Gult er kult

Eg føretrekk kjøpe klær til ungane framfor til meg sjølv. Det er så enkelt og greit. Berre bestille klær i størrelsen deira, og alt passar. Det trengs ikkje å kave seg inni eit prøverom og forkaste det eine etter det andre plagget. Ein vert heller ikkje bedrøva over å sjå seg sjølv i spegelen frå alle vinklar. Ein vert ikkje sveitt og forkava. Nei, å kjøpe barneklær er rein og pur glede.

Med tre ungar i hus, så vert det fort veldig kostbart med "merkeklær". Det er jo dumt, for etter 10 års fartstid som mamma har eg erfart at merkeklær er av betre kvalitet og varer lengre enn dei fleste klær frå såkalte billigkjeder. Derfor er sommarsalg supert og eg nyttar høvet til å kjøpe inn nokre antrekk til ungane både med tanke på seinsommaren, skulestart og neste vår/sommarsesong. På salg er klær av super kvalitet jo rett og slett billigare enn klær frå H&M og Kappahl og Cubus. I love it.

I forgårs kom ein pakke med klær eg har kjøpt i nettbutikken Sam & Sofie i hus, og eg tenkte å vise dåko nokre kupp utover eit par innlegg. Jada, eg innrømmer det først som sist, alt eg har kjøpt er ikkje til nedsatt pris. Blir jo så himla frista av alt haustnytt også.

Vart så glad over å komme over dette smykket i løpet av "handlerunden". Sweets er eit norsk merke som har akrylsmykker i alskens motiv, og veslejenta fall heldigvis pladask ho også. Smykkene kan også brukast av vaksne, men eg skulle nesten ynskje eg var fem år med Sweets-smykke rundt halsen, he he.

Kva er vel meir forfriskande og oppkvikkande ein grå og regnfull dag enn gule kule støvlar??

 Hårband frå H & M.

Drappa Dot -kjole, Sweets smykke og Bisgaard-støvlar frå Sam og Sofie.

Akkurat nå angrer eg veldig på at eg ikkje kjøpte denne ultrakule jakka også.

Den hadde nemleg vore prikken over i'en ;)

 

I morgon startar kvardagen med skule, jobb og barnehage atter ein gong.
Gledar meg :)

Ha ein fin søndagskveld der du er!!