobber med saken...

Ei aldri så liten oppdatering for å fortelje at eg har planar om å re-opne bloggshop'en :)

Blogsjappo har lege brakk dei siste månadane, men nå har eg litt ting eg kan legge ut :)

Har bestemt meg for å sy ugler og puter for salg også, men kjem ikkje ta inn bestillingar.

Eg er rørt, stolt og takknemlig over å få bestillingar, men det er desverre slik at bestillingar tar drepen på all kreativiteten min. Dersom eg får føringar angåande fargevalg, stoffvalg osv klarar eg ikkje glede meg over å sy. Eg lurer heile tida på om mottakar kjem til å vere fornøyd osv. Det er mykje betre at eg syr når eg har tid og lyst, og dei som ynskjer det kan kjøpe. Ikkje sant?Kan også fortelje for dei som er intressert, at det også kjem to seglbåtar for salg. Dei definitivt siste eg har på lager.

Men først må feen ut og fyke litt. Her ventast det storfint besøk på fredag, og ting må førebuast :)

Meir om det seinare.

Kjempeklem frå Linda *svosj*

Rørt til tårer

Berre så det er sagt, så er eg usikker på om eg byrja blogge i slutten av 2003, eller i starten av 2004. Uansett er det lenge sidan, og uansett så har eg sletta den første bloggen eg hadde på Sprayblogg (Den gode feens hobbyside). Eg hugsar me var ein gjeng frå forumet Hobbyforum som starta våre eigne bloggar for å vise fram det me sydde, strikka og hekla. Du kan forresten stikke innom den koselege bloggen til Bente som starta opp samtidig.

Eit halvt år etter at eg oppretta bloggen kjøpte eg og Herr Fe vårt første husvære, og utover hobbyting handla bloggen frå nå av også om interiør. Meir og meir interiør, samt ein lett miks av bruktfunn frå loppemarked og Fretex, sydde ting & tang, hekla huer og familieliv. Me var ikkje mange bloggarar den gongen. Og eg hugsar med glede når Haust og Karna oppretta sine kjekke bloggar og mange andre etter det.
Men me var likevel få norske bloggarar. Så få, at eg rakk lese ørten amerikanske, australske og engelske bloggar i tillegg. Mange av desse eksisterer framleis. Dei er superinspirerandes og vel verdt eit besøk. Besøk for eksempel All sorts, Wee Wonderfuls, Angry Chicken, Soule Mama, Bella Dia, og Posie Gets Cozy. For deg som les dette og ikkje skjønar kor eg vil hen i dag, så kan eg trøste med at eg kjem snart til poenget ;) Som de alle veit har antall norske bloggar eksplodert. Det er så mange kjekke bloggar, at eg rekk ikkje over dei i det heile. Eg rekk desverre heller ikkje alltid besøke dei som legg igjen kommentar hjå meg ein gong... Og aller minst - eg rekk aldri besøke utanlandske bloggar lengre. Før i dag.
I dag fann eg ein amerikansk blogg som slo meg rett i hjarta.
Det kan godt hende at det er fleire som allereie les denne bloggen, men for dåko andre som ikkje har oppdaga den - besøk NieNie Dialogues.

Bloggen er skriven av ei nydeleg firebarnsmor, som så vidt overlevde eit flykræsj for litt over eit år sidan. Det er utruleg kontrast å lese innlegga ho hadde før ulukka, og innlegga etter. Ho låg 5 månadar på sykehus, og den minste ungen hennar kjende henne ikkje igjen då ho kom heim. Han kalla tanta si for mamma. I bloggen kan du lese om korleis ho kjempar seg tilbake til livet. Over kor glad og takknemlig ho er over å puste, over å sjå ungane vekse opp. Eg trur ikkje eg fortel meir, les det du også :)

Nok ein gong vert eg slegen av kor fort livet kan snu. Me anar ikkje kva morgondagen bringer.
Eg gledar meg til heile familien min er samla rundt middagsbordet igjen i dag. Eg skal jammen lage alles favoritt, og eg skal jammen fortelje kor eg set pris på dei. Eg skal ikkje vere oppgitt over sure sokkar eller tomme dorullar. Nei, for det er berre bagatellar.

Ha ein flott mandag, og ta godt vare på dine nære du også :)

PS! Alma er iført ein kjole eg sydde lenge lenge før ho var påtenkt. Sydd av gardinstoff frå Laura Ashley. Hue og hals har eg strikka i Sandnes alpakka til eit eigenkomponert mønster. Kjekt at ho er så fin i lyseblått :)

Harry dynetrekk

Lørdagshandelen fall til Stavanger sentrum denne gong. Eg overtalte feens familie om å bli med på Fretex i Østervåg. Eg er jo som vanleg på jakt etter retro stoff. Ingen fangst på Fretex. Som vanleg. Eg undrar meg nemleg på om dei har avtale med Harry Camping rett over vegen. Harry Camping er ein superherleg butikk som selg heimedesigna og sydde barneklede av blant anna gamle dynetrekk. Verdas kulaste dynetrekk. Om ikkje dei har avtale, så kan innehavaren uansett dagleg stikke over vegen på jakt etter nye skattar på Fretex. Eg kasta lange blikk bak i stofflageret der inne gitt *dødsmisunneleg*.

Nytt hos Harry Camping var at dei nå også selg dynetrekk, putevar og oppbevaringspose til babydyner (sydd av gamle dynetrekk det også). Eg fall pladask for dette settet her til 350 kr :) Kanskje inga bombe for de som følg meg, og som veit kva eg likar.

Eg måtte jo innrømme for jenta bak skranken at det var stoffet eg var mest intressert i, men desverre solgte dei ikkje stoff. Dynetrekket og posen kjem eg til å behalde som det er, men putevaret skal eg sprette opp og bruke i mine eigne puter. Neste puta eg skal sy kjem til å bestå av denne stoffkombinasjonen, trur eg:

I dag har eg googla Harry Camping, men fann inga eiga nettside. Men den fantastiske bloggen Ludo Land har hatt eit Harry Camping innlegg som du kan lese her.

Uroen som heng over Leandervugga er forresten også kjøpt hjå Harry Camping.

Søndagen lakkar og lir mot kveld. Me har berre sløvt inne i dag. Teikna, spela, støvsugd og sett film. Nå er me klare for å komme oss ut på tur.

Håpar de har ein fin søndag de også :) Klem frå Linda

Das ist ein Pilz

Bokstavane brukt i headeren kjøpte eg for åresvis sidan på Fretex i Bergen. Tanken var å bruke bokstavane til illustrasjonar i den planlagte boka, og er derfor ikkje vist fram før .

Det er ikkje Scrabble, men eit tysk spel beståande av magnettavle, bokstavar med magnetbakside og kort ein kan byte ut... Perfekt for ein 7-åring som lærer å lese og skrive i desse dagar, og perfekt for ein 2-åring som likar å øydelegge for storebror...

Illustrasjone er heilt herlege. Sjekk for eksempel det spenstige sofatrekket på bildet over. Berre synd orda er tyske...

Me kjem nok til å bruke bokstavane på kjøleskapet i framtida, for å forhindre at det vert språkforvirring for junior :)

Med det siste bildet ynskjer eg alle ein flott lørdag!

Hipp hipp hurra

Tusen millionar takk for dei skjønne kommentarane på gårsdagens innlegg. De er så herlige og gjev meg så mange fine ord at eg vert aldeles flau.

Uglene og putene er stilt ut for salg hjå Galleri HIJ i Stavanger. Det er veldig godt mulig at eg kjem til å sy for salg i bloggsjappa også. Har ikkje lyst til å dele ut mønsteret på uglene enno, må først bestemme meg for kva eg skal gjere. Sy og selge ferdige ugler sjølv, selge mønster, eller dele ut gratismønster :) Uglene er forresten etterkommarane til denne ugla her.

Hipp hipp hurra overskrifta refererer til at i dag har mamma bursdag. Verdas aller beste mamma og bestemor. Håpar du får ein kjempefin bursdag.

Sola strålar på himmelen og det er helg.

Ha ein flott 4. september der ute :)

Ugler i mosen

Ein gong drøymde eg om å gje ut bok. Ei bok full av inspirasjon, rare idèar og koselege figurar.

Eg sette meg ned, teikna, skissa og planla ulike tema. Eg sydde og sydde. Somme av tinga eg laga vart eg så sprekkferdig stolt over at eg knapt klarte unngå å vise dei fram på bloggen. Eg var også redd for at andre skulle komme på samme idèane som meg før eg fekk publisert boka. Akkurat det var skikkeleg stress, og eg forstår godt at det er stressandes når ein skal lansere eit nytt design, ei ny bok eller eit nytt tekstil. Prosessen frå idè til ferdig produkt tar så lang tid, at andre kan komme ein i forkjøpet :)

Tinga eg sydde vart samla i ein pose som vart fullare og fullare. Planane var mange og gode, men så fekk eg ny jobb. Og så kom Alma. Så flytta me til Stavanger. Og til slutt kom Simon :)

Eg får aldri tid til å gje ut noko bok. Eller kanskje gjer eg det ein gong, men då er tinga eg sydde aldeles utdaterte i form og farge. Nå er dei sydde tinga klare for å komme ut i publisiteten, og først ut er desse uglene.

Ugler som vart sydde lenge før ugler vart hotte som trykk på vesker, klær og tekstilar. Med ris som botnfyll, slik at dei står støtt og spanar ut over rommet. Koselege ugler :)


Ha ein super torsdag :) Klem frå Linda

Fargerik onsdag

Så godt å sjå at advarselen min vart godt mottatt :) Godt at de ikkje er leie syprosjektet mitt. Det minkar farleg fort i den fargerike delen av stofflageret mitt. Så nå bør eg snart bestille meir stoff frå USA, samt gjere eit kupp på Fretex igjen.

Putene er sydd med konvoluttopning og dekorsaum bak.
Dei fleste putene går i oransje og rosa fargeskala. På strykebrettet nå ligg stoff i meir rosa, brun og blå tonar. Håpar putene passar inn på Galleriet til mitt kjære søskenbarn.

Kjekt også at andre syns det er moro å sjå igjen leiker frå 70-80 tallet, for eg har meir gamle leiker på lager ;) Nokon andre som hadde slike puslespel av tre? Hugsar enno at eg fekk dei til 5 - årsdagen min. Synd eg ikkje har fotoalbumet frå barndommen her. Då kunne eg ha krydra innlegget med ein glad 5-åring avbilda i november 1978. Iført svart slengbukse i cordfløyel, svart vest med store raude knappar og eit blidt ansikt :)

I dag er 2-årskontroll på helsestasjon overstått. Blåbærpai med vaniljekrem tilberedt. Så snart gullgutten kjem heim frå skulen skal me skamkose oss :) Ikkje anna å gjere når været utansdørs er aldeles grusomt.

Ha ein fargerik og fin onsdag :)

Advarsel

Det er ein viss fare for at det vert fleire puteinnlegg i bloggen med det første :) Eg syr og syr i kvart ledige sekund - det er såååå kjekt :)

God natt klem frå Linda

Little people og stilretning og slikt

For nokre dagar hadde Emmeline eit kjekt innlegg om "Ti bloggeting jeg ofte blogger om". Ho utfordra oss andre til også å lage eit slikt innlegg. Å skrive litt om kva stilretning me tilhøyrer og lage ei liste over 10 ting me ofte bloggar om.Eg kjem neppe til å finne 10 ting, men ein gjengangar i bloggen min er at eg viser fram leiker og ting & tang frå barndommen min. Det har eg gjort alle dei fem åra eg har blogga - uavhengig av stilretning.

Emmeline har delt bloggejenter inn i tre kategoriar basert på stilretning; Jeanne d'Arc jentene, Retrojentene og New England jentene. Eg sjølv likar ikkje å definere meg inn under ein av desse stilretningane, sjølv om eg mest assosierer meg med retrojentene av dei tre nevnte kategoriar. Eg føler eg går litt i mi eiga retning utifrå kva eg likar, kva type hus eg bur i, kva økonomi eg har og utifrå modning. Eg kjører Lindas stilretning eg ;)

Eg har likt retro stoff og kitch ting heile livet. Eg har likt fattigmannslysestakar og designlampar om ein annen. Kvit keramikk, engelsk porselen, turkise glass, oransje plastkoppar i eit einaste sammensurium. Eg kjøper dei tinga eg likar og som passar inn i huset, i livet og som tiltalar meg. Eg har samla og kjøpt inn ting eg har likt så lenge eg kan hugse. Servicet me brukar til dagleg kjøpte eg for eksempel i forrige århundre (1. klasse på gymnaset) (blått kvitt engelsk Royal Mail service frå Myott).

Eg ynskjer å ha min eigen stil. Eg ynskjer å vere tidleg ute med nytt. Og eg vil helst ha ting som ikkje alle andre har. Altså basismøblane som Ektorpen, Billy'ane, Norden spisebordet osv er sjølvsagt ikkje til å unngå at er likt, men tinga som skapar den personlege stilen er heilt greit at varierer litt frå hus til hus og frå blogg til blogg. Putene, lampane og fargane bør helst bære mitt eige preg. Hurra for Elna :) Keep Calm and Carry on plakaten er forresten tatt ned frå veggen. På veggene har eg lyst til å ha kunst. Men ventar til lottomillionane skal rulle inn på kontoen :)

Vel, tilbake til gamle leiker. Desse gamle Little People bilane og figurane var bror min sine. Dei tilhøyrte eit tre etasjers parkeringshus. Parkeringshuset arva eit av søskenbarna våre, men dei fire bilane og figurane har me enno. Synd eg ikkje fann den finaste av figurane før eg skulle ta bilder. Det er ei blåkledd jente med brunt hår...

På Flickr er det grupper/pools for det meste, og også ein pool for vintage Fisher Price leiker. Der er det mange av desse Little People avbilda i alle slags utgåver. Eg tykkjer at dette bildet var ultrabra:
Foto: Flickr

Slik jente er det me har, men altså med blå kropp og brunt hår:

Foto: Flickr

Tirsdagen er godt i gong allereie. Dagen vart ikkje heilt som planlagt, sidan Alma vakna med feber. I staden har me lese barnebøker, sunge sangar, sett på Postman Pat og kost oss heile dagen. Akkurat nå søv både ho og mikroen på sofaen, og eg må få svong på huset før karane kjem heim. Ynskjer alle som er innom ein fin ettermiddag/kveld :)

I'll be back tomorrow ;)