Vårteikn

Hei hei :)
Vedder på at det er fleire enn meg som er klare for vår og fregner på nasetippen nett nå.
Eg drøymer om koselege prosjekt inne og ute. Ein slik Lemonade-stand som avbilda over vil bli ein suksess hjå liten og stor hjå oss, det er eg sikker på. Eg har faktisk lova å lage ei salgsbod til eldstemann i lang tid, og ved å oppdage denne herlegdomen her gjorde eg saken lett for meg sjølv. Korleis både du og eg kan lage ein slik, fann eg nemleg her: Lil' Luna.

Fin torsdag til deg!

Tirsdagsro...tirsdagsstress

Det er lett å verte stressa.
Ettermiddagane er hektiske på ein heilt anna måte enn arbeidsdagen.
Med fritidsaktivitetar vert det ofte skyssing hit og dit og timane fyk.
Då gjeld det, som alltid elles, å fokusere på det positive.
Noko av det som gledar meg, forutan å ha nokon å skysse på, er friske yndige blomstrar og kjekt lesestoff. Gledar meg til å kjenne roen senke seg, når alle er i hus for kvelden.

 Eg planlegg å komme med innlegg om det fantastiske bloggtreffet me var på forrige veke også. Litt fotografering av gåver gjenstår og forseinkar innlegget. Men nå er de iallefall advart: det kjem :)

Ei av jentene som gjorde sterkt inntrykk på meg var Hildemor. For ei knallstilig og skjønn dame. På bildet under er eg på surferunde innom bloggen hennar. Ta deg ein tur innom du også.

Sjalet som heng over stolen er frå Rosenvinge, og det låg oppi eine goodiebag'en. Knallfint - nå MÅ eg få til å bruke sjal/skjerf eg også :)

Off, nå må eg stikka. Nytt køyreoppdrag, og ungane står klare på trappa og ventar.
Fin tirsdagskveld til deg :)
Klem

Sjølvaste Tine K kjem!!

Ja, torsdag kveld brakar det laus på Ostehuset Øst her i Stavanger.
Sjølvaste Tine K kjem. Faktisk så kjem både Tine og Anita frå Tine K, som eg møtte på Interiørmessa i Bergen. Eg skamgledar meg til å møte dei igjen, og ikkje minst til å kjøpe nokre ting frå den nye Tine K Home kolleksjonen. Eller kanskje eg satsar på fleire delar til stripe-servicet mitt (kjøpt hjå Ølen Møbel):

Her er info tjuvlånt frå Facebooken til Ostehuset:

Kom til Ostehuset for en koselig aften i selskap med
personalet samt Tine og Anita fra Tine K Home:
Torsdag den 22. mars kl. 19.30
Vi starter med noe godt i glasset.
Kl. 20:00 Velkommen av Hanne
og foredrag av Tine K
Kl. 20:30 Mingling og servering av enkle tapasretter
Salg av nye produkter fra Tine K Home
Kl. 22:00 Slutt
Deltagelse koster kr. 200,- som inkluderer litt snack,
velkomstdrink og goodiebag. Det er begrenset med
plasser. Så det er først til mølla prinsippet.
Forhåndspåmelding innen 19. mars til:
tove@ostehuset.no
Til de som ønsker at få litt konsulenthjelp vil Tine og Anita
være behjelpelig den kvelden. Så ta gjerne med et bilde
på mobilen din.
Vi gleder oss til å se deg
og snakke mat og interiør
www.ostehuset.no

Siste frist for påmelding er altså nå i kveld. Det er derfor eg slår til med to innlegg på svært kort tid. For du vert vel med, du som bur så nær at det er praktisk gjennomførbart? Eg har aldri vore på Ostehuset, men ser for meg at dette ikkje vert den siste.


Her er eit lite mimrebilete frå forrige gong:
skjønne Tine og finaste, den gong høggravide, Bodil i koseleg samtale i Bergen:

Håpar me sjåast på Ostehuset då :)
God natt klem frå Linda

Hugs å vatne meg

Det gjekk som det måtte gå. Eg har tatt knekken på begge Corokiane mine....buhu.
Ei ny lita plante vart med i posen heim frå blomsterbutikken på laurdag.
Dei to gamle står framleis framme, det er jo ganske vanskeleg å sjå om dei er levande i det heile, desse styggfine plantene. Trøsta meg med at blomsterbutikkdama kunne fortelje at ho hadde to uttørka slike heime ho også ;)

Eldstemann ville hjelpe meg å trykke ut ein hugselapp til meg sjølv. Ein dymo-hugselapp på Bjellands-fiskebolle-boksen planta er plassert i. Det vart ikkje nynorsk då, nei, he he, men det er sjølvsagt heilt ok :) Bodskapen er uansett tydeleg.

Eg skal prøve hugse å vatne deg, vesle Corokia. Måtte du leve lenge her hjå oss :)

Finaste mandagskvelden til deg som er innom!!

Lygeblogging

Lygeblogging.
Work in progress.
Kall det kva du vil.
Hadde plan om å avslutte dagens RYDDIG-innlegg med dette bildet frå hin enden av stova.... Gløymte det imidlertid, så nå vert det i stadan to innlegg på same dag.
Her ved spisebordet føregår den evindelege tørke klede, legge saman klede, og ikkje minst: legge på plass klede i respektive skap -jobben. Søndagens kjekkaste syssel?
Absolutt ikkje. Urk.


Nå tar eg kvelden frå husarbeidet. Ha ein fin søndagskveld, anten du har det ryddig, strøkent eller bomba ;)

R Y D D I G ♥

 R Y D D I G      =          1. (adjective) ryddig [ˈɾydɪ]
                                                              tilstand el. egenskap preget av orden



Linda ♥ Ryddig 
 

Dei siste vekene har bloggelysta rundt det interiørmessige glimra med sitt fråvere.
Årsaken har dels vore travle og hektiske dagar, med lita tid til å ta eit skippertak.
Og dels leiker all over the place (Playmo er knallkjekt for småfeane, men kanskje ikkje fullt så kjekt reint estetisk).
Her måtte noko gjerast, planen har vore der lenge, og i går fekk eg satt den ut i live etter ein liten handletur. Nå er leikene godt skjult i desse knallfine Tine K - korgene med tepper og puter på toppen. Lett for ungane å finne leikene igjen, og lett å halde orden etterpå.

Det stripete vatt-teppet er forresten eit House Doctor sengeteppe kjøpt på salg hjå Nordhjem for mange år sidan (6-7 år sidan kanskje?).

Kirsebærgreiner som snart slår ut i full blomst = V Å R L U K K E.

Sol frå nær skyfri himmel, og med sjelefred grunna reint og ryddig hus, er eg klar for å gripe dagen. 

Ha ein fin søndag der du er!

May the force be with you

Star Wars - feberen herjar som aldri før her i huset.
12. februar var det Norgespremiere på den nye Star Wars-filmen.
Kven trur du sat klar i salen med 3D-briller på?
Joda, det var feen sjølv det.
3D-briller utanpå Moods of Norway-brillene vel å merke.
Såg sikkert passe lur ut, men det er jo heldigvis mørkt i kinosalen....
Filmen var knallbra, og eg var minst like engasjert som ~10-åringane eg hadde med meg.
Anbefalast :)

Dei to yngste lar seg inspirere av storebror og kastar seg ut i stjernekrigen. Sta våsj-strømpebukseligaen min med klonemasker på ;)

Star Wars -feberen vart ikkje akkurat mindre etter at desse Hasbro-figurane frå Toys 'r Us kom i hus. Legg merke til veslesøster med klonemaska på panna i bakgrunnen:

May the force be with you, og ha ei super helg!!

Treff

Sommarfuglane flaksar i magen. I morgon skal eg nemleg på mitt første bloggtreff her i Rogaland. Fabelaktig bloggtreff.

Gledar meg masse til å møte dei fine jentene. Dagdrømmeren åpner huset sitt for oss, og eg har tru på at dette vert ein superkjekk kveld. Her kan du lese litt meir, og sjå kven andre som kjem :)

Sponsa er me også blitt, av ingen ringare enn desse snillingane her:

Ok, nå går rullegardina straks ned, og det gjenstår berre å ynskje deg ei god natt :)

Stooooore bilder

Fine Dagdrømmeren har oppskrift på bloggen sin: korleis få store bilder i blogspot-bloggen (større enn Ekstra stor). Eg måtte sjølvsagt teste det ut. Jo større, jo betre, ikkje sant?

På torsdagen skal eg forresten på mitt første bloggtreff hos nettopp Dagdrømmeren. Fabelaktig bloggtreff. Gledar meg veldig til å treffe andre bloggejenter. Har berre møtt eit fåtall frå før, så dette blir spennande gitt.  Det kjem eit eige innlegg om treffet i morgon. Nå må eg nemleg prøve rydde ein sti i slagmarken :)

Ha det godt så lenge :)

Hjarte her og hjarte der

Vesle frøken snuppilupp elskar lage ting.  Det har for så vidt eg sjølv også alltid gjort, men eg kan ikkje hugse å ha vore såååå engasjert i barndommen som det ho er. Kvar einaste dag set ho og tutlar med teikning, klipping og liming og lagar den eine skjønne tingen etter den andre.

Innimellom stikk det djupt i hjarta på meg. Eit vondt stikk av dårleg samvittighet. Tenk alt det kjekke eg kunne ha laga med henne hadde eg berre hatt litt meir tid. Jenta er imidlertid (og ikkje minst heldigvis) veldig sjølvstendig, og kan rett og slett bli irritabel om eg blandar meg inn. Den dårlege samvittigheiten bles difor bort som dogg for sola, og eg kjenner ei god kjensle av visse. Visse om at eg gjer rett. Eg har nemleg funne ut at  det som passar best for oss, er at eg legg til rette for at ho skal få utfolde seg. Eg handlar inn på hobbyutstyr og leitar fram gode idèar. Ho set idèane ut i verda. Eg seier ikkje det at eg aldri skal lage ting saman med henne, men eg har ikkje tid å sitje meg ned kvar ettermiddag slik ho gjer ;)

Denne idèen fann eg via Pinterest hin dagen. Ein dorull, ein tapebit, maling, papir og to små flittige hender. Hjarter stempla på arket på ein, to og tre. Ikkje mykje som skal til, og ei kjekk kreativ stund vart det. Dette var testproduktet, neste gong stemplar me (les:ho) vårt eige gåvepapir.

 Finaste veka til deg!! Klem frå Linda

Vesle spire

 Sov, du vesle spire ung,

ennå er det vinter,

ennå sover bjørk og lyng,

roser, hyasinter.

Ennå er det langt til vår,

langt til rogn i blomstring står.

Sov, du vesle spire,

ennå er det vinter.

Himlens sol ser ned på deg,

solskinnskyss den sender.

Snart blir grønt langs sto og vei,

småblomst varmen kjenner.

Enn en liten solskinnsbønn:
Vesle spire, bli snart grønn.

Himlens sol ser ned på deg,

solskinnskyss den sender.

 Zacharias Topelius

Ha ein flott torsdagsettermiddag og kveld.

Tradisjon tru

Våren er i anmarsj.

Her er beviset.

Kvart år sidan eg starta blogge, har eg vist fram bilete av årets første bukett med ranunklar.

Så også i år.

Tradisjon tru, vettu.

Sjølve buketten vart visst ikkje fotografert, berre dei to finingane som pyntar opp Fiduciaen.

H E R L E G.

Emilgensaren

Hugsar de eg fortalde om at eg var så inspirert av strikkagensaren til Emil at eg gjekk sporenstreks til garnbutikken etter spettete garn? Emil sin gensar er egentleg ein raglangenser, men det tok ikkje eg sjansen på. Eg strikka nemleg utan mønster (fulgte berre denne oppskrifta når det gjaldt opplegg av antall masker), og for å få eit raglanmønster til å stemme ser eg for meg er vanskelegare enn denne enkle gensaren her.

Siste maska vart felt av på søndag. Både mottakaren og mammo vart nøgde med resultatet, og det er jo alltid kjekt. Neste prosjekt nå trur eg må bli å lappe holet han har fått i buksebeinet ;)

Tusen takk for alle kjekke kommentarar dei siste dagane - de er jo berre toppers heile gjengen.

Satsar på at alle husets medlemmer er friske og raske igjen til å komme seg avgårde på skule, jobb og barnehage i morgon, og bør vel derfor komme med i seng. Tudelu så lenge :)

Blad♥nytt

Dei to minste skrantar i formen. Mammo er derfor heime med dei i dag. Fyr i omnen, saftis i magen, Nrk Super, masse kosing og masse sutring i eit herleg sammensurium.... Eg planlegg teppe på gulvet, og all Playmo'en oppå det. Playmo'en har ikkje vore i bruk sidan i sommar fordi det er ute-om-sommaren-leiker her i huset. I dag lagar me imidlertid sommar i stova, trur eg.

Men ikkje heilt enno. Først har mammo seg eit lite pusterom med dataen og bloggen, for nå underheld nemleg favoritten Cosinus dei to små.

Det nye bladet KK Living havna i handlekorga på laurdag, og eg må eg sei det var eit positivt tilskott i bladhyllene. Eg er litt daff på interiørfronten for tida. Etter å ha lese bladet kjenner eg imidlertid at det kriblar litt i interiørinteressa igjen. Herleg. Her er nokre av mine favorittar frå bladet:

Tusen takk for alle dei kjekke kommentarane på sjalinnlegget forresten.
Spesielt takk til flinke Beate som er stylist. Nå har eg kjempelyst på eit bredt og mjukt sjal - kanskje det er redninga for sjaltrøbbelet eg er i ;)

Finfin mandag til deg.

Er du eit sjalmenneske?

Ja, er du eit sjalmenneske?
Eg er definitivt ikkje det.
Det er sjeldan eg føler meg meir kjerring enn når eg brukar sjal og skjerf.
Eg veit ikkje kva det er, men det er enkelte ting eg ikkje klarar gå med.
Det eine er sko med høge hælar som lagar klikkelyd.
Då føler eg meg som "Ein elefant kom marsjerande", eller rettare sagt: "Ein elefant kom marsjerande, og alle andre kan høyre det"
Det andre er sjal som pynt til eit antrekk.
Det er råfint på andre, men på meg er det malplassert.
Eg får det ikkje til.
Eg ser på andre jenter som ser kjempefine ut med skjerf og sjal.
Dei ser jo ikkje ut som kjerringar i det heile.
Kanskje eg har for kort hals?
Sjal og skjerf som vern mot kulda går imidlertid greit.
Og nå som eg har lært meg andre knutar enn Mette-Marit-knuten er det jo rett og slett litt kjekt å eksperimentere litt med knytinga.
Kanskje eg rett og slett endar opp som eit sjalmenneske, he he.
N O P E.
Dette sjalet frå Badaboom er mjukt og godt, glansfullt og fint.
Det er ikkje sjala det er noko gale med.
Det er meg :)

Vil du også lære deg nye måtar å knyte sjal på? Kikk då på denne herlege videoen her.

Fin søndagskveld til deg, anten du er sjalmenneske eller ei.