Hjelp, ring Anticimex!

Huset er fullt av rik soppvekst.

Dei finst i alle slags fargar og kvar og ein er unik.

Somme har ranglebjelle i hatten. Andre har lavendel. Og andre der igjen har begge deler. Dei var 20 i talet sist me talte opp. Det er fare for at dei formeirer seg vidare. Kanskje Anticimex kan kurere soppegalskapen?

Heile gjengen her i huset er skikkelege stovegrisar. Me ELSKAR vere inne på søndagane. Ingen vekkerklokker, ingen planar, ingen tidsfristar. Berre avslapning og TID til å gjere det ein vil.

Eg ville sy. Det ville dei to eldste også. Iallefall litt til og frå. Dei stappa vatt, lavendel og holdt styr på ranglebjeller. Ja, Samson syns det var stas å trykke på symaskinpedalen også. Resultatet vart ei heil korg av soppar. De får sjå heile hurven i morgon.

Tusen hjerteleg takk for alle dei fantastisk kjekke kommentarane på gårsdagens innlegg. Eg er lei meg for at eg ikkje rekk komme tilbake til alle og takke personleg. Men det einaste eg rekk for tida er å poste eigne innlegg, kaaaaanskje svare på nokre e-postar, og thats it. Så eg håpar de har glede av innlegga mine, og forståelse for at eg må prioritere å vere litt asosial på nettet sånn ellers. Tusen takk til alle som legg igjen spor etter seg, blogginga hadde ikkje vore kjekk utan dåko :)

Håpar alle har hatt ei fortreffeleg helg, og ein super søndag/morsdag/valentine dag/fastelavenssøndag  :)

Klem får Linda

Fint ferdig

Koseteppe, krabbeteppe, sengeteppe, slumreteppe. Kjært barn har mange namn. Lappeteppe er det definitivt. Med fòr og mjuk søt bakside, og fargerik og glad framside.

Teppet flytta rundt omkring på fotoseansen i dag. Først innom Alma sitt rom, og så innom Simon sitt rom. Både han og apekatten var søvnige før formiddagskvilen :) Teppet skal forøvrig ikkje ende opp her i huset, men inn i Eplabutikken litt seinare.

To puter er også ferdige.

Dei vart foreviga i stova :) Her er det brukt lappar og band frå Trude Helen, Guro og Vibeke, Fretex, netthandel og barneklær. Herleg sammensurium ;)

Alma sitt rom vart nyleg ommøblert, og enno er veggene veldig tomme. Ho skal få opp ein settekasse over senga. Men føreløpig er det berre dette Ole Lukkøye-bildet som er veggpryd der inne.

Her er det pannekaker på menyen og straks popcorn og film. Eldstemann har skulekompisar på besøk, og eg må gå å sørge for at dei har det dei treng.

Ha ein god laurdag, jenter (og gutar?).

God Helg

I dag har eg verkeleg boltra meg i dei finfine stoffa mine. Mange lurer på kor eg kjøper stoff. Og eg kan fortelje at det meste vert kjøpt på nett frå utlandet. Ofte har eg bestilt på Stoff og Stil (har ikkje fått nye katalogen enno snufs, snufs), RetroDepot, eller andre utanlandske nettbutikkar eg ikkje hugsar namnet på. Ofte søker eg kanskje etter f eks retro fabric på Google, og finn den eine stoffbutikken betre enn den andre. Farlig, farlig :)  

Klær ungane har vakse frå er også supre som stoffbitar i syprosjekt.

I morgon får de sjå litt av det eg har sydd i dag. Nå i kveld er det for mørkt for fotoseanse :)

Nå som eg stullar heime på dagtid, så prøver eg å legge sjela litt i matlaginga. Lage sunn, god mat frå botnen av. Det er ikkje alltid eg får tid, og som oftast er middagen særdeles enkel. Men eg glimtar til innimellom. Då er det jo desto kjekkare. Denne middagen vart så delikat og knallgod at eg rett og slett drog fram kameraet ;) Skal du lage ein god salat til lunsj eller ein lett middag i helga, så er dette mi helgeanbefaling. Hjertesalat, ruccola, dampa ferske asparges med havsaltdryss, hardkokte egg, bacon og pinjekjernar. Dressing av god olivenolje, saft frå lime og litt pepper. Mmmm, kjempegodt attåt godt brød.

Med dette ynskjer eg dåko ein kjempefin fredagskveld. Sleng beina på bordet, synk ned i sofaen og slapp av - det er helg :)

Klem frå feen ;)

Mumle Gåsegg

I dag er eg skikkeleg nøgd med meg sjølv. Eg er ferdig med helgevasken og klesvasken og alle vindu i huset er pussa. Eg er klar for helg rett og slett :)

For mange år sidan kjøpte eg ei eske med vaktelegg på påskesalget til Gåver og Leiker. Og så skjedde det som er typisk meg. Eg rydda eska bort på ein lur plass. Plassen var så lur at når neste påske kom, så fann eg ikkje dei skjønne eggeskalla. Ikkje neste påske heller...

Men i jula dukka eska opp. I klesskapet på soverommet eg hadde som liten. I mamma sitt hus. Blant glansbilete, Bon Jovi plakatar og TOPP-utklipp dukka dei søte små eggeskalla opp. Aha, er det HER dei ligg, tenkte eg nøgd, og skunda meg og la eska i dashbordet på Peugeot'en. Der har dei lege til i dag. Nå er dei putta oppi eit NorgesGlass og ventar på påske.

Ingen innlegg frå meg utan gledeshyl for tida. I går kom ein fantastisk pakke i postkassa. Føler eg gjentar meg veldig her. Men eg vert altså så yrandes glad over alt det kjekke og fine eg får, og må berre dele gleda med dåko.

Desse nyvaska herlege gardinene fekk eg frå ein blogglesar frå Østlandet. Ho hadde kome over skattane på ein bruktbutikk og tenkt på meg. Lucky me. Tusen millionar takk, snille du. Eg syns det er utruleg kjekt at de kjenner meg så godt gjennom bloggen at de finn ting som "er så meg" at eg får hjartebank.

Ha ein super torsdagskveld.

Klem frå Linda

Kongeleg hue

Eg har strikka ei ny hue etter oppskrifta eg dikta for nokre år sidan. Dagens plan (om eg får tid) er å legge oppskrifta ut i oppskriftsbloggen. Denne hua er tiltenkt storesøster, men sidan ho kosar seg i barnehagen nett nå, så måtte veslebror stille som modell. Veslebror klør forøvrig veldig i gommane, og gneg på ein kremtube på biletet ;)

Hua er alt for stor til klinkekulo vår, og han ser derfor ut som om han har ekstremt stort hovude. Ikkje så løye i grunn, for hua passar til og med til meg :) Men når hua er i riktig størrelse er den kjempefin på altså. Det er berre det at dei søte små er mykje finare modellar enn mora.

I tillegg til alle interiørbladene eg skummar gjennom (rekk sjeldan lese dei), så føyer eg også oftast over vanlege ukeblader også. Og i eit rykande ferskt blad, som kjem ut tirsdagar og fredagar, fall blikket mitt på denne hua som den danske prinsessa har på seg ;) Om du strikkar hua "mi", utelet heklekant og blomsterdekor, så har du ei dansk prinsessehue du også ;)

Nå håpar eg at eg får tid til å skrive ned oppskrifta før formiddagsluren til Simon er over. Kikk innom oppskriftsbloggen om ei stund, om du vil ha oppskrifta :)

Ha ein flott onsdag, klem frå meg

Er det mulig?

Går det an å være så heldig spør eg. Uff, eg landar vel snart med eit digert pladask, for å gå til postkassen er blitt ein slags fest her i huset. Før rekningane veltar inn for liksom å dra meg ned på jorda igjen, så nyt eg det så godt eg klarar.

De veit Guro, som heklar dei mest fantastisk skjønne kreasjonar, og som har den kjempeinspirerandes bloggen M.I.L.C.H.SCHAUM? Eg og Guro har vore bloggkompisar i mange år. Og som takk for ei ørlita helsing eg sendte den gong ho fekk guten sin, så fekk eg altså verdas skjønnaste vest i posten på laurdag. Eller rettare sagt Simon fekk vesten. Er den ikkje utruleg skjønn og knallfin? Kjempemjuk, nydeleg farge og knallfin knapp. Og heimelaga. Det kan ikkje bli betre.

Og snille Guro sørga for nydelege tilskot til stofflageret. 60-70-talls stoff i blåtonar er omtrent umogeleg å oppdrive (DESVERRE), men nå har eg fått litt på lager. Litt har eg kjøpt sjølv også. Tusen takk Guro, eg vart superglad for den overraskandes pakken!!

Tusen takk for alle koselege kommentarar angåande kosekanina vår :) Eg har som regel forbod mot avkledde bilete av ungar på bloggen. Men idag gjer eg eit unntak, då denne skjønnasen her er 36 år nå :) Som de kan sjå, så er småfeane (iallefall gutane) som snytt ut or nasa på pappaen sin. Det er rart med barn, korleis dei liknar begge foreldra, enno foreldra kanskje ikkje liknar kvarandre i det heile.

Sola skin frå skyfri himmel og ute er det knakandes kaldt. Det er godt å kose seg inne med symaskina slike dagar ;) I staden for å gå ut på tur, så MÅ eg berre få sydd litt før hjernen boblar over av kreativitet...

Ha ein fin mandag :)

Verdas beste kosekanin

Tihi, her ser de verdas desidert beste kosekanin.

Og dersom eg snurpar munnen min saman, så liknar eg enno meir på ei lita kanin:

Kanindrakta frå Lindex kom fram frå gløymselen nederst i kleskorga i dag. Med skjønne øyrer på hetta og liten avtagbar dusk på stumpen. Herlighet kor me kosar med denne litle skapningen. Mammahjerta smelta fullstendig i dag, for plutseleg byrja han å sei mamma og bappa. Han har liksom ikkje laga ein lyd før, men i dag lausna det heilt. Til gjengjeld babla han non-stop i heile ettermiddag ;)

Det vart berre ei særdeles kort kort helsing herifrå i kveld, har masse mailar å svare på og plutseleg fekk eg eit akutt behov for å sy.

Ha ein fin kveld, og eg kryssar fingrar for at det er ei gjevandes veke me alle har i vente :)

Feen på Epla

Omsider har eg dildra meg til å lage ein butikk inne på Epla. Det er så masse fint der inne, at ein kan få prestasjonsangst av mindre, men nå kastar eg meg uti det. Etterkvart kjem det ugler og retroputer også :)

Butikken min, finn du her :)

Og på lista over Dagens forelskelser finn du blant anna 1.2...3 veska mi. Så kjekt :) Der er også ein nydeleg vest (desverre for liten) frå I fra Lahell. Samt masse anna fint.

Ha ein fin laurdag!

Vil du ha interiørblader til under halv pris?

Det er mulig eg er litt sleip nå som røper praksisen eg har oppdaga. Men eg nevner ingen spesifikke navn, berre for å vere grei :) Eg abonnerer på ei rekkje magasin, og det eg har oppdaga gjeld dei fleste av dei.

Kvar gong eg får rekning så tenkjer eg at "nei, nå skal eg jammen seie opp dette abonnementet". Der og då føler eg prisen er høg. Det står liksom svart på kvitt kor mykje eg betaler for å bli inspirert. Og blir eg egentlig så veldig inspirert?

Så tar eg opp telefonen, finn nummeret til abonnementservice for det aktuelle magasinet og ringer. Samtalen lyder typisk som dette:

"Hei, dette er Linda og eg vil gjerne sei opp abonnementet mitt", seier eg.

Etter nokre tastetrykk og bekrefting om abonnementsnummer og adresse, seier stemma i andre enden av linja:

"Kunne du tenke deg å fortsette abonnementet til kampanjepris på 289 kr for et helt år?" (opprinnelig pris på rekningen eg fekk var f eks 799 kr)

"Tja. Hm. *tenke fortfort*. Ok, det vil eg", svarar eg.

"Ok, da kan du kaste regningen du har fått av oss, og så sender vi deg en ny sammen med neste nummer", svarar den hyggelege stemma på abonnementsservice.

Eg legg på og undrar meg over praksisen. Tenk kor dum eg hadde vore om eg ikkje hadde ringt. Eg sparte rett og slett 500 kr på den telefonsamtalen. Og dette har eg opplevd mange gonger dei siste åra. I 99% av tilfella der eg vil seie opp abonnementa, så skjer dette. Samstundes som eg undrast, skjønar eg at det er viktig å halde på abonnentane sine.

Så nå lurer eg: har du opplevd liknande?

Om du også vil spare pengar på samme måte som meg, så må du vere forberedt på at stemma like godt svarar "Det er helt i orden, jeg stopper abonnementet ditt fra i dag". Men då kan du jo berre melde deg inn igjen til kampanjepris.

Jobbar du i eit interiørmagasin, og veit kvifor praksisen er slik, vert eg glad om du forklarer meg kvifor.

Eg held, som de veit, på å sortere ut det eg likar frå blada mine. I desse dagar er det 2008 og 2009 nummera av Elle Interiør eg går gjennom. Eg har alltid likt Elle Interiør som kom ut for første gong for over ti år sidan. Dette er eit av dei magasina som er først ute med det siste, og har mange kjekke reportasjar. Ein av favorittane mine er den avbilda ovanfor. Den er frå nummer 6/08, og er frå eit rekkehus på Kjelsås i Oslo. Her er det svart og kvitt, plast og drivved, barneteikningar, brødskiver og design om en annen. Akkurat slik eg likar. Det første biletet i innlegget mitt er frå ein anna fin reportasje i eit anna nummer av Elle Interiør. 

Og når me er inne på abonnement og prisar av desse. Har de lagt merke til dei varierande prisane på kampanjeprisane til BoligPluss? Inni BoligPluss ligg det alltid lause ark med ulike prisar alt etter kor mange nummer ein vil binde seg opp til. I tillegg står det også eigne annonser inni sjølv magasinet, men då får du bladet til ein anna pris enn på dei lause lappane. Eg burde illustrert dette med bilder, men dersom du kjøper bladet har du heilt sikkert undra deg over det samme.

BoligPluss er forøvrig eit kjempekjekt blad som eg likar betre og betre, så dette er ikkje for å henge ut. Eg skjønar berre ikkje kvifor det er så vanskeleg å få til å skrive samme pris både her og der, slik at me lesarar ikkje blir så forvirra ;)

Dette vart eit langt ordrikt innlegg, og ikkje er eg ferdig heller :)

Eg får prøve å fatte meg i korthet nå.

Tusen takk for alle kommentarar på skiturbileta. Eg prøver å få gjort ting åleine med alle tre ungane. Det treng ikkje vere mange minuttane, men minuttane vert utnytta til fulle. I går kom eg over ein kjempekjekk blogg (OrigamiMommy), og inni der fekk eg tips til denne nåleputa eg og Alma laga i går kveld. Ein bruskork, band frå TAMO, litt stappevatt og fint stoff. Det heile limt på plass med limpistol (minifeen som tilskuar), og vips så var nåleputa eller kaka som Alma kalla den for ferdig. At eg ikkje såg det sjølv, dette er jo perfekte småkaker til leikekjøkkenet :)

Om du framleis heng med, men er i ferd med å sovne over dette ordrike innlegget mitt, så sperrar du nok augene opp og vaknar til live nå. Ha ha, me har ledd i dagesvis her i huset. I den kjekke pakken frå Vibeke i Nord, kom også desse fantastiske gamle strikkeblada. Masse kjekke oppskrifter som eg garantert skal prøve meg på. Men masse løye også.

Eg truar Herr Fe med at eg skal strikke badebukse til han. Og badedrakt til meg. He he he. Det skulle tatt seg ut.

 Ler meg ihjel av dette bildet under. Det viser meg og Herr Fe i ungdommen. Den gong me nyforelska reiste på skiferie til Alpene ;) 

Ha ei fortreffeleg flott helg!!

Ein skikkeleg god ettermiddag

Eg føler meg veldig heldig om dagen. Som har permisjon frå jobben, og kan konsentrere meg fullt og heilt om hus og heim og oss som bur inni der. 

I går var det fantastisk fint ver ute, og det passa seg slik at Herr Fe var heime og kunne passe minien, medan eg og Samson gjekk på skitur i lag. Han var først på skulen, men eg henta han før SFO starta.

Så utruleg kjekt.

Det er godt og ikkje minst viktig å finne på noko med godguten min, som hugsar kor mykje kjekt me fann på før når me berre var eg og han og pappaen. Og så godt for meg å kunne konsentrere meg om ein og ein unge utan at dei andre krever oppmerksomhet samstundes. 

Godguten måtte lokkast med innlagt kakao-pause, og syns det var stas å sitje på benken med ski på beina. Enno meir stas var det å gå over vatnet der endene badar om sommaren.

Eg er så glad i denne skapningen at eg nesten får vondt i hjarta av å sjå på han, he he. Slik har alle mødre det, men det er kjennest heilt spesielt likevel. Det kjennest som om han er sjela mi og at han er god tvers gjennom.

Det er desverre ikkje altfor ofte me har vore ute på skitur saman. Ikkje har me hytte på fjellet og ikkje har me reist på høyfjellshotell. To vintrar har eg vore gravid og redd for å falle. Men nå må me jammen benytte anledningen nå når skiføret er perfekt, ingen er gravide og ikkje skal bli det heller, he he.

Dette skal me jammen gjenta. Eg har til og med leika med tanken om å sjekke ut mulighetane for påskeferie til fjells. Til neste år ;)

Ha ein flott torsdag! Nå står middagslaging for tur her.

Klem frå Linda

Omorganisering i hyllene

Eit par timar på føremiddagen i dag vart nytta til ein etterlengta vask av kjøkkenet.

Eg har også omorganisert litt i skapa. Porselensservice som sjeldan eller aldri er i bruk har blitt bytta ut med koppar, skåler og ting som er i bruk dagleg. Fram i lyset med plastic fantastic med andre ord ;)

Før eg visst ordet av det hadde eg funne fram batteridrill, sag og malekost. Ved å fjerne glassdørene på det eine overskapet fekk eg endringa eg var ute etter. Når eg vert lei er det berre å skru dørene på plass igjen. Eg kunne tenke meg vanlege kvite hyller i stadan for glasshyller, men må sjekke om måla passar dagens kjøkkenleverandørmål (skapa er iallefall grunnare enn dagens standard).

Nedste del av vinhylla er oppsamlingsplass for alt mogeleg rot som batteri, tyggis, ladarar og fyrstikker. Det var her sag og malekost kom inn i bildet. Eg saga av den nedste vinhylla og malte litt, og la rotet oppi ei korg.

Akk og ve så herleg.

Ettermiddagen i dag har vore sjeldan god. De får sjå bilete over kva eg har bedrive i morgon.

Nå skal eg sløve litt i sofaen og nyte at huset faktisk er nyvaska og ryddig. Eg skal iallefall ikkje tenke på at om berre få timar er det like bomba igjen.

Ein god kveld ynskjast deg også, tudeluuu :)

Fargerik hårpynt

Det er mange år sidan eg sist laga hårpynt, men då desse klemmene dukka opp i syutstyret mitt fekk eg lyst til å lage eit par til Alma. Klemmene vart i si tid kjøpt hjå Panduro, og eg reknar med at slike er å få tak i enno. Klemmene held utruleg godt i håret, i motsetning til klemmer frå f eks H & M. Synd at modellen min ligg og søv, for klemmene er kjempesøte i håret.

Korleis eg lagde pynten på klemmene kan de lese i oppskriftsbloggen.

Ha ein finfin kveld der ute :)

Klem frå Linda som faktisk har gått på ski i dag (kryss i taket)

PS! Kartell-lampen er på veg til ny og trygg heim i Bodø nå.

Post frå englar

I dag skal de få sjå bilder av enno fleire ting eg har vore så heldig å få i posten. Eg blir så glad så glad, og det trur eg de også skjønar når de får sjå skattane.

Først ut er herlege 70-talls tekstilar frå snille Barbro. Ho las at eg er på jakt etter blomstrete stoff i brunt og kvitt, og eg fekk det pluss to andre knallfine barnestoff i tillegg til koseleg kort. Tusen takk, eg vart kjempeglad og har allerede prosjekt på skisseboka der desse inngår. Heilt topp :)

Like før jul fekk eg e-post frå ein supersøt lesar av bloggen min. Ho sa at ho umiddelbart hadde tenkt på meg då svigerfamilien skulle tømme eit gammalt hus. I e-posten lurte ho på om eg kunne vere intressert i å overta ting som uansett kom til å havne i containeren. Ja, gjett om svarte eg lukkeleg.

Ein diger Smart-kasse full av gamle skattar. Eg fekk faktisk gåsehud på armane og tårer i augene etterkvart som eg drog fram den eine tekstilen finare enn den andre. Vibeke hadde sortert alt etter fargar og alt var så delikat og reint. Herre gud kor spennande det var å dra fram ein ting for å sjå kva som låg under der igjen.

Sjå kor fine fargar:

Sjekk dette sengesettet her, er det ikkje fantastisk? :

Ei eske full av gamle trådsneller av papp. HERLEG.

Eit reisesyskrin frå Ackermann's. Superskjønne små butte trådsneller og rødt fingerbøl. Elskar det.

Gamle blonder og ei eske full av gamle trådsneller. Eg elskar trådsneller av tre. Eg elskar fargane, og eg samlar på gamle trådsneller. Heilt perfekt!

Verdas finaste små monogram. Noko så fint og forseggjort har eg ikkje sett før, trur eg. Er det nokon som anar kva desse små monogramma med P på vart brukt til?

I tillegg fekk eg kjempekoseleg kort laga av Vibeke sjølv.

Dette var altså så kjekke pakkar å få. Eg vert heilt flau over å motta så masse fint som eg har fått dei siste dagane. Tusen tusen takk til dåko alle saman, de anar ikkje kor stor pris eg set på dette.

Eg held på å pysle med noko som kjem i oppskriftsbloggen i morgon. Det er best eg fortset der eg slapp, slik at eg får gjort litt før augene fell igjen for natta. Elna står litt fornærma på kjøkkenbenken. Herr Fe er sikkert frustrert over alt stoffet, strykebrettet og utstyret som har stått framme i vekesvis. Men i morgon skal eg sy igjen. Stikk innom og sjå kva eg har laga i morgon då, ok?

Ha ein fin kveld og ei god natt. Klem frå den takknemlige feen