Kreativt kaos

 Søndagen er straks over, og her kan ein sei at det kreative kaos framleis råder i heimen. Eg har brukt store delar av dagen på å sy, og ungane og Herr Fe har stort sett fått gjere som dei vil, he he.

Dagen starta supert med amerikanske pannekaker (søkte etter oppskrift på nettet), blåbær og melk til frukost. Skodda låg tjukk ute, og me fyrte i omnen for første gong denne hausten.

I eit par timar lot eg humla suse når det gjeld både husarbeide og rydding generelt, og starta sy eit teppe eg har hatt på planen ei tid. Innimellom vart eg sjølvsagt avbrutt av mammarelaterte plikter, men med huset fullt av småvenner var det rett og slett god tid til kreative sysler.

 Eit par timar etterpå var teppet omtrent ferdig....

 ...og i stova råda kaoset.... Her er det malte kunstverk til tørk over heile spisebordet, ein stamp overfull av tørre klede som skal leggjast saman, og leiker all over the place ;)

Eg diggar slike søndagar. Særleg når dei vert avslutta med ein rusletur i nabolaget, frisk luft i lungene og nyrydda stove til slutt. Og eit nytt teppe som er på veg inn på Epla saman med masse anna rart ;)

Ok, skal stova og huset generelt bli ryddig bør eg starte prosessen nå for å sei det slik ;) Ha ein flott søndagskveld.
Klem frå Linda

PS! Eg såg før i dag at Avdelingen loddar ut ein slik støvsugar eg lodda ut  for ei tid tilbake. Stikk innom der og bli med i trekningen. Støvsugaren er knallgod, og kanskje er du heldig å vinne :) 

PSST! Eplabutikken min er fylt opp av sydde varer. Jammen lenge sidan sist, men slik er det med manko på timar :) 

Nydeleg laurdag

Ullklær på. 

Det er trass alt oktober.

Badande i sol.

Fantastisk herlege klubbehender stivheld i juice-kartongen. 

Kuli går ned på høgkant.

Beundrande blikk på storebror. 

Beundringa er gjensidig. 

Dei to gutane våre forgudar kvarandre. 

Og me forgudar dei begge.

 Seglbåtar laga av strandrusk. 

Isopor, pinnar og kartong. 

Kanskje seglar dei til Amerika?

 Sjølukt.

Grilla pølser til middag.

Masse frisk luft.

Raude kinn.

Glad i sjela.

Tre små fear sovna momentant på putene sine i kveld.

Måtte det bli mange slike gode dagar denne hausten.

Ynskjer deg også ein flott kveld og ei fortsatt fin helg.

Som etsa inn...

Enkelte interiørreportasjar etsar seg liksom inn i hjernebarken og ligg der for evig og alltid. Ja, eg går i grunnen ut i frå at alle har det slik med ting dei likar godt eller fell for? Ein slik reportasje er for meg denne reportasjen frå Stokkøya, der verdas kulaste strandbar er plassert i verdas vakraste omgjevnader. Bildene eg viser er knipsa av ein reportasje frå Interiørmagasinet (frå i fjor eller forfjor kanskje?), men staden og arkitekturen har blitt presentert i fleire andre magasin.

Strandbaren med sin moderne arkitektur ser jo aldeles malplassert ut med småbruket og fjella i bakgrunnen. Likevel passar den så godt inn at det er heilt fascinerandes. Noko så stilig, noko så inspirerandes og så ufatteleg tøft. Eg syns det er heilt aldeles fantastisk kva dei har fått til her ute, og har utruleg lyst til å reise på ferie dit rett og slett. Staden er eit eldorado for dykkarar, og eg som har snorkla i Aqabagulfen  kunne jo lett ha ført dykking opp på mi "Been there - done that"- liste, he he.

På heimesida til staden står det at strandbaren har fleksibel stengetid alle dagar alt etter kor mange hyggelege gjestar dei har. Eg diggar filosofien!

Det eg først la merke til reint interiørmessig, eller eksteriørmessig vert det vel i denne samanheng, er at stolane på strandbaren er URBAN-stolen til Ikea. Den finst desverre ikkje i oransje lengre, men derimot i lyseblå og kvitt. Dette var første gong eg såg denne stolen brukt utandørs, men i ettertid har eg sett mange rundt om i Stavangers flotte hagar, og eg har jammen likt det eg har sett. Urban er også knallfin brukt innandørs, og eg vurderer å bytte ut Gilbert med Urban ;)

Hugsar du også denne reportasjen, eller er det berre eg som fall pladask for baren og staden?

Tusen hjerteleg takk for alle herlege kommentarar på loppeinnlegget i går, og alle andre kommentarar som eg desverre ikkje rekk takke for slik eg burde. Alle dei kjekke orda og det faktum at de faktisk gidd skrive til meg, sjølv om eg er verdas dårlegaste medbloggerske, gjer meg lukkeleg glad. Tusen millionar takk!

Ha ein fin kveld og ei god natt. I morgon er det allereie torsdag!

"Lopper i blodet" utfordring

 NIB har ei utfordring gåande og eg kastar meg inn i kampen. Lopper i blodet er nemleg midt i blinken for ei loppelus som meg. Utfordringa går kort og godt ut på å vise fram sine aller beste bruktfunn, og her er nokre av mine favorittar. Favorittane er sjølvsagt detaljert utgreidd om før, men litt nye bilder er knipsa rundt om for å vise dei frå si beste side ;)

Bambifamilien var eg så heldig å finne på QXL. Rart kor lukkeleg ein kan bli av tre fantastisk skjønne dådyr i skjør porselen i grunn.

Den svenske klassikarlampen Bumling kjøpte eg på Fretex. Første gong eg såg den i butikken gjekk eg berre i frå den, med det resultat at eg låg søvnlaus heile natta og lurte på kva eg tenkte på. Neste morgon var eg på plass ved åpningstida, og sikra meg skatten. Lampen er godt brukt, og ringane under er stadvis smelta av varmen frå stearinlys, men pytt pytt. Eg likar lampen betre og betre for kvar dag, og syns den passar godt inn på kjøkkenet.

I grunnen elskar eg loppemarked. Men med ein skokk ungar som ikkje lar seg kombinere med desperate folk på loppemarked (dei trakkar jo omtrent ungane ned i kamp om loppene), så er det stort sett bruktbutikken og nettstader som Finn og QXL eg finn skattar på. Mykje rolegare forhold, trygt for dei søte små, men ikkje fullt like spennande som loppemarked.

 

 Båder amagerhylla over, og den raude kontorstolen under er bruktfunn eg diggar i heimen. 

Speserihylla eg kjøpte via QXL er ein av dei finaste tinga me har i hus.... 

...den vert brukt til oppbevaring av band, trådsneller, knappar og hobbymateriell. 

Jepp, dette var mine loppefavorittar. Har du også lopper/bruktfunn som gjer deg glad?
Bli med i utfordringa du også då :)
Tudeluuuu :)

Og englar dalar ned i skjul...

Eg tjuvstartar julepreiken her i bloggen i dag... Eg har nemleg gjort eit aldri så lite funn på Fretex sidan sist. Eg har i mange år drømt om mitt eige vesle englekor i tre. Og har sågar spart på fleire utklipp frå interiørmagasin, der nydelege små treenglar har gjort med halvveis grønn av misunnelse. Sjå kven som sat og smilte til meg sist eg var på Fretex, er ho ikkje nydeleg skjønn?

Min første treengel er med andre ord komen heim til mammo si, og nå må ho få fleire søsken i hus, he he. Heimesida til den tyske produsenten reklamerer med at eit heilt rockeband med trommeslagar og forsterkarar kan kjøpast. Hi hi, dei er litt FOR moderne for meg. Eg trur derimot at eg skal satse på eit meir tradisjonelt skjønt englekor. Så gjenstår det å sjå om produsenten sender til ei desperat englemor i nord ;) Her er produsenten si heimeside med prisar: Erzgebirge.

Foto saksa frå Erzgebirge.

Er det fleire enn meg som gledar seg til jul allereie? Eg har funne fram juleutklippa mine, og planen er å sortere i desse for å starte så smått å planlegge litt juleaktivitetar og juledilldall.

Ha ein fin tirsdag.

Sol inne. Regn ute.

Eg og dei tre håpefulle tilbragte helga heime på Halsnøy. Ja, eg kallar det heime, trass i at det er atten år sidan eg pakka Mazdaen til mamma full av dill dall og flytta for å studere i Bergen. 18 + 18 = 36 og det vil seie at eg har budd like lang del av livet heimefrå. Men heim er og blir heim, he he.

Heime på Halsnøy finst verdas finaste interiørbutikk, verdas koselegaste klesbutikk, verdas finaste blomsterbutikk og ikkje minst: verdas beste skuleboller får du kjøpt på Bakeriet. Det er ikkje løye at både eg og ungane er jublande glade når me reiser heim :)

Dei superduperkanonfine ildfaste formene frå Green Gate er frå Gaver og Leker. Dei fekk eg i gåve frå butikken som takk for at eg og Bodil brukte nokre kveldstimar/nattestimar på å flytte litt om på ting i butikken i sommar. Fantastisk kjekt å få "lønn" for ei så fantastisk kjekk "jobb". Tusen millionar takk, eg stiller gjerne opp fleire gonger :)

Formene er knallfine, og enno finare vert dei garantert med ein herleg eplepai oppi, eller fløtegratinerte poteter, eller, eller, eller. Eg er ganske så sikker på at formene flaksar ut fortare enn svint, så vil du ha deg slike (hadde dei også i grått og kvitt), må du vere rask på labben :) Alle butikkane på Sæbøvik bugna av nyheter, så ta deg turen der om du bur i distriktet.

Herr Fe har ikkje lege på latsida i sin gressenkemanntilværelse. Han har tatt årets malingsstrøk på kjøkken- og ganggulvet. Det har blitt ein årleg tradisjon rett og slett. Eg tar ungane med på helgetur, medan han friskar opp gulva. Før har han alltid brukt Trestjerners maling, i år gjekk han for Oxan. Vert spennande å sjå kva som held seg best.  Det var iallefall ei fryd å komme heim til reine kvite gulv i går :)

På været å bedømme er hausten verkeleg i full gong. Det er koseleg å vere innandørs og kose seg med diverse pyssel. Vannkoppane herjar på små kroppar, og me må prøve finne på noko kjekt. Kanskje dei ildfaste formene vert fylt med noko godt allereie i dag ;)

Ha ein fin mandag der ute, klem frå meg!

Oppskrift på ein vellukka ettermiddag

Sol frå skyfri himmel og eit kassa-apparat frå loppis...

Heimelaga pengesedlar og ein bråte med smular og sukker....

Ein stabel med nysteikte vafler og ein gjeng glade ungar...
Leikebutikk som selg vafler er definitivt ein suksess. Prøv du også ;)

Ha ei super helg,
Linda :)

Tid for knallgod mat

Nok ein gong må eg reklamera for gratismagasinet Glad i mat som ein får på ICA. Eg syns dei har auka standarden på bileta og bladet generelt, så dei fortener litt gratisreklame.

Heilt sikkert ein fantastisk god eplepai ein får oppskrift på her, men eg svergar framleis til mi eiga vidunderoppskrift (super med både rabarbra eller syrlege norske epler i botnen). Prøv paien min, den er fantastisk. Og ikkje minst herleg enkel å lage når ein venter gjestar. Sist serverte eg vaniljekrem attåt, og det var stor suksess...

Det eg likar så godt med oppskriftene i Glad i mat, er at det er normal mat. Ikkje så mykje fænsi smænsi at ein får prestasjonsangst, og av ingredienser ein oftast har i hus. Til helga skal me jammen kose oss med ost og vin:

Eg anbefalar alle å plukke med seg eit gratismagasin neste gong de er på ICA.
Vel, nå var det nok reklame og eg bevegar meg heller over til det kreative hjørnet. Eg har mange prosjekt på gong, og sånn innimellom alt det andre får eg sydd pittelitt om dagen. Håpar å komme med meir spennande bilder av ferdige ting om ikkje lenge :)

Ha ei god natt og ein fin tirsdag i morgon.
Håpar på nok ein kald flott solfylt haustdag for både meg og deg :)
Ciao :)

Bestikk med kongeleg namn

 Skaugumbestikket har fått sin renessanse i desse dagar. Norsk design på sitt aller beste etter mi meining.

Frå før av samlar me på bestikket med kvitt skaft, men eg kunne ikkje gå forbi denne samlinga med skaft av teak på Fretex i går. For ein slikk og ingenting (220 kr) har me nå fullt bestikk til 10 personar (40 delar). Tilsvarande sett på Pur Norsk kostar over 3000 kr. Og det er eit sett til i 18 delar utan teskeier.  Det kallar eg eit kupp.

Bestikket såg litt slitt ut der det låg sammanrulla med ein gul strikk rundt skafta. Med litt teakolje vart skafta fine som nye. Og eg er jublande glad som de sikkert forstår, hi hi. Nå må eg gjere litt research her,  men reknar med at desse må vaskast opp for hand for å bevare treverket. Trur ikkje du også det?

God søndag til deg og dine :)

I stoffhimmelen

 Eg har dann og vann skrive om det fantastiske tyske merket ByGraziela. Ei mor og dotter har relansert ein kolleksjon frå 60-70-tallet, og produkta er überkule.

Hjartesukket herifrå har vore at ByGraziela ikkje sender til Norge, og eg hadde liksom slege meg til ro med at dei vakre metervarene berre var tyske sydamer forunt. Heilt til eg fekk ein telefon. Den snille mammo til ei av Samsons klassevenninner ringte meg og lurte på om eg var intressert i å bestille stoff, så skulle ein venn av familien ta det med frå Tyskland. Hipp Hurra. I går kom metervarene i hus, og hjernen jobbar på spreng. Skal eg lage det, eller det, eller det, he he. Puter er nok først ut, så følg med for oppdatering på den fronten :)

Søte Kaspara legg i desse dagar ut pakkar med retrostoff ut i nettbutikken sin. Eg var heldigvis rask på labben og sikra meg desse himmelske bitane hin dagen. Eg er alltid på jakt etter retro stoff i blåtonar, og skaffa meg mange fine bitar i dette varpet. Tusen takk, Kaspara :)

Kronen på verket er denne biten her (har det samme i rødt og oransje etter farmor):

Lørdagen er godt i gong. 

Helgehandelen inkludert tur til Fretex er for lengst overstått. 

Nå er det soving på miniputt, maling på mellomsteputt, kompisbesøk på storeputt og avislesing på herr og fru fe.  Dagens kupp er foreviga og vert blogga i morgon.

Ha ein superduperfantasisk lørdag der ute.

klem klem :)

Helgenytt og putenytt

Det er mange år sidan eg kjøpte slike sitteputer frå JYSK (etter tips frå Bodil BO). I ettermiddag kjøpte eg ei ny ladning til sittebenken i gangen, medan dei gamle flytta ut på terassen.  Dei gamle var nemleg blitt ørlite misfarga etter å ha blitt gjengløymt i regnet. Nå kan dei berre ligge der ute og nyte sine siste dagar i regn og sol, medan innandørs strålar dei nye. Reine og fine som dei er.

Putene er knallfine og prisen er fantastisk. 19,90 kr per stykk er jo omtrent gitt vekk. 

 I stova tok dei putene eg har til overs plass på toppen av leikekassen. Og apekatten til Simon brukar anledningen til å få seg ein blund ;)

Eg tippar at det er mange av dåko andre som har dei samme putene som meg. Ikkje sant det er utruleg kjekt med så billige, fine ting? Juhu. God helg!!

Favorittar nett nå

...ungane skulle meir enn gjerne hatt ein komplett ny garderobe av siste kolleksjon frå Pomp De Luxe.

....eg skulle meir enn gjerne hatt ein Kubus lysestake av Mogens Lassen på bordet.

...på barneromma skulle me hatt disse fantastiske spareelefantane frå Sweet Memories.

 

....epleduken frå samme butikk skulle eg absolutt også hatt.

...og sist men ikkje minst. Eg elskar Manokoppane som både den eine og den andre i bloggverda er så heldig å ha i hus. Eg har ikkje funne dei i ein einaste butikk enno, men i Bonyttbutikken dukka dei opp i kveld.

Så då er det berre å vente på telefon frå Hamar og Norsk Tipping sånn cirka i 2030-tida på laurdag ;)

Ha ein fin fredag i morgon :) Blir deilig med helg igjen :)