Yippi Yaja

Litt av julepynten har gått over frå å vere julepynt, til å verte vinterpynt ;) Denne nydelege snøgloben klarar eg ikkje sette vekk. Ei heller fluesopplysestakane på spisebordet.

Snøgloben er kjøpt hjå Berthas Oldebarn i Bergen. Eg fall pladask for desse då eg først såg dei i bloggen til Berthas. Fallet var så pladask at eg faktisk vurderte å fyke til Bergen for å handle julegåver der. Pluss snøglobe til meg sjølv ;) Tida strakk ikkje til, men verdas beste Bodil hadde kjøpt den i julegåve til meg. Er eg ikkje heldig?

Som om ikkje det var nok fekk eg desse krukkene frå House Doctor.  Heilt meg, og heilt nydelege. Nå husar dei melis og sukker og er så fine, så fine. Sjekk den tøffe lukkemekanismen ved hjelp av streng og knapp. Knallfint :)

Tusen takk igjen snille Bodil, og tusen takk til dåko alle for kommentarane i går. Det er godt å få støtte i kampen, og det er jo kjekt å sjå at ein ikkje er åleine i verda med feilslegne strategiar og søtsug.

Mikrofeen søv søtt her og nå, og eg skal deite Elna på kjøkkenet.

Ha ein fabelaktig dag