To Mailegkaniner kosar seg i ein ny glaskarm på jenterommet.
Tenkte eg skulle vise litt bilete med resultat frå oppussinga som har føregått på og i huset vårt etter jul.. Me har skifta lekter, isolasjon, plater og bordkledning på heile huset. Me har bytta ut alle vindu med nye, og me har skifta ut dei to ytterdørene våre. Det er blitt så lunt og godt i huset etter at alle trekkfulle vindu er skifta ut med nye med betre isolasjonsegenskapar. Heilt herleg.
I og med at me har eit hus frå 50-tallet så prøver me gjennomføre ein stil på huset som passar til byggeår, stilepoke og ikkje minst vår eigen smak. Me er kjempenøgde med arbeidet som er utført, med resultatet og ikkje minst med at snekkarane i dag pakka sakene sine. FERDIG!
I og med at det regna sånn i ettermiddag, tok eg bilete av ytterdørane innanfrå :) Me har to like ytterdørar som er plassert med eit par meters mellomrom. Ei hoveddør, og ei dør inn til bakgangen. Diverre gjekk det ikkje an å skaffe til veie like dørar som dei originale (tre breide parallelle ståande glasfelt), men det vart fint med desse også. Bilete teke i bakgangen i ettermiddag:
Eg manglar bilete av nye vindu, og nytt rekkverk på terassen, men det får eg vise ein anna dag.
Innandørs har det ikkje skjedd dei heilt store endringane, sett vekk frå at me har fått større opning mellom kjøkken og stove.
Bilete frå undervegs i prosessen, der bærebjelkar framleis står på plass:
Og bilete frå resultatet (listverk i opning skal malast minst eit strøk til altså ):
Snekkarane har lagt ned eit bredt eikebord på gulvet i opninga, og eg er usikker på kva me skal gjere med den. Er for gale å male over - vil bli veldig slitasje her. Samstundes så er det litt for mørkt slik det er nå. Vurderer difor å beise den lysare. Nokon som har erfaring med slikt?
Det einaste me ikkje har skifta ut utvendig er altandøra frå kjøkkenet og ut i bakhagen. Gjett om eg angrar på det nå, nå som alt anna er nytt. Denne vil eg difor ein vakker dag erstatte med ei dobbel skyvedør. Det vil bli bra :)
Ja, dette vart ei lita oppdatering på ting som har føregått i huset i det siste. Beklagar så masse at eg er supertreig med å svare på kommentarar og slikt for tida. Tida strekk ikkje heilt til, men satsar på at det tar seg opp igjen etterkvart.
Ha ei flott veke!
PS! Eg skal oppdatere bloggen oftare framover :)
Mmmmm, små sjokoladeegg er snadder. Det er ikkje negativt at dei er fine å sjå på også :)
Der var det gjort... det eg trudde eg aldri skulle gjere :) Eg kjøpte meg rett og slett eit Vipp 16 spann i går.
Sjølv om "alle" andre har det, og sjølv om det er rådyrt, så er eg lukkeleg glad for det. Spannet passa kjempegodt inn på kjøkkenet, og ser ut som om det har stått der alltid ;) Ikkje verst at det å kaste søppel vert ei god oppleving.
Så må eg spørre de andre som har slikt. Oppi låg det ein gummiring som eg reknar med at er reserve for den nærast lokket. Men det var også ein liten svart gummirunding med ein sølvkrok på. Kva er dette? Noko eg skal skru fast ein eller annan stad?
Medan eg draumar om atter ein gong sitte ute i sommarnatta med tente lys over hovudet, tenkte eg å vise dåko nokre før og undervegs bilete av huset. Aller helst ville eg ha venta til huset er ferdigmala med å vise det fram, men det blir jo så lenge å vente :)
Undervegsbilete (det var ny kledning på denne delen av huset frå før) av ny og solid dør frå Gilje:
På terassen var det snekra eit rekkverk av liggjande kledning. Veldig tett og veldig dominerande.
Nå er rekkverket lågare, og akkurat slik eg ville ha det - lettare og luftigare. Trur de ikkje det vert fint når det vert kvitmalt?
Utover å male huset, vert neste prosjekt utandørs å flislegge trappetrinna av sement. 
Eg tykkjer postkassane frå finske BOBI er dei tøffaste postkassane som finst. Ein tøff og eksklusiv postkasse er prikken over i'en på eit hus spør du meg.
Nå undersøker eg muligheten for at me kan ha ein slik postkasse. Det vert kanskje vanskeleg sidan me har høg ligusterhekk rundt hagen, og berre inngang til hagen via ein relativt smal port. Men det er lov å draume og planlegge ;) Kanskje eg kan klippe plass i hekken til postkasse :)
Med dette ynskjer eg ei flott helg!!
I det siste har eg handla ein del barneklær til småfeane på nett. Når det er opp til 70% rabatt er det ekstra kjekt å handle, og framleis fins det ein del godbitar igjen "der ute".
I siste utgåve av Elle Interiør er det ein aldri så liten nynorsk sensasjon i samband med interiørreportasjar. Eg har iallefall aldri tidlegare lese interiørreportasjar skrivne på nynorsk. Nå skal eg riktignok påpeike at eg ikkje har lese alle dei siste utgåvene av Elle Interiør, så det kan hende at nynorskbruken berre er ein sensasjon for meg :)
Eg vert alltid superglad, når eg oppdagar nye kvalitetsbloggar. Bloggar med nydelege bilete og med innlegg som osar av kreativitet og inspirasjon. Der ein vert så inspirert at ein skulle ynskje ein hadde meir fritid til å kreere og dille og dalle. Når eg tenkjer meg om så er det jammen lenge sidan eg har laga noko nytt.
Olli og Ollivers er akkurat ein slik inspirerandes blogg, og eg tykkjer det er ei ære at akkurat eg skal få fortelje dåko om den.
Alle bileta i dette innlegget er lånte frå bloggen hennar, og eg er sikker på at de også kjem til å falle like pladask som meg. Vær så snill å besøke bloggen, og legg igjen ei helsing til bloggaren :) Ettersom eg har forstått det så er fleire av kreasjonane å få kjøpe hjå First Floor på Nesttun :)
Sukk, så herleg det har vore med vinterferie og eit lite avbrekk i frå alt det hektiske. Me har kosa oss masse med venne- og familiebesøk, turar og hagearbeide :) Sol og vårstemning fleire av dagane gjer godt for kropp og sjel. Berre synd ei veke fyk så fort.
Den ferdig kokte saftgrauten avkjølast litt (eg satte den ut på trappa i 10 min), før den hellast oppi miksmasteren.
I miksmasteren skal blandinga piskast til den er luftig, porøs og avkjølt.
Eg syns personleg at russedessert er best nypiska og lunken med kald vaniljesaus på. At fargane er heilt nydelege gjer jo desserten berre ekstra god :) Vel bekomme :)
Boogie, boogie, boogie :)
