Sommarens beste scoop?

Gode gamle Kvinner og Klær (KK) har gjort sommarens scoop. Dei har sikra seg samarbeid med sjølvaste Paul Løwe som har den internasjonale kjendisbloggen Sweet Paul.  Paul Løwe som dei fleste av oss har fulgt lenge før han flytta til USA og etterkvart byrja blogge frå sitt kulinariske liv i metropolen. Snakk om scoop. Paul Løwe var forresten den første "mediakjendisen" som byrja bruke blogg som formidlingskanal, og eg hugsar eg følte blogginga vart heva til eit nytt nivå då han oppretta sin blogg. Eg håpar godaste Paul har sikra seg ein god avtale i retur, for eg tippar KK vil nå salgstal dei aldri har sett makan til. I det rykande ferske nummeret av bladet, finst altså Sweet Paul Magazine vedlagt. Eg måtte innom to bladkioskar i Stavanger sentrum før eg fekk tak i bladet...og det seier sitt, vil eg tru.

Aqua og oransje saman er dritfint. Prikkar og metallboksar vert me aldri lei av. Paul Løwe vert me aldri lei av, og her er årsaken: Snakk om inspirasjon:

Akk akk. Middagen her i ettermiddag var ikkje like inspirerandes *skratt*. Sommarstemning var det likevel rundt bordet. Sola skein ute, og bruktfunntallerkenane og dei tidlegare omtalte plastglasa frå Ikea skein inne :)

Då er det berre ein ting å sei: 

 Klem frå Linda

PS! Bokstavane på bildet over er frå eit gammalt tysk spel eg fann på Fretex i Bergen ein gong i tida.

PPS! Har hatt meg ein spasertur til butikken nå i kveld, og såg at dagens innlegg er yesterdays news. KK er allereie ute med nytt nummer. Så skal du ha tak i Sweet Paul Magazine i papirform, må du vere rask på labben. Elles ligg magasinet online på bloggen til Paul Løwe :) 

Iskald

Eit iskaldt tips for å få dei søte små til å drikke meir vatn. Ja, eit tips som er supert til oss vaksne også. Kvar kveld legg eg flasker halvfulle med vatn i frysaren. Neste morgon tar eg dei ut av frysaren, fyller opp med nytt vatn, teitar korken og me kan nyte iskaldt vatn utover dagen. Gratis og genialt. Dette er eit tips eg snappa opp på eit handarbeidsforum for nokre år sidan, og som eg har brukt dagleg etterpå. Kanskje du snappar det opp vidare heretter :) ?

Forrige helg var det fantastisk vèr og me vitja botanisk hage her i Stavanger ein ettermiddag. Her er det fine stiar å gå på, bugnande blomsterbed, fine sommarfuglar, gode benkar å site på og sist men ikkje minst: fantastiske trær å klatre i.

Og før eg gjer meg for i kveld: Tusen takk for kjemperespons på mandagens roteinnlegg. Det er alltid betryggande og herleg å få bekrefta at ein er normal :) Kjekt at så mange kjende seg igjen. Ja, til rot i ein rein heim. Her lever og bur me. Ha ein finfin junikveld der ute.

Lygeblogging på sitt beste?

Du som ikkje bloggar sjølv kan lett få eit feil bilete av oss som sit bak dataskjermen og skriv bloggeinnlegg etter bloggeinnlegg. Det virkar for eksempel kanskje som om me har det sååååå ryddig. Heile tida.  Dette inntrykket tenkte eg at eg skulle rette opp litt i dag. Alle dei skjønne bloggedamene eg har møtt opp gjennom tidene ler saman med meg når me diskuterer kor greit det er å berre kunne:

* rydde eit lite hjørne

*knips knips knips med fotoapparatet

*last opp

*publiser

...

 Og vips: 

Eit ryddig hjørne frå slagmarka er publisert til folket. At det ser ut som ei slagmark rundt det ryddige hjørnet er det få eller ingen som veit ;)

Bloggejenter er, heldigvis får eg legge til, heilt normale jenter. Bloggesmåbarnsmødre er, heldigvis får eg legge til her også, heilt normale småbarnsmødre. Eg er også heilt normal. På godt og vondt.

Over og under her er det nokolunde ryddig i tallerkenhylla på Almas rom. Ryddig fordi eg skulle ta bilete av den store soppen som Herr Fe hadde laga i snekkarboden. Hadde eg publisert berre desse to bileta, kunne de lett fått inntrykk av at her er det blåst. Vell. Rull lengre ned i innlegget...

 

Eit par steg tilbake og livlig leik med Sylvanian openberrar seg.  Her i huset går det knapt an å gå ein meter utan å vere redd for å trakke sund ein eller annan liten duppedings. Vondt gjer det også. Betre vert det ikkje av at mammo bloggar om rotet i stadan for å rydde opp i det. Betre vert det heller ikkje av at pappaen ligg på sofaen, klimprar på gitaren og ser film. Det er viktig å kose seg, og leve og nyte litt. Ryddig og blåst kan eg ha det den dagen eg er pensjonist...

Nå håpar eg at bloggejentene, og kanskje helst bloggesmåbarnsmødrene, kjenner seg litt igjen. Ellers byrjar eg lure på om eg kanskje ikkje er normal likevel, he he. Det er best eg byrjar rydde. Pittelitt.

God natt :)

Tusenfryd og stemorsblomst

Med tusenfryd og rosa glasur på bollene og stemorsblomstrar i isvatnet vart søndagskosen på terrassen som ein fest. Feststemning på ein vanleg søndag er ikkje å forakte gitt. Ei fantastisk langhelg reint vèrmessig er overstått, ja, reint familiemessig også. I love it. Dei rosa glasa er forresten plastglas frå ...ja, kor ellers hadde eg så nær sagt....Ikea ;)

Rosa glasur lagar du enkelt med melis, vatn og raud konditorfarge. Eg hadde halvparten smelta meierismør og halvparten vatn for å få litt ekstra smak på den. Nammenamm.

Då eg skulle sjå gjennom bildene etter helga var det ikkje rare greiene å blogge om. Satsar på at eg får gjort noko interiørmessig på ettermiddagane denne veka, ellers ser det skummelt ut på oppdateringsfronten...

Håpar du også har hatt ei fin helg og helst med eit par ekstra fregner på nasetippen.

Ha ei fin veke!

PS. Tusen takk for fantastisk respons på Barbiekaka. De er snille og gode som varmar meg med ros.

Vel blåst

Gebursdagsfesten til Alma er overstått, og det heile vart ein koseleg seanse. Mange skjønne, små fireårige prinsesser, ein hjelpsam storebror, ein liten veslebror, og ei litt ør mamma. Mammo stod nemleg på kjøkkenet til klokka eitt på natta for å lage ferdig Barbiekaka... Skulle jo sjølvsagt ha byrja litt før, men de veit...eg lid jo av det berømte Skal-berre-syndromet ;)

Jaja, om mammo var ør, så var til gjengjeld jubilanten jublande glad. Kaka var den finaste ho hadde sett, og ho la verken merke til at kaka var skakk eller ujamn i topplokket.  Det er første gong eg testa ut ferdigblanda sukkerpasta frå hobbybutikken, og eg har litt å gå på når det gjeld praktisk trening for å sei det mildt.

 
Verdas beste Alma vår, mamma er så glad i deg at det kjennest som om hjarta skal sprekke.

Håpar du som les dette har ein fin Kristi himmelfartsdag. Her er det høg jobbebukse-og-gårsdagens-sminke-faktor. 

L O V E L Y ;)

Lukke i størrelse 28

Ja, lukka finst innimellom også på Plantasjen. Har de sett makan til fine tresko. Ja, til Alma altså, ikkje til meg. Eg hadde identiske i eplegrønn farge som liten. Nå har Alma jordbærraude :) 149 kroner kosta kloggene for dei som måtte lure på det :) Her og nå vurderer eg om eg rett og slett må på Plantasjen i morgon også, dei hadde nemleg knallfine blomstrete klogger til vaksne. Dei oversåg jo eg glatt då desse skjønne små raude dukka opp i synsfeltet. Med dei raude trygt i hus derimot....

Tusen takk for knallkjekke kommentarar på forrige innlegg.

Her ser det ut til å verte ein sein kveld. I morgon er det bursdagsfest, og eg har lova å lage Barbiekake. Huttemegtu kva har eg begitt meg ut på. De får følge med i morgon, så får de sikkert sjå resultatet ;)

Ha ein fin kveld, klem klem

Halluen, halluen

Jøss, har eg ikkje oppdatert bloggen sidan tirsdag var det første som slo meg då eg slo på PC'en i kveld. Jaja, slik kan det gå. Slik er det når ein er travelt oppteken med kvardagen. Dagane er over før ein veit ordet av det - og det å dra fram kameraet for å forevige eitkvart som kunna ha blitt blogga er liksom eit uoverkommeleg prosjekt.

I dag derimot, i dag har kameraet vore framme ei stakkars stund.  Eg benytta stunda, då minipini sov førmiddagskvilen sin, til å rydde og sortere gjennom alle bokhyllene våre. Bokhyllene er Billy med vitrinedørar (Ikea), og dei er heilt geniale til å stue alt rotet inn i. Stuar ein nok, både vel og lenge, ja, så ser resultatet ut deretter. Nå er det meste på stell, sånn cirka iallefall. Den svarte voksduken med kvite prikkar er forresten også frå Ikea :) Ja, spisebordet og stolane likeså. Fy søren, eg skulle ha vore sponsa av Ikea - det hadde gjort seg gitt.

Ugras frå vegkanten dug som helgeblomstrar denne siste helga i mai. Knallskjønne, dog eg kanskje burde redusert mengda med hundekjeks med halvparten. Sånn med tanke på det reint estetiske. 

Denne veka vert det fullt køyr. Alma fyller fire år på onsdag, men me feirer det på tirsdag. I kveld skal eg derfor skrive invitasjonar, og kanskje byrje lage pompom'ar. Alltid i siste liten, samme kor mykje eg kosar meg med planlegginga på førehand.

Ha ei flott veke, så bloggast me :)

I ♥ PomPoms

Alma sin fire årsdag nærmar seg med raske steg. Fire år! Tenke seg til. Planlegging av den store festen er så smått i gong. Hjå Martha Stewart fann eg tutorial på digre pompom'ar. Silkepapir med dette i bakhovudet har blitt samla på i lange tider. Så gjeld det berre å hugse på kor hen den lure plassen eg la silkepapiret er.

Eg tjuvlånte ho Martha sine bilete herifrå ...

Ser superenkelt ut, og resultatet vert jo aldeles bedårandes og dekorativt.

Utklipp frå oppskrifter på rosa kaker og kjeks er dregne ut or utklippsmappene, så nå er det i grunnen berre å gå i gong. Eg elskar planlegge selskap. Det er sjeldan planane vert sett ut i live til det fulle og heile, men eg kosar meg med planane okke som:)

Ha ein fortsatt finfin dag!

Bladfreak

Nokon som drog kjensel på pappuglene i siste ROM123, eller? I dette innlegget frå 2009 (gubbevaremegvel kor tida fyk) skreiv eg om pappuglene. I det gamle innlegget finn du også lenke til kvar du kan bestille skjønnasane - eller rettare sagt betale for ein Pdf du kan skrive ut og så brette i veg. 
Eit kjekt prosjekt som ikkje tar alt for lang tid.

I det samme bladet var også sparebøssa mi i plast avbilda. He he, kva skal me med interiørblad seier nå eg. Det er mykje billigare å surfe frå blogg til blogg og suge inn inspirasjon ;) Dessverre for lommeboka og heldigvis for diverse forlag, så klarar eg ikkje unnlate å kjøpe ulike interiørblad same kor mange fantastiske bloggar det finst der ute. Før eg veit ordet av det har eg nappa eit blad ned frå hylleplassen, og lagt det på rullebandet mot kassen. Surfing er kjekt, men det er mykje meir avslappande å ligge på sofaen med mjuke puter i ryggen og beina høgt. Supe i seg litt varm te og bla i eit blad. Mmm, det har eg nettopp gjort. Det er ikkje mange minuttane som skal til, før ein kjenner seg pittelitt utkvilt. I bakgrunnen høyrte eg småfeane le seg i mellom oppe i andre etasje. Nå er det derimot stille der oppe, så eg skal gå opp og bre på dei dynene. Nyte synet av dei fredfulle ansikta med raude kinn. Lukke i sjela.

Fotografert utsnitt av siste ROM 123 

Siste ROM 123 var eit kjempekjekt nummer forresten. Eg diggar, som nevnt til stadigheit, kunststreken til Line Juhl Hansen. Og i siste nummeret av bladet er sommarhuset hennar avbilda. Fantastisk inspirerandes. I bloggen til kunstnaren finn du mellom anna mange av dei berømte kunstverka hennar.

Nå må eg prøve få orden på huset. Ynskjer deg som er innom ein flott mandagskveld :)

Eplekjekk oppdatering

Sånn på tampen av dagen og dermed helga, vil eg berre tipse dei som måtte vere intressert, om at EPLA-butikken nå er oppdatert med litt nytt knask. Personleg er eg forelska i Ugla Rugla, sjå berre her kor fin ho er:

Med dette ynskjer eg dåko alle ei flott produktiv komande veke!

Tudelu...

Ein søndag i saumens ånd

 I formiddag fekk eg meg ei etterlengta økt med Elna, strykebrett, bruktstoffskattar og synåler på kjøkkenet.  Småfeane vart aktiviserte med leik, teikning, maling og barne-TV, så eg fekk brukt opp både meter på meter med tråd og, ikkje minst, undertrykka kreativitet.

Resultatet av desse lukkelege timane vart fire putetrekk som havnar på Epla i kveld ein gong. Alle puter er fòra og har kvit bakside med konvoluttopning. 

 Ute bles det stikk og stråd og regnar på tvers, men inne skin sola på grunn av desse putetrekka :)

Litt anna ymse har også fått siste finish som denne elefanten under.

 Og her som overalt i huset elles, finst det barnebøker. Mine favorittar frå Gyo Fujikawa, samt.....

 .... det som har vore den desiderte favorittboka opp gjennom tidene hjå småfeane. Nemleg "Gresskaret som fløy til værs" av Lennart Hellsing/ Sven Otto S.

 Historia er nydeleg og uskuldig, og handlar om to bjørnar som plantar eit frø dei finn. Det viser seg å vere eit graskar, som veks og veks og veks. Til slutt er graskaret større enn huset til bjørnane, og bjørnane flytter derfor inn i graskaret.

Nå står middagslaging og bollebakst på programmet, så eg får returnere til RL som det heiter så fint ;) Ha ein fin søndagskveld!