Nytt frå sagbruket

Min kjære har på ny svinga sagbladet i verkstedsboden sin, og dette innlegget er pepra med krabatar som skal inn i Epla-butikken.

Var ikkje desse uglene tøffe? Eg har ikkje hengt dei opp her i huset, men plasserte den eine attmed nokre bilder i stova, berre for å illustrere korleis dei passar inn.

Eit par sett med nye elefantar er ferdige.

Og eit par sett med soppar. Til dåko som har etterlyst fleire varer via kommentarar og mail; meir sydde ting finn vegen inn i butikken så snart eg får hovudet over vatnet  og tid til å sy. Har jo så mange flotte stoff i hus nå, så det er for gale at tida ikkje strekker heilt til.

Akk for ein herleg dag som straks er over. Raude kinn og eit par oppfriska fregner er resultatet etter ein solfull dag utandørs. Håpar du også hadde ein fin Kristi Himmelfartsdag.

Klem frå Linda

Det går i sakte modus

Du og du kor treig eg er for tida.
Treig med å oppdatere bloggen.
Treig med symaskina.
Treig med å komme i sving med maling av spegelen som skal henge på spikeren over sofaen.
Men heldigvis ikkje treig i oppfattelsen...
..håpar eg ;)

Som eg har nevnt før så er eg i ferd med å sy nye putetrekk i blå, grønne og brune fargetonar til sofakroken. To puter er ferdige. Og denne siste som ligg i Eamsen på bildene, er laga av det dødsfine  vognteppet eg kjøpte hjå Dill Dall Nina. Vogntepper har alle småfeane vakse frå nå. Ikkje vert det fleire nye småfear heller ;) Eg har derfor sydd teppet om til ei pute. Bakstykket vart sydd av eit brunblomstrete stoff frå Stoff og Stil. Elskar det.

Sidan Epla-butikken min er tom. Sidan eg ikkje har ledig kapasitet til å sy ein einaste saum om dagen. Og sidan Nina er ei toppers herlig dame (har iallefall fått det inntrykket via bloggen hennar og dei skjønne kommentarane hennar), så vil eg vie eit par avsnitt på å reklamere litt for butikkane hennar. Har de sett desse fantastiske kjolane/tunikaene ho syr? Hadde det ikkje vore for at mi vesle prinsesse er meget bestemt angåande kva ho er iført om dagen, så hadde eg kjøpt den på bildet over sporenstreks.

Eg anbefalar ALLE til å stikke innom Budeieblogshop'en eller Eplabutikken til Nina. Ho har fleire vogntepper også, i tillegg til vesker, tepper, puter etc etc. Nina har saumutdanning, og mi erfaring er at ikkje ein saum er skeiv i produkta hennar.

Eg elskar den nye puta mi

Minifeen min søv ein liten blund, middagen er straks klar, og snart er heile gjengen heime igjen. Eg har funne fram masse fine stoff, og håpar på eit par saumar til å løpet av dagen :)

Ha ein fortsatt fin tirsdag, klem frå Linda

Litt av kvart

Herlege Margot er ei nettvenninne av meg. Me har frekventert diverse fora saman i mange år, og ho er ei sprudlande flott hjertevarm dame. For nokre år sidan fekk ho brystkreft. Me var mange som haldt pusten og ba til høgare makter, og Margot vart heldigvis frisk igjen. Bank i bordet.

For andre gong arrangerer ho nå Kjærlighet i hver maske - luer til kreftavdelingen ved SUS. Det er ei innsamlingsaksjon for huer som donerast til kreftavdelinga ved sjukehuset her i Stavanger. Meir info finn du på Facebook og i bloggen. Huene de ser på bildene her skal gå til aksjonen. Det er lenge sidan eg hekla dei, men har aldri kome så langt å legge dei ut for salg. Nå går dei til eit kjempebra tiltak i staden. Så godt å kunna vere med å hjelpe dei som har det veldig vondt. Er du fingernem og har tid så er eg sikker på at det du lagar også er hjartelege velkomne bidrag til innsamlinga :)

I dag vart eg heilt overgidd når Herr Fe kom inn med posten. Ein pakke til meg frå Gyldendal Forlag? Hæ. Tankane for raskt gjennom hovudet "eg har då ikkje bestilt noko". Straks eg såg boka vart eg knallglad. Det er skjønne May B. Langhelle som hadde sendt den siste boka si til meg, berre fordi ho likar bloggen min :) SikkSakk er forøvrig eit knallfint navn på ei sybok :)

Boka kikka eg på hin dagen, og ein utolmodig liten Simon gjorde at eg ikkje allereie hadde kjøpt den. Boka er nydeleg, og smekkfull av mønster eg har lyst å teste ut. Og først ut er denne fantastiske buksedressen her. Berre eg finn ut korleis eg syr med elastisk undertråd (må lese litt meir i boka), så skal eg gå i gong.

Herleg bidragsytarar har også gjort sitt til at boka er fantastisk. Mi kjære bloggveninne Smileull har bidratt med fikleklutar. Babyar elskar merkelappar, og eg er sikker på at slike er ein slager for ein kvar liten småtass.

Boka er basert på gjenbruk og at barneklærne kan syast av avlagde voksenklær. Bileta er nydelege.

Putevarkjolen har også fått plass i boka, og det er ikkje fritt for at eg får lyst til å sy enno ein.

Luddeklær har bidratt med mønster på det berømte forkledet sitt. Alt i alt ei knallkjekk bok som eg anbefalar alle syglade å kjøpe seg :)

Herlege Hege har rydda loftet sitt og sendt meg skattane ho fann. Tusen takk Hege, eg gledar meg til å ta det i bruk.

Ein flott laurdag er straks over. Ha ein fin laurdagskveld, så bloggast me sikkert i morgon.

Linda :)

Vårreingjering på min måte ;)

Vårreingjering. Vårreingjering liksom. Er det nokon som gjer slikt nå for tida? At ein vaskar tak og vegger og inni skap og skuffer. Heile huset. Skikkeleg grundig vårreingjering. Er det nokon som gjer slikt kvar vår?

Ikkje eg iallefall. Riktignok rydder eg og sorterer og kaster. Leverer til gjenvinning og gjenbruk. Men dette er ting eg gjer jevnt og trutt - ikkje fordi det er vår. Vaskar gjer eg titt og ofte. Eg innrømmer glatt at det er svært sjeldan at tak og vegger vert vaska, men dørblad, dørkarmar og vinduskarmar vert relativt ofte reingjort.

Nei, nedvask er ikkje noko for meg, sjølv om det måtte ha vore himmelsk fantastisk å vite at alt er reint frå den innerste krok og utover.

Då svingar eg heller malepenselen, og alt vert strålandes kvitt igjen. I dag har eg mala  kjøkkentaket og er halvferdig med kjøkkeninnredninga. Eg trur nemleg at det vert himmelsk å vite at alt er nymalt frå innerst til ytterst ;) Skikkeleg moderne ;)

God natt, og god helg :)

Eit lite fargeskifte...igjen.

Dei siste månadane har putene i sofaene vore i rosa, grønne og gule tonar. Spegelen på veggen har hatt ramme i signalgul maling. Nå er spegelen fjerna og står i malingskø. Eg har også byrja på jobben med å sy nye putetrekk. Meir blått og grønt igjen nå :)

Øvst i handarbeidskorga (korga er forresten kjøpt på Plantasjen ein gong i tida) ligg mitt evige handarbeidsprosjekt. Det stakkars hexagonlappeteppet som eg ikkje har tatt i på månedsvis. Ja, det er kanskje åresvis sidan eg sist hekla ei maske på det. Håpet er jo at eg ved å plassere det øverst i bunken, skal få kjempelyst til å hekle. He he, det gjenstår vel å sjå. Men det er verdt forsøket iallefall :)

Stoffet til trekket på denne puta var eg så superheldig å få av ei herleg leserinne av bloggen. Eg er evig takknemlig, for finare stoff har eg knapt sett. Den observante lesar vil sjå at eg hadde det travelt og ikkje tok meg tid til å stryke det ferdige trekket. Men pytt pytt er det så nøye då. Det blir jo kurva og rukkete så snart Familien Fe slenger seg i sofaen uansett.

Ha ein flott torsdag i morgon. Eg håpar på tid til å sy innimellom alt det andre.

Tudelu så lenge :)

Kall ein spade for ein spade

Ja, så er eg i ferd med å gjere noko eg aldri hadde trudd at eg skulle gjere. Å blogge ein hagespade. Eg tar blogginga til nye høgder, det er sikkert og visst ;)

Neida, men eg klarar ikkje anna enn å vise fram dette nye vidunderreiskapet mitt. Det har seg nemleg slik at eg i eit forsøk på å fjerne ein gammal ripsbuks i bakhagen, klarte å knekke den gode gamle spaden med typisk rødt uttrykk.

Den medbrakte handlelista på søndagens Plantasjetur hadde derfor ny hagespade på førstepri. På ein heller heseblesande handletur der eg og dei tre små feane inntok Plantasjen samtidig som halve Rogalands befolkning.

Det er ikkje ein einaste butikk ungane mine ikkje vil ha noko i. Plantasjen er intet unntak. Her masar ungane høglydt, for dei vil ha jordbærplanter, blåbærplanter, gulrotfrø, hagehanskar for barn, gjødsel, vannkanner og fine blomster. At me har det meste frå før er ingen god grunn, me treng jo enno meir. Etter mykje om og men, og med mange ting me ikkje hadde på handlelista i korga, kom me oss omsider til spadeavdelinga. Eg fann meg ein skikkeleg god raud spade, og tenkte "herlighet kor dyr den var". 

I det me skulle bevege oss ut av reiskapsavdelinga og entre den milevis lange køen oppdaga eg nokre nydelege reiskaper i blankt metall med trehandtak. Reiskapene formeleg ropte på meg. "Sjå på meg, Den Gode Feen". "Kjøp meg då vel, du frøken Fe". Hmmm, prisen var den samme. Det er då estetikken overvinn fornufta. Den raude trauste spaden vart plassert tilbake på plass umiddelbart. Og denne nydelege spaden vart med i handlekorga.

Spaden er jo så fin at eg ikkje vågar fullføre ripsfjerningsprosjektet mitt.  Det spørs om ikkje eg må innom Europris og sjekke om dei selg ein raud traust spade for ein billig penge i morgon. Denne vidunderspaden er nemleg så fin at eg knapt vågar bruke den ;)

Ha ein flott mandagskveld, klem frå Linda

Nytt i tre

Flinke Herr Fe har putla litt i snekkerboda i det siste, og resultatet ser de her. To sett med veggelefantar er ferdige, og fleire soppsett. Eg syns dei vart knallfine :)

Flesteparten har havna inni Epla-sjappo mi. I den forbindelse reduserte eg prisane på alle dei andre produkta i butikken. Eit aldri så lite vårsalg :)

Sånn ellers har me som tusenvis av andre nordmenn svidd av penger på Plantasjen i dag. Eg kjøpte masse fint og litt nyttige ting. Eg knakk for eksempel spaden vår under ei hageøkt i går, og la all fornuft til sides då det skulle investerast i ny spade i dag. Hi hi, de får sjå vidunderspaden i morgon. Trur eg.

Eg beklagar at det masse svada i bloggen for tida. Men det er travle tider, og lita tid til interiørblogging innandørs. De får bære over med meg, så kjem eg sterkare tilbake med interiørbilder om ikkje lenge :)


Ha ei toppers veke!

Fargerikt

Rommet til Alma byrjar etterkvart bli skikkeleg fargerikt. Her er det gult, lilla, grønt, oransje, rosa og rødt i eit einaste sammensurium. Det lilla dynetrekket frå Vesla og Broremann elskar heldigvis både meg og ho. På dagtid ligg dyna i øvre køy, men på nattestid er det nedre køy som blir brukt.

Eg har sydd gardiner til køysenga av eit stoff frå Stoff og Stil. Det er lenge sidan eg sydde dette, men har ikkje vist bilder før nå. Skulle liksom vente til eg hadde sydd gardin på kortsidene også. Men sidan dette drøyar å få gjort, knipsa eg like godt bilder i dag.

Det gule stoffet på overmadrassa kjøpte eg hjå ei koseleg dame hin dagen. Den tidlegare nevnte annonsa mi  i Lokalavisen har stått på trykk i minst fem utgåver, og innimellom ringer det damer som vil gi bort eller selgje ting dei har i skuffer og skap. Knallkjekt :)



Ikkje sant det er herleg med helg? Eg diggar det. Me har gått lang tur, ja rett og slett milesvis, for å mate nokre nyfødde lam i dag. Sola skein, men nordavinden var ISKALD. I kveld har eg derfor lege under dyna på sofaen for å få varmen i meg igjen. Herleg og avslappandes :) Håpar du også har ei fin helg!

Ynskjer deg ein flott søndag :)

PS! Kryssar fingrane for at minstemann søv litt lengre enn til kl 0515 i morgon ;)

Kan eg få smake?

Nam nam, dadda sin is ser veeeeeldig god ut. Eg prøver å kjefte litt, så kanskje ho skjønnar at eg vil smaka.
Da da da dadd.
Da da da dadd seier eg enno høgare medan eg nistirrar på isen.
Dadda byrjar å le. Mon tru om ho tok hintet?

Å, ja jippi, eg får smake.

Like greit å verkeleg ta eit stort jafs når eg først får sjansen ;)

Den vesle matapen vår elskar is. Han er generelt veldig matglad, og skal smake på alt. Her er det ikkje ein ting innan rekkevidde som ikkje vert smatta på. Ja, til og med veggene og oppvaskmaskinen går han laus på innimellom ;) Godguten vår :)

Den knallfine gensaren han har på seg kjøpte eg på Vesla og Broremann. Det er ikkje like lett å finne fine gutteklær, men Cupcake sine er iallefall råfine :)

Ha ein flott kveld og ei god natt :)

Jeg kan synge i dur og moll

Hugsar de bjørnen Colargol som gjekk på barneTV på 70-tallet? Eg har berre vage minner om han, men minnene har på ein måte etsa seg inn, og eg syns rett og slett at Colargol er ein av verdas skjønnaste små bamsar :)

Innimellom søker eg på mine store barndomsheltar på QXL. Barndomsheltar som Jon Blund, Teodor og sjølvsagt Colargol. For nokre veker sidan hadde eg flaks, og sikra meg denne boka for ein 20-kroning. Colargol frå Eventyrskogen, som reiser til kongen for å spørre etter fin sangstemme.

Bror min hadde verdas skjønnaste Colargol-tapet på barnerommet sitt  då me var små, og eg skulle ha gitt mykje for ei aldri så lita tidsmaskinreise tilbake til det rommet.

Det er mange andre som også diggar Colargol der ute, og takka vera desse finst det mange klipp på Youtube. Her kan du høyre sangen, og her kan du sjå litt av ein episode.

Kos deg med mimring du også,
klem frå Linda

Lucky me

Beklagar at det er litt tid mellom kvart innlegg om dagen, men tida strekk ikkje til rett og slett.

Til gjengjeld har eg masse å vise bilder av når eg først har ånda over meg. Over her ser de lekkerbiskane eg har bytta til meg frå Siris Design. Trykk på linken og stikk innom hennar blogg. Ho syr heilt FANTASTISKE kreasjonar og eg rådiggar det heile. Stoffa eg bytta til meg er knallfine, og eg gledar meg til å lage noko av dette. Siri: pakken din er ikkje sendt enno, men den er på veg veldig veldig snart :)

Me var jo heime på Halsnøy i helga, og der har fleire og fleire fått høyre om min fascinasjon for retro sengklede. Lørdag ettermiddag tok eg turen ut til ho Helga, og sjekk lekkerbiskane ho hadde til meg. Det øverste dynetrekket er meir lyseblå enn det virker på bildene, og eg fekk omtrent hjerteinfarkt då eg såg det. Eg fekk to dynetrekk av dette stoffet, og det eine har fått fast plass på stovedyna eg omtalt tidlegare.

 I'm so lucky :) Ei supersnill venninne hadde fått tak i denne postsekken til meg:

Og like før helga fekk eg pakke frå supersnille Siv frå bloggen Snerte sneller og små nøster. Ho hadde hamstra med seg fantastiske dynetrekk frå hytta. Åh, eg blir så glad så glad. Tusen takk - det var heilt perfekt.

Med så masse fint i hus blir det nesten frustrerandes at eg ikkje har tid til å sy om dagen. Me jobbar med hagen i ledige stunder, og ellers går det i det vanlege. Kos, rydding, husarbeide, lekser, trening her & der og leik.

Håpar at alle som er innom har det bra :)
Ha ein fin tirsdagskveld.
Go'klem frå Linda