227

227 kommentarar kom inn på Sylvanian Familys - give away'en, og eg har omsider hatt trekning og funne fram til ein heldig vinnar av denne knallskjønne familien her:

Eg elskar Sylvanian, og skjønar godt at de ville være med i trekninga. Dessverre har eg berre ei eske å donere vekk, men me andre kan jo gå inn på Sylvanian si fine heimeside og sikle etter ting å ynskje seg til små og store lykketroll. Der finn du også fanklubben som me er medlemmer i (får kjekke nyhetsbrev og kan delta i konkurransar).

Ok, over til den heldige vinnaren: 

Vinnaren vart kommentar nummer 61, som er Byfrua. Gratulerer så masse til deg, nå vert tantejentene dine glade :) Send meg adressa di i posten, så sender eg familien av gårde til deg!!

Nå er det Valen-TV  i reprise her. Løye :)
Ha ei god natt.

L O V E

Finfin tirsdagskveld ynskjast deg med eit knippe bilete frå spisebordet her i ettermiddag. 

See you :)

Rosa + Gul = Fint

Eg er ferdig med ein ny vest og ny hue til Alma.  Begge deler er strikka i lyserosa garn, og har fått korngule detaljar. Dei gule detaljane er lette å rekke opp for så å lage dei i ein anna farge om ein skulle bli lei. 

Rosa + Gult = Fint. 

Men kanskje ikkje  F O R E V E R.

Å hoppe i senga er noko eg aldri fekk lov til som liten.
Småfeane får derfor lov så ofte dei vil ;)

Info sånn avslutningsvis:
Bileta på veggen: Trykk her.
Oppskrift på vest: Trykk her.
Oppskrift på hue: Trykk her.

Nyt siste rest av påsken :)

60-talls

Diggar alle dei nye funksjonane som fylgjer med oppgradering av Picasa (versjon 3.9.0).
I kveld har eg leika meg med å gjere nokre bilder frå ferjekøen (1.påskedag 2012) om til 60-tallsaktige bilete med avrunda kantar.
Me like :)

Station board no more

Det gjekk med Station Boardet som med mykje anna.
Eg vart lei av det.
Snakk om putlete prosjekt å halde på med, men så har det vore eit kult blikkfang i stova også.
Nå er tida imidlertid inne.
Bokstavane er sparkla over, og eg vil finne på noko nytt.

I morgon trekker eg ein vinnar av Sylvanian-familien. Sleng deg med om du har lyst, og ikkje har gjort det enno.

Ungane og eg er heime i Stavanger igjen, etter å ha tilbrakt koselege dagar på Halsnøy.
Nå er det utpakking, ordnings og ryddings som står på tapetet.

Ha ein flott kveld!

Den store påskeeggjakta 2012

Tradisjon tru er den store påskeeggjakta gjennomført.
Påskeharen har gøymt fullt av egg i skogen på førehand. Plutseleg kjem tre småfear med tomme korger. Bak eit tre, gjerne skjult under lauv og greiner, finn dei små og store egg. Dei er ikkje stillferdige dei tre småfeane. Dei hyler av glede, og ropar på kvarandre. Her er eit til deg. Her er eit til meg.

Mamma Fe og Pappa Fe kikkar på frå litt avstand. Smilande. Å sjå ungane hyle og rope av glede er nemleg det kjekkaste dei veit.

Småfeane finn mange egg.
Åtte til kvar.
Pittelitt godt i kvart egg.
Eller ein liten påskekylling.
Utruleg kjekk tradisjon.

Nå skal me straks ut igjen i sola.
Hagearbeide står for tur.
Kanskje vert det bålbrenning?

Her er forresten innlegg som viser andre års eggjakter:
Påskeeggjakta 2011.
Påskeeggjakta 2010.
Påskeeggjakt 2009.

Ha ei fortsatt fin påskefeiring.

Påsketur til breen

Årets lengste dag er overstått.
I dag tok me turen til Bondhusbreen (ein arm av Folgefonna) saman med småfeane si spreke bestemor.
Ein flott tur i nydeleg landskap (me er på påskeferie i Kvinnherad nå).
Eg var så heldig å få låne bæremeis til Simon, som kunne avlaste litt når han var sliten i beina. Fantastisk. Alma fekk sitte på bestemors rygg eit lite stykke, og det var stor stas kan de tru.
Vel framme var det rastepause med appelsiner, Kvikk lunsj og saft.

Bur du i nærleiken, og har du som meg ikkje vore i Bondhusdalen, anbefalar eg turen på det varmaste. Både for liten og for stor. 
Håpar de også har hatt ein fin langfredag :)

Såpe av bambus

Veslemor er plaga med eksem på hendene.
Det er særleg ille på vinterstid.
Hendene hennar vert tørre og såre, og det gjer vondt i mammahjarta å sjå på.
Då eg fekk tilbud om å teste ut bambussåpene til Badaboom vart eg lukkeleg. Kanskje bruk av denne såpa gjer hendene henne "friske" igjen.

Eg har kopiert omtaleteksten frå Badaboom sine sider:
Såpa er handlaga av forkulla bambuspudder med honning. Kun naturlege ingrediensar. Rensar huda, regulerar fuktigheit og olje, samt gjer huda mjuk. Den er antibaktirell og eksemhemmande, og er god til å fjerne sminke med.  Me har fått gode tilbakemeldingar frå kundar som har hatt god effekt av såpa på sår som ikkje gror, på eksem og tørr hud. Kan nyttast til heile kroppen. 100% økologisk nedbrytbar. Kult design og passar på alle baderom.

Testing er i gong.
Kryssar fingrane for at dette er "kuren" som skal til.
Eg trur jammen eg skal bruke såpa til sminkefjerning også.

Nok ein dag der Stavanger er bada i sol er i full gong.
D E I L I G!!

Ha ein flott onsdag kor du enn er :)

Kvardagslukke er...

...nyvaska kjøkken

...ein deilig kopp te. After Dinner Pukka-te frå M. Willumsen og Mano-kopp frå beste Glansdagen.

...godlukt i huset frå Den franske landstil (fine duftelyset låg oppi Goodiebag'en frå bloggetreffet).

...å ete middag på dei finaste tallerkenar. Eg har vore på jakt etter tallerkenar som er litt finslige og rustikke på samme tid. Då eg kom over desse frå Bloomingville var eg ikkje sein om å slå til :)

Dagens antrekk bestod av malarklede. Eg har nemleg malt leveggen mellom vår og naboens terasse. Sola varma i ryggen og været har vore fantastisk fint. Herleg med påskeferie heime også.

Ok, det var nok for i dag. Bloggast nok i morgon også veit de :)

Kalendermagnetar

La du merke til dei kule kjøleskapsmagnetkalendertala mine i forgårs innlegg?
Dei kjøpte eg på Oljemuseet her i Stavanger då me var innom for blant anna å sjå på den fine Ida-utstillinga som er der nå.

Den vesle Oljemuseet-butikken er ein herleg butikk for liten og stor, her finn du alt frå flotte fossilar og mineral, kjekke eksperimentgreier, til små skjønne plastbadeender. Og altså kjøleskapsmagnetar i form av kalendertal med ein raud ring ein flytter frå dag til dag. Ein kan også byte ut tala med magnetar for handleturar, trening, bursdagar og ymse andre aktivitetar ;)

Me ferierer heime om dagen. Vaskemaskin og tørketrommel durar konstant i hard konkurranse med støvsugar og oppvaskemaskin. Eg prøver få orden på huset, og tar eit kraftig skippertak og to. Ungane kosar seg eine sekundet og kranglar vilt det neste. Alt er som normalt med andre ord.

Tusen takk for alle fine ord de legg igjen. De gledar meg enormt!!

Ha ein god kveld, klem herifrå.