Ein oransje fredag

Eg likar i grunnen ikkje oransje. Har aldri gjort det. Verken på klede eller i interiør. Men i dag har eg altså kjøpt meg eit forklede på Fretex. Og eg diggar det, trass i at det er oransje. Er ikkje dette sommarsleg og fint. Det var faktisk så fint at eg vurderte å ha det på då eg gjekk ut for å klippe hekken i formiddag. Hehe. Eg tok det ikkje på altså.

I stadan skal eg ha det på meg, når eg ein vakker dag skal setje meg ned med CD-mappa mi...

...og høyre på lydbokvarianten av ei av våre bøker med oransje omslag *glis*. Her likar me at alt matchar, ikkje sant?

CD-mappa kjøpte eg forresten også på dagens svipp-innom-Fretex-tur. Den er av merket Prôpagânda og kostar nok betrakteleg meir enn 10 kr i andre butikkar. CD-mappa er ubrukt og kul. Tykkjer eg. Trass i at Mr P (han som heng i glidlåsen) bit i ein oransje dings.

God helg!!

Torsdag porsdag

God torsdagsformiddag! Eg fortset med mine informative og spennande overskrifter eg, hehe.

I dag får de sjå ein liten sniktitt av kjøkkenøya vår. Den vart skrudd saman i natt (når skal eg lære å komme meg i seng tidlegare?), og er derfor verken dandert eller styla. Derfor berre denne sniktitten.




Fargen på mi kjære kjøkkenmaskin er ganske vanskeleg å kombinere med dei andre lyseblåe tinga er har på kjøkkenet. Den er isblå og derfor litt meir lys turkis enn lys blå. Kompisen min forslo at eg skulle setje maskina i kjøkkenskapet, men nei du. Denne er for fin til å stå gøymt i eit kjøkkenskap altså *smil*.
Og eplene i denne skåla:

skulle ha vore bytta ut med desse i frå stova:

for å matche betre med denne boksen (House Doctor):

HD boksen (som eg likar sååå godt) har til mi store glede samme isblå bunnfarge, som kjøkkenmaskina.

Eg har lenge beundra alt det fine som Line i Lines verden syr og lagar. Og sjå det fine ho har sydd på bestilling til meg:


Veska og clutchen er allereie tekne i bruk og eg er KJEMPEFORNØYD med dei.

Ha ein finfin torsdag. Nå står ein forkjøla liten fe i senga og roper på mammo si. Tudeluuu!

På ein tirsdagskveld.

Er det fleire enn meg som tykkjer det er vanskeleg å finne på overskrifter til blogginnlegga?
Det er særleg vanskeleg om ein postar innlegg ofte, og kanskje ikkje har noko spesielt å sei, hehe.

Her har det heldigvis skjedd ein del, trass i at det har vore stille på bloggen. Kjøkkenet byrjar verte ferdig. Berre litt flisespikkeri mangler (litt fugemasse her, og litt sparkel der).



Veggene er gipsa, sparkla, pussa, sparkla, pussa og kvitmalte. Eg byrjar verte nøgd. Juhu. Mannen også. Juhu. Før var det skrekk og gru, og nå byrjar det så smått og bli meir meg/oss. Skal eg minne dåko om korleis det såg ut før. Ja, Prinsessa, dette er furuhelvete. Heldigvis er det passè.



Leselampen frå Hilmers Hus kjøpte eg på salg i februar. Tykkjer den er kjempefin. Døra de ser i bakgrunnen går ut i bakgangen. Den er neste oppussingsprosjekt. Gangen altså. Som de ser så tok eg bilete kl 0843 i dag tidleg, og etter det har meir oppussing føregått. Døra på bilete har fått tavlemaling i spegelen, så det vert ikkje så ulikt leiligheten i Bergen dette her *glise*.



Knaggrekke frå Ib Laursen, og favorittklokka mi er frå Ikea. Veska har eg sydd for ørti (ca fem år) sidan, og forkledet er kjøpt på Åhlens.


Håper det har det bra alle saman. Tusen takk for kommentarar på forrige innlegg, det er godt at eg ikkje kjedar dåko ihjel. Håpar eg rekk ta bunadskurs. Kom jo på at eg om ein månad er tilbake 100% hektisk jobb. Kanskje eg er litt for ambisiøs med desse bunadsplanane mine (Hjørdis: eg er GJERNE med og tar kurs med deg!). Men ein klarer alt ein vil, ikkje sant?

Vel overstått

Vel overstått syttande mai, folkens. I dag postar eg faktisk bilete av meg sjølv, og det er vel ikkje daglegdags *smil*. Her er altså eg og dei to håpefulle pynta, og klare til å gå i tog:
Alma hadde på seg den nydelege matroskjolen Hobbyhus-Merete strikka til henne til jul. Og jammen var det bra at ho hadde så gode og fine klede, for sjølv om sola titta fram, så var det kjøleg.

Eg har store ambisjonar. Innan neste 17.mai så skal ungane ha bunad på. Ja, EG skal sy bunad til dei. Eg sjølv skal komme inn i min Sunnhordalandsbunad. Og sist men størst: Mannen skal også få bunad. Trur eg. Veit ikkje om eg vågar begje meg utpå slikt tradisjonelt handarbeid, som er tidkrevande og heilt sikkert dyrt, men med god hjelp må eg då få det til, vel? Går det an å gå på bunadsyings-kurs mon tru?

Nå skal eg straks gjere SISTE innsats på kjøkkenveggene før dei kan malast (sukk kor mykje arbeid det er med sparkling av gipsplater). Så om ikkje lenge er denne bloggen ikkje lengre som eit familiealbum, men litt meir interiørprega. Og for dei som har gått lei av bloggen min (ja, eg har fått slike tilbakemeldingar), så kan eg berolige om at syinspirasjonen er på stigande kurs. Eg har bestilt inn masse stoff, og gledar meg til å vere kreativ.

Og heeeeeilt avslutningsvis så må eg sende ein varm klem sørover til Emmeline. Håpar flystreiken varer lenge nok til at du rekk å ta igjen mannen din sin brunfarge. Knallgøy at du surfar frå utlandet!!

Eg mista visst piffen

Eg mista aldeles bloggepiffen brått og brutalt. Har i grunnen mykje eg skulle ha vist fram, både heimesnekra skap, nytt plantebord, nye varp, og mykje anna som eg likar. Men eg gidd rett og slett ikkje dra fram kameraet, hehe. Eg veit at bloggelysta kjem tilbake, men enn så lenge så kosar eg meg glugg ihjel med mine to små gullklompar. Små og små fru Blom, denne karen er snart skulegut.

Som de sikkert har sett, så har Flittiglisene lagt ut eit intervju med meg. Eg skulle ønske at huset var meir ferdigoppussa og ikkje minst styla. Bileta var jo ikkje tekne med tanke på intervju, men men, det får duge.

Bunaden vart testa i dag, og det er berre å innsjå realitetane at den er for stram. Eg såg nok annleis ut som konfirmant gitt. For det er vel meininga at ein skal kunne puste og bevege seg i ullkreasjonen? Nei, takke meg til kjole frå Kappahl i år, og heller satse på bunadsbruk neste år (også). Ynskjer dåko alle ei like herleg 17.mai feiring som eg planlegg.

Kreativ blogger

Tusen takk for awarden eg har fått av Katarinas Verden og Hobbyhuset. Eg set kjempestor pris på å få award, sjølv om eg er litt treig av meg med å sende dei vidare *smil*.

Det er vanvittig mange bloggarar der ute som er kjempekreative, og som fortener ein award. Men eg har valgt ut nokre kreative flinke jenter (som sikkert allereie har fått awarden fleire gonger), og det er:
Tante Mimmi: som har ein nydeleg blogg, og som skriv på nynorsk. Herleg.
Noralill: ein anna nynorskbloggar som har ein stil og smak heilt etter mi nase.
Modern Country: som syr dei nydelegaste ting, og har ein blogg som osar god stemning og fred.
Hannas Form: ein svensk blogg med fantastisk fine bilete og herleg stemning

For ei herleg tid

For ei herleg tid dette er. Tenk å kunne gå rundt i singlet og shorts i byrjinga av mai. Ikkje at eg pleier gå rundt i shorts altså, men eg kunne ha gjort det utan å fryse nå om dagen, hehe. Me har funne mange kjempekjekke turveier i nabolaget, og stortrivst her. Kongeparken er jo også supergøy. Eg pleier sjeldan gjere store sprell, og er framleis stolt over at eg overlevde Kongeraften der, hehe.

Det er travle dagar, utan at eg får gjort så mykje. Minstemor er ei travel dame. Før eg får sukka har ho velta drikkeglass, grautskåler og liknande, og kosar seg stort med å kline både seg sjølv og huset inn i klisset *smil*. Eldstemann er ein kjempeflink storebror, men han må jo passast på han også. Ein ettermiddag ute vart det veldig stille i hagen...Gjett kven som hadde knipsa bort dei fleste knoppane på den store peonen? Sukk, heldigvis er det eit par knoppar til, så eg i det minste får sjå kva farge det er på peonen i hagen... Hehe.

I dag er planen å stryke alle nyvaska for små babyplagg me har lånt av gode venner. I tillegg håpar eg å svinge tryllestaven på kjøkkenet slik at det plutseleg vert ferdig sparkla og pussa og klar for maling... ha ein fin 2.pinsedag de også!!

I'm back

Beklagar så masse at det har vore treigt med oppdatering her i det siste. Eg og dei søte små (tusen takk for alle kommentarar til fe-bildet) har hatt ein miniferie heime hos mamma. Der har me hatt det fantastisk kjekt, med mykje kos, litt rydding/oppussing og venninnebesøk. Bileta er av ei lysekruna (he he Emmeline) eg egentleg kjøpte til meg sjølv, men som eg fann ut at passa mykje betre inn hos mamma. Er den ikkje fin? Kjøpt til halv pris på opphørssalg på Kvadrat i januar.




Me kom heim igjen for fleire dagar sidan, men sidan veret har vore så herleg, så har eg rett og slett prioritert sol og turværet i stadan for internett (sunt!).
Her heng to laken kjøpt på Qxl til tørk. Eg har vaska dei i lavendelvaskemiddelet frå Durance, luktar herleg ! Lurer på kva eg skal sy av dei. Har sett nokon sydd liftgardiner av slikt, og kanskje eg skal herme? Tar i mot forslag til tips!

I dag svinsa eg innom Fretex. Og lukkeleg er eg for det (knall-lenge sidan eg har vore der). Sjå kva eg fann. Gamle kakeformer, akkurat slike eg har ønska meg. 30 kr for alle desse er ikkje verst gitt.


Dette handkleet er frå Qxl. Veit ikkje heilt kva eg skal med det. Einaste bror min som byrjar på H i min familie, men han bryr seg nok neppe om eit kjøkkenhåndkle med monogram hehe. Gratulerer med dagen din i morgon forresten kjære veslebroren min (tvilar på at du er innom her, men likevel...)

Heima hos mamma måtte eg sjølvsagt fleire gonger for dagen innom Sæbøvik gåver og leiker (godt at mamma bur 2 min i gangavstand). Kjøpte meg denne bøtta frå House Doctor som eg har sett på i fleire år utan å gjere noko med det før.

På plantebordet blømer og spirer det, og det er så kjekt. Kransen er kjøpt hos Gunhild - Something Blue. Skulle egentleg ha kransen inne, men det var før eg kom på at eg er allergisk mot bjørk, hehe.

Det er så fantastisk kjekt å ha hage nå når det er så fint ver. Eg elskar å stulle og stelle utandørs. Til og med å slå plenen er jo kjekt...enn så lenge iallefall.
Ha det godt, alle som måtte finne vegen innom her

Eggeglass og trådsneller

Eg samlar på mykje rart. Blant anna samlar eg på slike Figgjo-eggeglas i fine fargar.

På eit loppemarked i Bergen fann eg dei lyseblå, og på QXL fann eg dei lysegrønne. Dei passar kjempefint inn til det lysegrønne bordet og til kjøkkenmaskina. JIPPI!

Ein anna ting eg samlar på er gamle trådsneller. For ein billig penge vart desse mine på QXL også.

Eg har gått litt amokk på QXL for å kompansere for at eg har gått glipp av kvar einaste loppemarked som har vore i distriktet...Heldigvis har eg ikkje vunne alle budrundane eg har delteke i. Ikkje at det har vore store summar det har vore snakk om, men ein skal jo ha plass til alt ein drar heim også, hehe.

Tusen takk for alle finord på forrige innlegg. Eg skal komme tilbake til dåko, men er litt fråverande nå, i og med at eg er på besøk hos mamma denne veka. Tudelu så lenge!

Mamma si vesle godjente

Veslefeen i djup konsentrasjon. Ho studerer hekleteknikken som er brukt på Mailegkanina sine tøfler, hehe.

God helg

Åh, eg kjenner eg får så grådig energi av at det er vår. Energi pleier ikkje vere mangelvare altså, men nå kjenner eg meg ekstra glad og frisk, hehe.

I dag vart spisebordet i stova ryddig, og eg måtte nytte anledningen til å knipse litt bilete. Duken er ei gammal gardin.

Skål med epler på bordet og peoner i vasen. Skåla er frå Egersunds fayancefabrik, og den vart min via QXL.
Gjennom mine vel 4 år som bloggar er det fleire ting som går igjen. Og ein av tradisjonane er peoner i vasane på våren, hehe. Andre ting er ranunklar og blomstrande Dronning Ingrid. Lampen over bordet er frå Ikea. Har faktisk kjøpt ei lysekrune til å ha her, men syns det vart for overdådig... Får sjå om eg heng den på soverommet, eller tar den med heim til mamma.

Då gjenstår det berre å ynskje alle ei nydeleg helg!

Prikkar her og prikkar der

Eg har lenge lenge vore glad i prikkar. Hugsar for nokre år sidan, så var både eg og Marie Friis på desperat jakt etter stoff med prikkar på. Det var ikkje å oppdrive. Hugsar eg til slutt fann eit nydeleg rødt stoff med ørsmå prikkar på som heitte "Sunday in the park". Stoffet vart først brukt til ein liten jentekjole, men seinare sydd om til ei veske.

Så fekk eg meg Hobbyboden-blogg og spurte moderator fint om ikkje ho kunne lage ein med lyseblå bakgrunn med kvite prikkar på. Det gjorde ho, og lukka var fullkommen. Men så gjekk det ikkje lange stunda før Tone Finnanger lanserte sin nye Tilda-kolleksjon, og deriblant både papir og stoff identiske min bloggbakgrunn. Eg vart rett og slett dritlei heile prikkedilla.


Men så kom eg inn i bokhandelen i dag, og såg dette settet. Det osar sommar og sol av det, og eg klarte ikkje unngå å dra kortet og ta det med heim. Tenk kor kjekt det vert å bruke på terassen i sommar då.

At det passar knallgodt til mine små telysestakar kjøpt hos Birte Bo for år og dag sidan, er jo berre ekstra kjekt. Tinga (muffinsformene, salatbolla, salatbestikket og serviettane) eg kjøpte er av merket Spiegelburg G*A*R*D*E*N og eg fann det i ein Ark bokhandel.

Så nå skal eg kose meg på terassen framover iført mormors gamle lyseblå solhatt med kvite prikkar på. Solhatten er av typen fiskarhatt, og er supersøt. Angrer på at eg gav bort den lyseblå voksduken med kvite prikkar nå.

Det er jo ingen hemmelighet at eg elskar fluesoppar, og skulle ønske at bokhandelen hadde teke inn desse også i repetoaret:

Koseleg mandag

Er det ikkje heilt vanvittig bra vèr for tida? Naboen, som har god tid, har opparbeidd seg ein heftig brunfarge dei siste dagane. Eg som svinsar att og fram, ut og inn, har fått litt fregner på nasa. Og me er berre i april - elskar det!

I "nyehuset" har me port inn til eigedommen vår. Både den, uthuset, rekkverk og husfasade treng ein omgong med malekosten. Men det tar me seinare. Nå er det beising av terassegulvet som pågår, og derfor måtte Ikea-sittegruppa flyttast lengre ned mot porten.

I mangel på plantebord står spirene mine inni ein gammal kasse frå Minde sjokolade. Tenkte det kom til å bli ekstra lunt for dei der. Sjølv om det er varmt i sola på dagtid, så er det rim på bilane kvar morgon.

Veggen bak sittegruppa er rekkverket på terassen. Eg syns det er veldig dominerande, og vurderer ta det bort, eller byte det ut med rekkverk av smale spiler.

På blomsterfronten har eg kjøpt inn hengelobelia, og fleire Dronning Ingrid. På Plantasjen kosta dronningene 69 kr per stykk, medan på blomstertorget kosta dei berre 45 kr. Både hengeplanten og dei kongelege tar eg inn på nattestid, medan dei andre blomstrane overnattar ute (og det går fint). Kroken, som lobeliaen heng i, er frå Mollys Heaven:

Håpar finvèret held seg lenge, men det er nok desverre urealistisk.

Til slutt vil eg oppfordra alle som har interiørblogg å melde seg inn på http://norskeinteriorblogger.blogspot.com/. Her er det superenkelt å følge med kven som har oppdatert sidan sist i blogrollen.

Tudelu!!

Cakeadoodledo

I siste utgåve av Country Living er det ein kjempekoseleg reportasje om ei dame i England. Ho har 10 frittgåande høner. Desse legg egg rundt om kring, så dama må på eggjakt kvar einaste dag. Av egga lagar ho muffins for salg. Kakene er fantastisk skjønne, og nydeleg innpakka. Ta ein kikk på bileta under her (frå sida hennar):




Og gå innom butikken hennar for meir kakeinspirasjon

Schuster & Haugaard

Eg elskar barneklærne til Schuster & Haugaard. Det er faktisk ikkje så veldig lett å finne fine gutteklær, men i dette merket syns eg kanskje gutteklærne er finare enn jenteklærne. Iallefall i det utvalget som var på butikken i går.

Men eg fann fine jenteklær altså, det er ingen problem, og eg kom heim med dette til Alma:

Eg syns det var noko bemerkelsesverdig kjent med stoffet på buksa og kjolen....

...og kom på at det er samme stoff som eg sydde denne veska av:

Berre i andre fargar, som de ser. Stoffet kjøpte eg hos Kitty Craft for over to år sidan. Direkte importert frå Japan. Veska eg sydde er til salgs hos Hjem kjære hjem. Den har lege ute lenge utan at nokon har kjøpt den. Trur eg skal kalle den heim igjen, slik at eg får brukt den sjølv.

Tusen takk for alle god-bedring-ynskjer til vesle snuppemor. Ho er i fin form nå, og er her avbilda midt i sitt favorittgjeremål: Rote i samanlagte klær og ikkje minst: dra mamma sine interiørblader utover *smil*

Fredag og HELG

Beklagar at det har vore litt stille her inne dei siste dagane. Eg vart brått så oppteken i RL (real life). Minstemor er forkjøla, og treng ekstra pleie og omsorg. Me har dulla og dalla med henne, og håpar berre me ikkje har vendt henne til vanar ho ikkje bør ha, he he. I tillegg har eg vore oppteken med venninnetreff, treningar og ikkje minst: vere ute i sola. Den må nytast medan den er her!

Som nevnt tidlegare så venta eg på ein sterkt etterlengta maskin. Nå er den komen, og er berre råfin. Det syns eg iallefall. Kjøpt hos Pixmania, til vel ein tusenlapp mindre enn hos f eks Ting.

Fargen heiter Ice Blue, og er ein mellomting mellom lyseblå og lysegrønn. Heilt perfekt for meg. Eg har eit gammalt bord etter farmor som er malt i den fargen, og litt anna dilldall.

Det har blitt alt for lita tid til oppussing den siste veka. Og i dag skulle eg setje opp farten og gjere ein stor innsats medan tullemor hadde luren sin. Veggene på kjøkkenet ser nemleg slik ut:

Men så ringte det på døra, og sjå kva som kom til meg: Pakken med varene eg bestilte på Mollys Heaven for eit par dagar sidan. JUHU! Gløymt var all pussing av sparkel.

Eg trengte nytt lager med Duranceprodukt, og tenkte at eg likegodt kunne bestille det hos Molly. Då kunne eg nemlig bestille litt ekstra ;)

Trådkorgene frå House Doctor likar eg så godt. Enkelte i dette hushaldet er ikkje så flinke til å henge kjøkkenhåndkle på plass på krokane. Så for at eg skal sleppe å gå å henge det på plass kvar gong han har brukt det, så kan han slenge dei oppi denne korga. Og den henslengte stilen er jo fin i tillegg, he he. Ikkje verst.

Eg bestilte meir ting, men det får de sjå ein anna dag. Pakken resulterte iallefall i at eg vaska ned badet, i staden for å pusse sparkel. Badet er pynta med nytt tilbehør, og det luktar godt av olivensåpe (tusen takk Molly).

Nå skal eg bevilge meg fri til å ta meg ein laaang surferunde. Ha ei god helg, alle som ein!