Første par ut

Kjekt at så mange andre også digga kuppet mitt. Når eg har fått sydd opp ein del, så kjem det kanskje ein aldri så liten give-away med stoff. Eg får jo nesten litt dårlig samvittighet for det eg fekk tak i, men denne gong var det visst min tur. Jammen på tide syns eg sjølv. For eg har trålt Fretex etter retro sengetøy i mange mange år. Litt har eg funne før, men ikkje i så store mengder.

To puter er ferdige, og eg har forhåpningar om å få sydd fleire om eg ikkje mister inspirasjonen før eg kjem så langt. Det er aberet med å sy på kjøkkenet. Det er grenser for kor lenge eg orkar ha alt rotet liggjande, og til slutt vert behovet for å få orden på kaoset for stort.

Putene er sydd med doble saumar og med overkast på alle kantar. Firkantane har ikkje samme mål, og det er heilt bevisst. Eg likar at det ikkje er for perfekt - at hjørnene ikkje treff heilt og at firkantane har varierande bredde og høgde.

Det rosaprikkete dynetrekket klarar eg ikkje klippe opp. Ikkje enno iallefall. Me pleier ha ei dyne liggjande i ei korg på i stova. Ei dyne me slenger over den som frys, den som er trøytt eller den som står tidleg opp og ser barneTV i helga. Dyna er nå iført det rosaprikkete sengesettet, og du og du kor fin den vart :)

Ha ein finfin mandagskveld :)